Mitsubishi
Mitsubishi | |
---|---|
![]() | |
![]() | |
Tipo | Conglomerado empresarial |
Fundación | 1870 |
Localización | Toquio, ![]() |
Fundador | Yataro Iwasaki |
Persoas clave | Ken Kobayashi (CEO) |
Industria | Automomoción Telecomunicacións Enerxía Naval |
Produtos | Electrónica Telecomunicacións Coches Buques |
Número de empregados | 350.000 (en 2010) |
Na rede | |
https://www.mitsubishi.com/en/ e https://www.mitsubishi.com/ja/ | |
[ editar datos en Wikidata ] |
Mitsubishi (
O grupo de empresas Mitsubishi forma unha entidade independente, Mitsubishi Keiretsu (grupo de empresas afíns). En xeral, todas estas empresas descenden dos zaibatsu do mesmo nome (literalmente: camarilla financeira). As 25 principais empresas son tamén membros da Kin'yōkai Mitsubishi, o "Club Venres", que se reúne mensualmente.
O nome e a icona de Mitsubishi significa tres diamantes.
Historia
[editar | editar a fonte]![](https://upload.wikimedia.org/wikipedia/commons/thumb/6/62/Yataro_Iwasaki_Portrait_Closeup_1874.png/220px-Yataro_Iwasaki_Portrait_Closeup_1874.png)
O espírito Mitsubishi
[editar | editar a fonte]As compañías que forman parte de Mitsubishi comparten un forte sentimento de responsabilidade corporativa e social. Ese sentimento ten a orixe no seu fundador samurai, hai máis de 140 anos. Koyata Iwasaki fixou estes principios nos anos 1930 e, máis de 80 anos despois, o espírito e os valores desta "Sankoryo" seguen vivos e vixentes na actualidade.
Mitsubishi baséase en tres principios:
所期 奉公 "Shoki Hoko"= Responsabilidade corporativa e social. Esforzarse para enriquecer a sociedade, tanto material como espiritualmente, ao tempo que se contribúe á conservación do ambiente mundial.- 处事
光明 "Shoji Komei" = Integridade e xustiza. Manter os principios de transparencia e honestidade, a realización de negocios con integridade e beneficio mutuo. 立 业贸易 "Ritsugyo Boeki" = Comprensión mundial a través dos negocios. Expandir os negocios, baseado nunha perspectiva global que abrangue todo.
As orixes de Mitsubishi están nunha empresa navieira, Tsukumo Shokai, que comezou a operar con tres vellos barcos de vapor. A empresa medrou rapidamente e foi trocando de nome co tempo: Mitsukawa Shokai, Shokai Mitsubishi, Mitsubishi Jokisen Kaisha (Compañia de Vapores Mitsubishi) e Yubin Kisen Kaisha Mitsubishi (Compañia de Vapores Correo Mitsubishi).
A Compañía de Vapores Mitsubishi inaugurou o servizo a China e foi a primeira empresa xaponesa en ter ruta comercial co estranxeiro. En 1880 o goberno xaponés permitiu que outra empresa fixese a mesma ruta e as dúas empresas estiveron a piques de pechar. O goberno xaponés mediou na fusión das dúas empresas. Mitsubishi diversificou o negocio adicándose á minería e á construción naval, mercando o estaleiro de Nagasaki en 1884 e, máis tarde, iniciando a produción de aceiro alí. A partir de 1893, a empresa entrou noutros negocios como o papeleiro, mercando unha fábrica en Kobe, a actual Mitsubishi Paper Mills. Fundouse Asahi Glass, o primeiro fabricante de cristal no Xapón que tivo éxito. Ao iniciarse a primeira guerra mundial Mitsubishi fixo un chamamento a tódolos traballadores pedíndolles un compromiso de integridade e imparcialidade.
A partir de 1916 Mitsubishi modernizouse aínda máis, incorporado empresas semiautónomas, como Koyata Mitsubishi, dirixida ao liderado en sectores como a maquinaria, equipamentos eléctricos e produtos químicos. Son as empresas que máis tarde se converteron en Mitsubishi Heavy Industries, fabricante de automóbiles, avións, tanques e autobuses, e Mitsubishi Electric, que tamén chegou a ser un líder en maquinaria eléctrica e aparellos electrodomésticos.
Mitsubishi na segunda guerra mundial
[editar | editar a fonte]![](https://upload.wikimedia.org/wikipedia/commons/thumb/8/8c/Mitsubishi_Zero-Yasukuni.jpg/220px-Mitsubishi_Zero-Yasukuni.jpg)
Durante a segunda guerra mundial, Mitsubishi fabricou avións baixo a dirección do Dr. Jiro Horikoshi. O mítico Mitsubishi A6M ("Zero") foi un avión caza empregado principalmente pola armada xaponesa na segunda guerra mundial. Empregárono os pilotos da Armada Imperial Xaponesa durante toda a guerra, incluso en ataques kamikazes durante as etapas posteriores. Os pilotos norteamericanos estaban abraiados pola súa manobrabilidade, e foi un grande éxito no combate ata que os aliados idearon tácticas para empregar a súa potencia de fogo e a velocidade.
Mitsubishi empregou traballadores forzados e escravos durante a guerra. Os traballadores eran prisioneiros de guerra aliados, chineses e cidadáns coreanos. Na posguerra, presentáronse demandas e esixencias de compensacións contra a Corporación Mitsubishi, en particular polos ex traballadores escravos chineses.
Mitsubishi estivo involucrada no tráfico de opio en China durante este período[1].
Posguerra
[editar | editar a fonte]Ao finalizar a guerra, os norteamericanos esixiron a división da empresa e o abandono de moitos dos seus negocios. Co tempo, as empresas foron volvendo a medrar xurdindo as anteriores relacións entre o grupo de empresas que formaba Mitsubishi.
Empresas do grupo
[editar | editar a fonte]- Asahi Glass Co.
- The Bank of Tokyo-Mitsubishi UFJ
- Kirin Brewery Co., Ltd.
- Meiji Yasuda Life Insurance Company
- Mitsubishi Corporation
- Mitsubishi Aircraft Corporation
- Mitsubishi Electric Corporation
- Mitsubishi Estate Co.
- Mitsubishi Heavy Industries, Ltd.
- Mitsubishi Materials Corporation (MMC)
- Mitsubishi Logistics
- Mitsubishi Motors (automóbiles: fabricación e vendas)
- Mitsubishi Paper Mills, Ltd.
- Mitsubishi Plastics, Inc.
- Mitsubishi Rayon Co., Ltd.
- Mitsubishi Research Institute, Inc.
- Mitsubishi Shindoh Co., Ltd.
- Mitsubishi Steel Mfg. Co., Ltd.
- MSSC Inc.
- Mitsubishi UFJ Trust and Banking Corporation (parte de Mitsubishi UFJ Grupo Financeiro)
- Mitsubishi UFJ Securities
- Nikon Corporation
- Nippon Oil Corporation
- NYK Line (Nippon Yusen Kabushiki Kaisha)
- P.S. Mitsubishi Construction Co., Ltd.
- Tokio Marine & Nichido Fire Insurance Co., Ltd.
Esas compañías son membros de Mitsubishi Kinyokai (o Friday Club), que se reúne mensualmente.
Notas
[editar | editar a fonte]- ↑ Hastings, Max (2007). Retribution. New York: Vintage. p. 413. ISBN 978-0-307-27536-3.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Mitsubishi ![]() |
Ligazóns externas
[editar | editar a fonte]- Páxina web de Mitsubishi (en varias linguas)