Bangassou

Bangassou
Localización
	4°44′13″N 22°49′08″L / 4.737, 22.819
Estado	República Centroafricana
Prefeituras da República Centro-Africana (pt)	Mbomou (pt)
Capital de	Mbomou (pt) ; Bang Assu (en)
Poboación
Poboación	31.453 (2003)
Xeografía
Altitude	457 m

Bangassou é unha cidade do sueste da República Centroafricana, que se atopa na ribeira norte do río Ubangi. A rexión que arrodea a cidade é famosa pola súa vida salvaxe. É a capital de Mbomou, unha das 14 prefecturas dos país.^[1] Bangassou está unida á ribeira sur do río, xa parte da República Democrática do Congo, por transbordador.

Bangassou representa o principal centro comercial de Mbomou, contando con catro mercados e tendo a cobertura das principais redes de telefonía. Conta aínda co pequeno Aeroporto de Bangassou. A maior parte da poboación de Bangassou vive da agricultura de subsistencia.

No contexto da guerra civil na República Centroafricana, o 11 de marzo de 2013, elementos armados do grupo Séléka penetraron violentamente na rexión e apoderáronse da mesma, provocando a parálise dos servizos públicos e o corte das comunicacións por teléfono.^[2] Porén, a situación normalizouse a finais de abril.

Historia

Durante a ocupación colonial francesa do Estado Libre do Congo, foi estabelecida unha base militar francesa na rexión. En 1922, a Congregación do Espírito Santo estabeleceu unha misión católica na cidade. En 1931, a société cotonnière Comouna construíu un predio de procesamento de algodón en Bangassou, que se converteu en capital da prefectura de Mbomou en 1935.