Dirk Bouts

Dirk Bouts
	;
Biografía
Nacemento	c. 1415 (Gregoriano) ; Haarlem, Países Baixos
Morte	6 de maio de 1475 (59/60 anos); Lovaina, Bélxica
Outros nomes	Bouts, Dierick, Dirk, Thierri
Grupo étnico	Pobo neerlandés
Actividade
Lugar de traballo	Lovaina ; Bruxelas ; Haarlem
Ocupación	pintor
Xénero artístico	Pintura relixiosa e Retrato pictórico
Movemento	Pintura flamenga primitiva
Catálogo crítico	Dieric Bouts (en) (1907)
Alumnos	Quentin Matsys
Obra
	Obras destacables (década de 1450) O Túmulo (pt) ; (1460) Christ in the house of the Pharisee Simon (en) ; (década de 1460) Retábulo do Santíssimo Sacramento (pt) ;
Familia
Fillos	Dieric, the younger Bouts, Aelbrecht Bouts
Descrito pola fonte	Teutsche Academie der Edlen Bau- Bild- und Mahlerey-Künste (en) , (sec:Dirich von Harlem/ Mahler. 217, 217); Schilderboeck (pt) , (sec:T'leven van Dirck van Haerlem, Schilder., M188); Allgemeine Deutsche Biographie (pt)

Dirk Bouts, ou Dieric Bouts, coñecido tamén como Dirk Bouts o vello, nado en Haarlem ca. 1415 e finado en Lovaina o 6 de maio de 1475, foi un pintor holandés activo na época dos primitivos flamengos, entre os que se inclúe.

Traxectoria

Sábese pouco da vida deste artista. A nota biográfica que lle consagrou Carel van Mander (1604), a pesar da devoción do autor, está chea de lagoas. Consonte Van Mander tería nacido en Haarlem. Ignórase quen foi o seu mestre. As súas primeiras obras testemuñan a influencia de Van der Weyden, e tamén de Petrus Christus^[1].

Ao final da década de 1450, casa cunha certa Katharina van der Brugghen, membro da burguesía de Lovaina, entón en plena expansión económica e artística. Terán catro fillos. Os dous homes, Dirk o Mozo e Albrecht Bouts foron tamén pintores^[1].

En 1468, foi nomeado pintor oficial da cidade de Lovaina. En 1473, dous anos antes da súa morte, casou en segundas nupcias con Elisabeth Van Voshem^[1].

Obra

Bouts é famoso polas súas numerosas táboas de tema relixioso, das que salienta a Virxe co Neno. Na maioría das obras utilizou o soporte de madeira, sobre o que pintaba ao óleo. Dominaba a perspectiva como é evidente polos decorados moi precisos, nos cales quedan integrados os personaxes de xeito totalmente coherente. Porén os seus personaxes carecen da emotividade que transmite un Van der Weyden. Dirk Bouts foi un pintor apreciado na Península Ibérica.

Un díptico formado por imaxes da Mater Dolorosa e o Ecce Homo pertencía á colección do castelo de Gołuchów, iniciada pola princesa Izabela Działyńska. En 1941 o exército nazi incautou a colección, o díptico adquiriuno o empresario Xosé Fernández López, e en febreiro de 1981 pasou ao Museo de Pontevedra, que en 2022 o devolveu ao Estado de Polonia^[2].

Selección

Retablo da Virxe (1445/1450), Museo do Prado, Madrid.
Retablo do Santo Sacramento (1468), Colexiata de Saint-Pierre de Lovaina, tríptico que se conserva no seu lugar orixinario.
Último Xuízo (1469 ?), só dúas follas do tríptico orixinario, Palais des Beaux-Arts de Lille.
Cea en casa de Simón o fariseo (ca. 1445-1450), Gemäldegallerie Neue Meister, Berlín.
Virxe co Neno (ca. 1455), Metropolitan Museum of Art, Nova York.
Xustiza do emperador Otón (ca. 1471 - 1475), Museos Reais de Belas Artes de Bálxica, Bruxelas; paradigma de cadros que adoitaban exhibirse nas casas dos concellos das cidades dos Países Baixos.
Santo Enterro, National Gallery, Londres.
Lamentación, Museo do Louvre, París.
Retablo da Paixón (1455), tríptico na Capela Real da Catedral de Granada.

Galería de imaxes

Cristo en casa de Simón o fariseo,óleo sobre táboa, 40,5 x 61 cm.
Xustiza do emperador Otón, ca. 1460, óleo sobre táboa, 324 x 182 cm.
Virxe con Neno, ca. 1460-65, témpera sobre táboa, 27,9 x 24,1 cm.
Panel central do Martirio de Santo Hipólito (tríptico), 1468, óleo sobre táboa, 92 x 41 cm, Museo de Saint Salvator, Cat. de Bruxas.