Leptosol

Un leptosol é, na Base de Referencia Mundial para os Recursos do Solo, un tipo de solo de grosor inferior a 25 cm, limitado en profundidade por rocha continua, ou tamén outros solos pedrentos (menos do 20% de terra fina nos 75 cm superficiais).

Os leptosois ocupan aproximadamente 1.700 millóns de hectáreas da superficie terrestre, desde os trópicos ata as rexións polares, e desde o nivel do mar ata os picos máis altos. Son especialmente frecuentes en zonas de montaña, de Asia, América do Sur, norte do Canadá e Alasca, así como dos desertos do Sáhara e de Arabia.

En Galicia son moi frecuentes, e aparecen asociados a procesos de erosión recentes, sobre todo en zonas de maior altitude, en cumios e nos bordos das abas con forte pendente, e sobre materiais xeolóxicos de escasa velocidade de alteración (como granitos, cuarcitas, xistos...).

Os leptosois son en principio pouco atractivos para cultivos agrícolas que precisen solos húmidos, polas súas pobres cualidades á hora de reter auga.

Véxase tamén

Bibliografía

Macías Vázquez, Felipe; Calvo de Anta, Rosa (2001). "Los suelos". Atlas de Galicia. Sociedade para o Desenvolvemento Comarcal de Galicia. pp. 173–217. ISBN 84-453-3088-8.
IUSS Working Group WRB: World Reference Base for Soil Resources, fourth edition. International Union of Soil Sciences, Vienna 2022, ISBN 979-8-9862451-1-9. ([1]).
IUSS Working Group WRB: Base referencial mundial del recurso suelo 2014, Actualización 2015. Informes sobre recursos mundiales de suelos 106, FAO, Roma 2016. ISBN 978-92-5-308369-5. (PDF 2,8 MB).