Loviisa
Loviisa (fi) Lovisa (sv) ![]() | |||||
Localización | |||||
---|---|---|---|---|---|
| |||||
Estado | Finlandia | ||||
Axencia Rexional | Finlândia Meridional (pt) ![]() | ||||
Rexión | Uusimaa ![]() | ||||
Poboación | |||||
Poboación | 14.557 (2023) ![]() | ||||
Lingua oficial | lingua finesa (majority language (en) ![]() lingua sueca (lingua minoritaria) ![]() | ||||
Xeografía | |||||
Situado na entidade territorial estatística | Subrexión de Loviisa ![]() | ||||
Parte de | |||||
Superficie | 819,82 km² ![]() | ||||
Comparte fronteira con | |||||
Datos históricos | |||||
Precedido por | |||||
Creación | 1745 ![]() | ||||
Organización política | |||||
Órgano lexislativo | Loviisa City Council (en) ![]() ![]() | ||||
Identificador descritivo | |||||
Fuso horario | |||||
Outro | |||||
Irmandado con | Haapsalu City (en) ![]() Ólafsfjörður (pt) ![]() Paks (pt) ![]() Maraş concello de Karlskrona Hillerød (pt) ![]() Horten (pt) ![]() Varash (pt) ![]() ![]() | ||||
Páxina web | loviisa.fi ![]() |
Loviisa (en finés) ou Lovisa (en sueco) é unha cidade de Finlandia. Está situada ao sur do país, na rexión de Uusimaa.
Xeografía
[editar | editar a fonte]Loviisa está situada na costa sur de Finlandia, bañada polas augas do golfo de Finlandia, cubrindo unha superficie total de 1.751,49 km², dos cales 931,92 km² son de auga. A altitude do territorio apenas presenta variacións dende a altitude mínima na costa (ao nivel do mar), e a máxima altitude (40 metros sobre o nivel do mar).
A cidade encóntrase a 87 km da capital finlandesa, Helsinqui, estando unida á mesma pola valtatie 7 (nacional 7), que continúa ata a fronteira con Rusia.
Limita cos concellos de Lapinjärvi e Myrskylä ao norte, co de Porvoo ao oeste, con Kouvola e Pyhtää ao leste (estes dous últimos na rexión de Kymenlaakso.
Poboación
[editar | editar a fonte]Dende os anos '90 o concello está a perder poboación, que actualmente está nos 15.491 habitantes segundo o censo de 2013.[1] Dende 1980 a evolución da poboación de Loviisa foi do seguinte xeito:[2]
![](https://upload.wikimedia.org/wikipedia/gl/timeline/00gtekev7u4yl2g948f0dg8npiycbhe.png)
O 15,3 % da poboación de Loviisa está comprendida entre os 0 e os 14 anos, o 61,2 % entre os 15 e os 64 anos, mentres que os maiores de 65 anos constitúen o 23,5 % da poboación da cidade.
Historia
[editar | editar a fonte]A cidade ten as súas orixes nas sucesivas derrotas de Suecia nas guerras contra Rusia durante o século XIX.
Primeiro coa Gran Guerra do Norte e o seu tratado de Nystad de 1721 humillando aos suecos, que perderon a maior parte de Carelia e o seu gran centro comercial do leste, Viipuri. Lappeenranta e especialmente Hamina convertéronse nas dúas cidades fronteirizas, sendo esta última creada para defender a fronteira.
Finalmente, a raíz da Guerra ruso-sueca de 1741-1743 e o Tratado de Åbo (nome sueco de Turku), Hamina e Lappeenranta pasan a formar parte de Rusia, e a nova fronteira desprázase varios quilómetros ao oeste do río Kymijoki. O mesmo problema que tiveran 22 anos atrás repítese novamente: os suecos non teñen ningunha cidade ou fortaleza digna deste nome que defenda a fronteira.
Foi neste contexto cando se creou Loviisa. A nova cidade fundouse en 1745 nunha zona maioritariamente de pescadores de fala sueca, a pouca distancia de Porvoo e a tan só 14 km da nova fronteira. A cidade recibiu o seu nome da princesa Lovisa Ulrika (Louise Ulrique), dona do rei se Suecia Adolphe Frédéric de Suède.
A nova cidade, situada ao fondo dunha baía, foi fortemente fortificada. Ademais disto, os suecos construíron sobre unha pequena illa do golfo de Finlandia a pouca distancia de Loviisa unha segunda fortaleza, a fortaleza marítima de Svartholm, só superada en tamaño por Suomenlinna.
