Bóla de fogo

Bóla de fogo
Póster do filme.
Ficha técnica
Título orixinal	Ball of Fire
Director	Howard Hawks
Produtor	Samuel Goldwyn
Guión	Charles Brackett Billy Wilder
Baseado en	From A to Z de Thomas Monroe e Billy Wilder
Intérpretes	Gary Cooper Barbara Stanwyck
Música	Alfred Newman
Fotografía	Gregg Toland
Montaxe	Daniel Mandell
Estudio	Samuel Goldwyn Productions
Distribuidora	RKO Radio Pictures
Estrea	2 de decembro de 1941 8 de decembro de 2001 (TVG)
Duración	111 minutos
Orixe	Estados Unidos
Xénero	Comedia
Recadación	$2 200 000 (USA)
Na rede

Bóla de fogo (en inglés: Ball of Fire) é un filme estadounidense de 1941 dirixido por Howard Hawks e protagonizado por Gary Cooper e Barbara Stanwyck. Este filme de Samuel Goldwyn Productions (orixinalmente distribuído por RKO) conta a historia dun grupo de profesores que están a traballar nunha enciclopedia e a súa experiencia cunha artista dun club nocturno que lles proporciona o seu coñecemento único.

O resto do elenco inclúe a Oskar Homolka, S. Z. Sakall, Henry Travers, Richard Haydn, Dana Andrews e Dan Duryea. En 1948, o argumento foi recuperado para un filme musical, A Song Is Born, desta volta protagonizado por Danny Kaye e Virginia Mayo. O filme tamén é coñecido como The Professor and the Burlesque Queen. En 2016, o filme foi escollido para a súa preservación no National Film Registry da Biblioteca do Congreso dos Estados Unidos por ser "cultural, histórico ou esteticamente significativo".

Estreouse en galego o 8 de decembro de 2001 a través da TVG.

Sinopse

Grazas á doazón dun cuarto de millón de dólares, un grupo de profesores estrafalarios, todos solteiros agás un que é viúvo, traballan na elaboración dunha enciclopedia do saber humano. Cando o traballo se atopa nunha fase bastante avanzada, reciben a visita sorpresa da bailarina de cabaré "Sugarpuss" O'Shea (Barbara Stanwyck), requirida polo profesor Bertram Potts (Gary Cooper), que está a facer un estudo da xerga da rúa. Ela acepta formar parte do estudo mais en realidade está a esconderse da policía, que a busca para testificar en contra do seu futuro marido: o mafioso Joe Lilac (Dana Andrews). Todo iso failes reformularse o seu traballo ao darse de conta de que viven de costas ao mundo real.

Personaxes

• Gary Cooper como Profesor Bertram Potts
• Barbara Stanwyck como Katherine "Sugarpuss" O'Shea
• Oskar Homolka como Profesor Gurkakoff
• Henry Travers como Profesor Jerome
• S.Z. Sakall como Profesor Magenbruch
• Tully Marshall como Profesor Robinson
• Leonid Kinskey como Profesor Quintana
• Richard Haydn como Profesor Oddley
• Aubrey Mather como Profesor Peagram
• Dana Andrews como Joe Lilac
• Dan Duryea como Duke Pastrami
• Ralph Peters como Asthma Anderson
• Aldrich Bowker como Justice of the Peace
• Kathleen Howard como Miss Bragg
• Mary Field como Miss Totten
• Charles Lane como Larsen
• Charles Arnt como McNeary
• Elisha Cook como camareira
• Allen Jenkins como home do lixo
• Gene Krupa como orquestra

Véxase tamén

Bibliografía

• Kael, Pauline (2011). 5001 Nights at the Movies. Nova York: Henry Holt and Company. ISBN 978-1-250-03357-4. 
• Jewell, Richard B. RKO Radio Pictures: A Titan Is Born. Berkeley, California: University of California Press, 2012. ISBN 978-0-52027-179-1.
• Madsen, Axel. Stanwyck: A Biography. Nova York: HarperCollins, 1994. ISBN 0-06-017997-X.
• Smith, Ella. Starring Miss Barbara Stanwyck. Nova York: Random House. 1995. ISBN 978-0-517-55695-5.
• Thomson, David. Gary Cooper (Great Stars). Nova York: Faber & Faber, 2010. ISBN 978-0-86547-932-6.
• Wayne, Jane. Life and Loves of Barbara Stanwyck. Londres: JR Books Ltd., 2009. ISBN 978-1-906217-94-5.

Ligazóns externas

• Bóla de fogo na IMDb (en inglés).
• Ficha en AllMovie (en inglés)