Licinio, emperador romano oriental, inicia unha serie de medidas legais contra os cristiáns, o que provoca que se abra a guerra entre el e o emperador occidental, Constantino I o Grande, defensor do cristianismo.
7 de marzo - O emperador romano Constantino I decreta o solis dies, o "día do sol", como xornada de descanso semanal: o traballo artesanal fica prohibido, tolerándose o traballo agrícola. É o inicio da tradición occidental do domingo, aínda designado como "día do sol" nas linguas xermánicas, cfr. inglés Sunday, alemán Sonntag, holandés zondag. O decreto constantiniano entra en vigor a partir do 3 de xullo.
China: primeira representación dun estribo de cabalgadura nunha tumba da dinastía Jin. Constitúe a testemuña máis antiga do uso dese instrumento. Porén xa se rexistrara o uso de plataformas para descansar o pé do xinete na India contra o ano 150.