![](https://upload.wikimedia.org/wikipedia/commons/thumb/6/6f/Loviisa_Gavril_Sergejev_1808.jpg/300px-Loviisa_Gavril_Sergejev_1808.jpg)
O sistema de fortificación foi abandonado, deixando uns centos de homes ao principio da Guerra de Finlandia, retirándose a maior parte das tropas suecas a Ostrobotnia. Os ocupantes non teñen tempo para enfrontarse á ofensiva rusa e réndense mesmo antes da primavera de 1808, algunhas semanas despois do inicio da guerra.
A principios do período do Gran Ducado de Finlandia, os rusos empregaron as fortificacións de Loviisa, e a cidade conserva unha certa importancia estratéxica de defensa da costa sur. Isto fixo que fora bombardeada polas tropas franco-inglesas e queimada case na súa totalidade durante a Guerra de Crimea.
A cidade foi reconstruída en madeira, con algúns edificios de pedra neoclásicos (Hotel da cidade de 1856, igrexa de 1865...), sendo esta a cara que presenta na actualidade, xa que a cidade experimentou un longo período de letargo e non viviu a revolución industrial.
O 1 de xaneiro de 2010, os concellos veciños de Liljendal, Pernaja e Ruotsinpyhtää uníronse ao concello de Loviisa.[3]
Política
[editar | editar a fonte]Os últimos resultados electorais deixaron a composición da cámara municipal do seguinte xeito:[4]
- Suomen ruotsalainen kansanpuolue: 25
- Suomen Sosialidemokraattinen Puolue: 14
- Kansallinen Kokoomus: 8
- Perussuomalaiset: 3
- Vihreä liitto: 3
- Suomen Keskusta: 3
- Vasemmistoliitto: 1
- Outros: 1
- Suomen Kristillisdemokraatit: 1
Economía
[editar | editar a fonte]Industria nuclear
[editar | editar a fonte]![](https://upload.wikimedia.org/wikipedia/commons/thumb/e/ec/Loviisan_voimalaitos_ilmasta.png/220px-Loviisan_voimalaitos_ilmasta.png)
En 1977 tivo lugar a inauguración do primeiro reactor da central nuclear de Loviisa, primeira central nuclear finlandesa (grupo Fortum): o segundo foi finalizado en 1981. A illa de Hastholmen converteuse no centro nacional de almacenamento dos residuos nucleares de baixa e media actividade en 1993.
Lingua
[editar | editar a fonte]A cidade de Loviisa é bilingüe en finés e sueco, contando cunha gran porcentaxe de falantes suecos con arredor dun 43 %.[5] Por linguas a distribución da poboación en 2012 era a que segue:[6]
- Lingua finesa: 54,7 %
- Lingua sueca: 42,2 %
- Outras: 3,1 %
Galería de imaxes
[editar | editar a fonte]-
Igrexa de Loviisa.
-
Fortaleza de Loviisa.
-
Edificio principal de Strömfors Ironworks en Ruotsinpyhtää.
-
Casa do concello de Loviisa.
Notas
[editar | editar a fonte]- ↑ "Suomen asukasluvut kuukausittain – Kunnittain aakkosjärjestyksessä". Arquivado dende o orixinal o 28 de setembro de 2013. Consultado o 21 de decembro de 2013.
- ↑ Tilastokeskus, ed. (22-3-2013). "Väestö kielen mukaan sekä ulkomaan kansalaisten määrä ja maa-pinta-ala alueittain 1980 - 2012". Consultado o 21-12-2013.[Ligazón morta]
- ↑ www.kymensanomat.fi - Loviisan liitos onnistui kolmannella kerralla[Ligazón morta]
- ↑ "Tulos puolueittain - Loviisa". Arquivado dende o orixinal o 15 de novembro de 2011. Consultado o 21 de decembro de 2013.
- ↑ "Loviisa 2010 tietopankki". Arquivado dende o orixinal o 13 de xaneiro de 2010. Consultado o 21 de decembro de 2013.
- ↑ Väestö iän (1-v.), sukupuolen ja kielen mukaan alueittain 1990–2012, laaja alueluokitusryhmittely[Ligazón morta]
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Loviisa |
Outros artigos
[editar | editar a fonte]Ligazóns externas
[editar | editar a fonte]- Sitio web oficial (en finés)