Museo Arqueolóxico Nacional de España
| Museo Arqueológico Nacional | |
|---|---|
 | |
 Fachada da Rúa Serrano | |
 | |
| Coordenadas | 40°25′25″N 3°41′22″O / 40.42361, -3.68944 |
| País | España |
| Cidade | Madrid |
| Director | Isabel Izquierdo Peraile. |
| Na rede | |
| http://man.mcu.es/, http://www.man.es/, http://www.man.es/man/en/home.html, http://www.man.es/man/ca/home.html, http://www.man.es/man/gl/home.html, http://www.man.es/man/eu/home.html e http://www.man.es/man/eu/home.html | |
     | |
| [ editar datos en Wikidata ] | |
O Museo Arqueológico Nacional (nome oficial) está situado na rúa Serrano, no chamado Palacio de Bibliotecas e Museos, que comparte coa Biblioteca Nacional, e á beira da Praza de Colón en Madrid (España).
Entre outras federacións e entidades, o museoforma parte da Federación Internacional da Medalla de Arte (FIDEM).[1]
.jpg)
Historia
[editar | editar a fonte]Fundouse en 1867 por Real Decreto de Isabel II. A súa creación estivo motivada pola necesidade de dispor dun museo onde, do mesmo xeito que nos restantes países europeos, puidesen conservarse, clasificar e expor os materiais arqueolóxicos, etnográficos, de artes decorativas e numismáticas que reuniran os monarcas españois na Real Biblioteca, no Real Gabinete de Historia Natural e noutras institucións.
Directores
[editar | editar a fonte]Desde 1999 o director é designado polo ministerio a cargo de asuntos culturais (no 2007, é o Ministerio de Cultura), a proposta do Director Xeral de Belas Artes e Bens Culturais.
- Directores
.jpg)
O edificio
[editar | editar a fonte]_02.jpg)
A primeira sede foi provisoria: un antigo palacete da rúa de Embaixadores chamado o Casino da Raíña, que pertencera a Isabel de Bragança, esposa de Fernando VII.
En 1895, os seus fondos foron trasladados definitivamente ao Palacio de Biblioteca e Museos.
O edificio ocupaba os terreos dunha antiga leira coñecida como a horta de San Filipe Neri. Empezouse a construír en 1866 sobre os planos de Francisco Jareño e Alarcón, pero as obras non concluíron ata 1892, baixo a dirección de Antonio Ruiz de Salces. O edificio, de estilo neoclásico, é de planta rectangular, con catro grandes patios interiores. A fachada que dá á rúa de Serrano presenta unha portada con columnas dóricas na entrada e unha columnata xónica da balconada no piso superior. No xardín de acceso atópase a reprodución da cova de Altamira.
Fondos
[editar | editar a fonte]
Contaba no ano 2003 con 34 salas que abarcaban 22 períodos da cultura e historia de España. Nel pódense atopar obras tan importantes como:
- A Dama de Elx
- A Dama de Baza
- A Dama de Galera
- A Dama de Ibiza
- O Sacerdote de Cádiz
- O Tesouro de Guarrazar
- O ábaco neperiano
- Monumento funerario de Pozo Moro
- Mosaicos romanos
- Sepulcro de Constanza de Castela.
Ademais, conta cunha reprodución do teito dos polícromos da cova de Altamira no xardín exterior, cuxo orixinal atópase en Santillana del Mar (Cantabria).
Pezas galegas no museo
[editar | editar a fonte]Galicia ten unha presenza significativa no patrimonio que se conserva no museo.[2]
- Dúas das catro columnas do altar maior de San Paio de Antealtares, s. XII.[3]
- Bartolomeu e Santiago o Menor do Coro do mestre Mateu, s. XII.[4]
- Escultura masculina togada, s. I a.C., A Ponte Puñide, Gonzar, O Pino.[5][6]
- Varios torques e aros.[7]
- Diadema de Moñes. Un fragmento; hai outro no Instituto de Valencia de Don Juan de Madrid e outro no museo de Saint-Germain-en–Laye de París.
- Lápida xudía da tumba de Seti, s. X-XI. A Coruña.
- Parteluz do Cristo Salvador de Santiago de Vigo, s. XII.[8]
- Placas de arqueta en porta de sagrario, s. VIII, Convento de Santa Clara, Santiago de Compostela.[9]
- Modio da Ponte Puñide, s. III-IV.[5]
- Moedas da caetra, 27 a.C., Lugo.[10]
- Relevo Bautismo de Cristo por San Xoán Bautista, s. XII, Montefaro, Ares.[11]
- Espada da Idade de Bronce, s. III e I a.C., Nogueira de Ramuín.
- Puñal, s. VI-II a.C., Mondoñedo.[7]
-
Escultura masculina togada. -
Parteluz do Cristo Salvador. -
_01.jpg)
_01.jpg)
_01.jpg)
Notas
[editar | editar a fonte]- O contido deste artigo incorpora material dunha entrada da Enciclopedia Libre Universal, publicada en castelán baixo a licenza GFDL.
- ↑ "Museum members". International Art Medal Federation
- ↑ Rodríguez, Salvador. "Galicia en el Museo Arqueológico Nacional" en Estela, Revista dominical de Faro de Vigo, 20/4/2014.
- ↑ San Paio de Antealtares na páxina do MAN.
- ↑ Catedral de Santiago de Compostela na páxina do MAN.
- ↑ 5,0 5,1 "Puente Punide" [sic] na páxina do MAN.
- ↑ Togate figure no Google Art Project.
- ↑ 7,0 7,1 Cultura castrexa na páxina do MAN.
- ↑ Vigo na páxina do MAN.
- ↑ Santiago de Compostela na páxina do MAN.
- ↑ Bronces coa caetra na páxina do MAN.
- ↑ Montefaro na páxina do MAN.
Véxase tamén
[editar | editar a fonte] |
Commons ten máis contidos multimedia sobre: Museo Arqueolóxico Nacional de España |
Outros artigos
[editar | editar a fonte]Ligazóns externas
[editar | editar a fonte]- Páxina web do Museo Arqueolóxico Nacional
- As xoias galegas do Museo Arqueolóxico Nacional Consello da Cultura Galega.
| Control de autoridades |
|
|---|
