Inanna
  | |
| Biografía | |
|---|---|
| Período de tempo | Antigo Oriente Próximo |
| Celebración | Mitoloxía sumeria |
Familia | |
| Cónxuxe | Dumuzid the Shepherd Anu Zababa |
| Fillos | Shara (en)  (  ) Anu |
| Pais | Nanna (pt) , Anu e Q28482206 e Ningal (pt) |
| Irmáns | Utu (pt) e Ereshkigal (pt) |
| Parentes | Gestinana (pt) (cuñada) |
Innana (en acadio Ishtar) era a deusa do sexo e a guerra en Sumeria.[1] Debido á forza do seu culto rematou absorbendo cultos doutras deusas menores.
Mitoloxía
[editar | editar a fonte]Era filla dos deuses Nannar (deus da Lúa) e Ningal (deusa das canas), e neta de Enki. Nalgúns mitos aparece casada con Dumuzi (pastor heroe de Uruk) e noutros ten múltiples amantes cun destino tráxico.
Mitos onde aparece
[editar | editar a fonte]- A árbore de Huluppu: Innana atopa unha semente que planta e dela sae unha árbore que a deusa pretende converter no seu trono; pero a madeira é infestada por tres seres que llo impiden ata que Gilgamesh os expulsa e así Innana consegue facer o seu trono.
- Enki e Inannana: Innana faise cos "Me" (poderes civilizadores) do deus Enki mediante un estrataxema e así transforma para ben a cidade de Uruk.
- Viaxe de Innana aos infernos: Mito que explica a alternancia de meses cálidos e fríos. Innana pretende conquistar o submundo gobernado por Ereshkigal, pero esta véncea e só lle permite regresar á superficie se deixa abaixo un substituto. Inanna elixe a Dumuzi.
- Epopea de Gilgamesh: Inanna vese atraída por Gilgamesh, pero este rexéitaa, coñecedor do destino de tódolos amantes desta deusa. Ela enfádase con el e lánzalle o touro celeste, que Gilgamesh e Enkidu logran matar. Debido a esta morte dun ser celestial os deuses condenan a morte a Enkidu, compañeiro de Gilgamesh, o que provocará que este vaia atrás da inmortalidade.
Parte da fachada do templo de Inanna en Uruk. - Poema de Agusaia[2]: Inanna provoca disputas e guerras e desgusta os deuses que se reúnen na asemblea para ver que facer; Enki ten a idea de crear un ser que sexa tan belicoso e arrogante coma a deusa para que se enfronte con ela. Tras vencela os deuses organizan a festa anual na que mulleres e homosexuais se visten de guerreiros e bailan armados no seu santuario de Parsimu.
- A vitoria de Innana sobre o Ebih: O Ebih é un terrible ser divino/montaña nos Montes Zagros. No mito Inanna sente que lle falta ao respecto (o territorio rexeitou a civilización que ela representaba) e loita contra el, vencéndoo e unificando o país de Sumer de norte a sur. Para festexalo ergue un templo e institúe festas con grupos de homes ambiguos e efeminados armados con cerimonias licenciosas que evocan a personalidade da deusa, guerreira e adicada ó sexo e á alegría.
- Inanna e Sukaletuda: Este mito explica as orixes e progresos da xardinería, da fruticultura e a horticultura, de importancia capital nesta rexión. O xardineiro de Enki, Sukaletuda, coidando un día o xardín descobre a Inanna durmindo e viólaa; esta, ao espertar, descobre a súa profanación e busca o agresor, que fuxiu a agocharse entre a multitude por consello de Enki. Inanna desata ata tres pragas antes de descubrir o seu violador ao que transforma en animal.
