Louis Braille

Louis Braille
	;
Biografía
Nacemento	4 de xaneiro de 1809 ; Coupvray (Francia)
Morte	6 de xaneiro de 1852 (43 anos); París (Francia)
Causa da morte	tuberculose
Lugar de sepultura	Panteón de París (1952–) ; Coupvray (1852–)
Relixión	Catolicismo
Actividade
Ocupación	organista, inventor, educator of the blind (en)
Instrumento	Órgano
Familia
Cónxuxe	sen valor
Descrito pola fonte	Svensk Uppslagsbok (pt) ; Grande Enciclopedia Soviética 1969-1978, (sec:Брайль Луи); Grande Enciclopedia Soviética (1926—1947)

Louis Braille, nado en Coupvray, a 40 km de París, o 4 de xaneiro de 1809 e finado o 6 de xaneiro de 1852 en París, foi un profesor francés famoso pola invención do sistema de escrita para cegos que tamén se chama braille. Ensinou Matemáticas e Música entre outras materias. Pola súa orixe, o seu nome debe pronunciarse con elle e non con ele como se escoita ás veces. En francés, o ele duplo (ll) precedido dun i pronúnciase elle.

Na súa honra, o 4 de xaneiro celébrase o Día Mundial do Braille.

Traxectoria

Louis Braille^[1] naceu nunha aldea pequeniña a 40 km de París (Coupvray) en (Francia) en 1809 nunha familia humilde. Seu pai, Simon-René Braille, era talabarteiro: fabricaba apeiros de coiro para a labranza como as correas, cinchas, alabardas etc. Á idade de 3 anos perdeu a vista. Infectóuselle o ollo esquerdo nun accidente no taller do seu pai. A infección rematou por danarlle o ollo dereito tamén, provocándolle unha cegueira irreversible^[2].

O seu pai facíalle textos en táboas con cravos para que aprendera a ler. Moi pronto, decidiron envialo a un centro para cegos en París: Centre des Jeunes Aveugles que levaba Valentin Haüy. Este protector da xente cega ideara un sistema de escrita en relevo que reproducía as letras tal como as escribimos con moldes. Con ese sistema de escrita, Braille aprendeu e ensinou no mesmo centro posteriormente matemáticas, música e outras materias^[2].

Casa natal en Coupvray (Francia) convertida hoxe en día en museo
Ferramentas do pai que era talabarteiro na casa museo
Manequín de Braille lendo textos coma os que lle facía seu pai

Creación do Braille

En 1829, inventou o sistema de escrita que leva o seu nome. En 1834, publica os detalles do seu método de escrita braille. As letras represéntanse con grupos de 6 puntos, aliñados en 2 columnas de 3 puntos. Cada letra represéntase por unha combinación única dalgúns destes puntos en relevo^[2].

Para iso, inspirouse no sistema de Valentín Haüy (texto en relevo) e da escrita nocturna para uso militar de Charles Barbier. O sistema de Valentín Haüy tiña a dificultade da incomodidade para a escrita por parte dun cego; o de Charles Barbier tiña até 12 puntos e dificultaba a lectura ao facela máis lenta pero era moi practicábel na escrita para unha persoa invidente^[3]. O acerto de Louis estivo en reducir o número de puntos ao estritamente necesario para xerar suficientes signos para unha escrita apropiada e un tamaño que facilitase a lectura.

Imaxe de Braille na súa casa
Libro en relevo escrito por Braille
Signo xerador do Braille

Morte

Faleceu en París debido á tuberculose o 6 de xaneiro de 1852. Foi primeiro enterrado na súa aldea natal e trasladado posteriormente ao Panteón de Franceses Ilustres de París. Aínda así, polo seu valor simbólico, deixaron as súas mans nunha caixiña sobre a súa tumba no cemiterio do lugar^[2].

Tumba no cimiterio de Coupvray
Panteón de Franceses Ilustres de París
Tumba actual no Panteón

Galería de imaxes

Alfabeto do sistema Braille
Busto no Panteón de París
Letreiro luminoso no Panteón de París
Máquina de escrita Braille da casa natal
Mapa en relevo
Inscrición na casa natal de Braille
Busto de Braille na súa casa natal
Perspectiva da casa natal
Letreiro con cravos na casa natal
Comedor da casa natal
Busto de Braille no Jardin de la colline Puget en Marseille
Monumento dedicado a Braille en Fuengirola, obra do escultor Andrés López Yebra
Busto de Braille en La Ressource nos outeiros de Sainte-Marie na Réunion.
Busto de Braille en Buenos Aires, Arxentina.
Estatua e baixorrelevo de Braille,realizada por Etienne Leroux. Coupvray.

Notas

↑ Pronunciado [lu'i 'braj] en francés.
↑ ^2,0 ^2,1 ^2,2 ^2,3 Henri, Pierre (1952). La vie et l'oeuvre de Louis Braille: inventeur de l'alphabet des aveugles, 1809-1852 (en francés). Presses universitaires de France.
↑ Alderete, Esperanza Ochaíta (1987). Aspectos cognitivos del desarrollo psicológico de los ciegos (II) (en castelán). Ministerio de Educación. ISBN 978-84-369-1443-6.

Véxase tamén

Bibliografía

Henri, P. (1952). La vie et l'oeuvre de Louis Braille: inventeur de l'alphabet des aveugles, 1809-1852. París: Presses Universitaires de France. (en francés)
Mellor, C. M. (2008). Louis Braille: Le génie au bout des doigts. París: Éditions du patrimoine. (en francés)

Outros artigos

Ligazóns externas

Actas do coloquio Braille 1809-2009: l’écriture à 6 points et son avenir (en francés)
Biografía de Louis Braille (Americain Foundation for the Blind) (en inglés)
Louis Braille no portal do Syndicat national des ophtalmologistes de France (en francés)
Revista Louis Braille (en portugués)
Páxina de Homenaxe a Luís Braille da UNED Arquivado 22 de decembro de 2009 en Wayback Machine. (en castelán)

[1] Pronunciado [lu'i 'braj] en francés.

[:0-2] 2,0 ^2,1 ^2,2 ^2,3 Henri, Pierre (1952). La vie et l'oeuvre de Louis Braille: inventeur de l'alphabet des aveugles, 1809-1852 (en francés). Presses universitaires de France.

[3] Alderete, Esperanza Ochaíta (1987). Aspectos cognitivos del desarrollo psicológico de los ciegos (II) (en castelán). Ministerio de Educación. ISBN 978-84-369-1443-6.

[1]

[2]

[3]