Nemat Shafik
.jpg) (2020)  | |
| Biografía | |
|---|---|
| Nacemento | 13 de agosto de 1962 (62 anos) Alexandría, Exipto |
| Membro da Cámara dos Lords | |
| 30 de setembro de 2020 – | |
Deputy Governor of the Bank of England (en)  | |
| | |
| Datos persoais | |
| Educación | Universidade Americana do Cairo (pt) St Antony's College (en) Universidade de Massachusetts Amherst (pt) London School of Economics Schutz American School, Alexandria (en) |
| Tese académica | Private investment and public policy in Egypt, 1960-1986 (en) (1989 ) |
| Actividade | |
| Ocupación | economista |
| Empregador | Universidade Columbia (–2024) Banco de Inglaterra London School of Economics Department for International Development (en) Banco Mundial Fondo Monetario Internacional Universidade de Georgetown Wharton School (pt) |
| Participou en | |
| 20 de xaneiro de 2020 | Encontro Anual do Foro Económico Mundial de 2020 |
| 22 de xaneiro de 2019 | Encontro Anual do Foro Económico Mundial de 2019 |
| 23 de xaneiro de 2018 | Encontro Anual do Foro Económico Mundial de 2018 |
| Familia | |
| Cónxuxe | Raffael Jovine |
| Premios | |
Nemat Shafik, tamén coñecida como Minouche Shafik, é unha aristócrata nada en 1962, de nacionalidades exipcia, británica e estadounidense. É vicegobernadora do Banco de Inglaterra encargada de mercados e servizos bancarios, e membro do Comité da Política Monetaria do Banco de Inglaterra.
Foi subdirectora xerente do Fondo Monetario Internacional de 2011 a 2014, tras ser secretaria permanente do Departamento de Desenvolvemento Internacional do Reino Unido (DFID) desde marzo de 2008.
Ocupou cargos de responsabilidade en organizacións internacionais e impartiu clases, tendo publicado amplamente sobre a globalización, os mercados emerxentes, investimento privado, medio ambiente, desenvolvemento internacional, Oriente Medio e África.
Traxectoria
[editar | editar a fonte]Primeiros anos e formación
[editar | editar a fonte]Nada en 1962 en Alexandría, a súa familia deixou Exipto nos anos 60 e trasladouse aos Estados Unidos. Ela regresou a Exipto para estudar; ingresou na Universidade Americana de Alexandría (Shutz), e volveu aos EEUU para estudar na Universidade de Massachusetts, onde se licenciou en Economía e Política. Despois de dous anos traballando en temas de desenvolvemento en Exipto na Axencia dos Estados Unidos para o Desenvolvemento Internacional (USAID) no Cairo, obtivo un máster na London School of Economics e un doutoramento no St. Anthony's College da Universidade de Oxford.
Vida laboral
[editar | editar a fonte]Shafik incorporouse ao Banco Mundial despois de Oxford e ocupou diversos postos. No departamento de investigación traballou na elaboración de modelos e previsións económicas e en cuestións ambientais. Posteriormente traballou sobre a macroeconomía de Europa do Leste e en Oriente Medio, onde publicou varios libros e artigos sobre o futuro económico da rexión, a economía da paz, mercados laborais, integración rexional e cuestións de xénero.
Converteuse na vicepresidenta máis nova do Banco Mundial, aos 36 anos. Dirixiu traballos do banco no sector privado e infraestruturas, mellorando o rendemento da carteira de proxectos de 50.000 millóns de dólares, e acumulou unha carteira crecente de 1.000 millóns de dólares anuais en investimentos. Tamén formou parte do equipo executivo da Corporación Financeira Internacional, onde foi responsábel da integración dos consellos estratéxicos e investimentos de capital privado nos sectores das telecomunicacións, petróleo, gas e minería, e PEMES.
Foi chamada polo Goberno do Reino Unido para o Departamento de Desenvolvemento Internacional (DFID), en calidade de Directora Xeral de Programas Nacionais, manexando as oficinas e o financiamento do DFID no estranxeiro, incluíndo as de África, Oriente Medio, Asia, América Latina e Europa do Leste. A partir de 2008, converteuse en Secretaria Permanente do DFID, onde dirixe o programa de axuda bilateral en máis de 100 países, as políticas de financiamento multilateral e as relacións coas organizacións internacionais, sendo ao mesmo tempo responsábel de 2.400 empregados e un orzamento de 38.000 millóns de libras esterlinas. Comparece regularmente ante o Parlamento británico. Durante o seu mandato, o DFID foi descrito pola Organización para a Cooperación e o Desenvolvemento Económico (OCDE) como "líder no desenvolvemento a nivel internacional".
Desde 2017 dirixe a London School of Economics.[1]
En 2021 publicou o libro What We Owe Each Other: A New Social Contract.[2]
Recoñecementos
[editar | editar a fonte]Shafik foi nomeada "Muller do Ano GG2" en 2009, na undécima edición anual dos premios GG2 Leadership and Diversity Awards, administrados polo grupo Asia Media and Mercadotecnia. Recibiu a Orde do Imperio Británico e é Membro da Academia Británica.
Filantropía
[editar | editar a fonte]Shafik presidiu o Grupo Consultivo de Axuda aos Pobres, o Programa de Asistencia á Xestión do Sector Enerxético, o Programa Mundial de Auga e Saneamento, a Alianza de Cidades, InfoDev, o Servizo de Asesoramento sobre Infraestruturas Públicas e Privadas, e o Foro Mundial de Gobernanza Empresarial.
Foi fundamental no lanzamento do Consorcio de Infraestruturas de África, e formou parte de varios consellos, entre eles o Grupo Consultivo de Oriente Medio do FMI, e o Foro de Investigación Económica para o Mundo Árabe, Irán e Turquía. Tamén participa activamente no consello de administración como mentora da Minority Ethnic Talent Association, que axuda a grupos sub-representados a ascender a postos de liderado na administración pública.
Vida persoal
[editar | editar a fonte]Ten dous fillos xemelgos e tres fillastros co seu segundo marido, Raffael Jovine, biólogo formado no MIT, que investiga o uso de algas para frear o quecemento global e a crise do cambio climático [3]. Shafik fala inglés, árabe (árabe exipcio) e francés.
Notas
[editar | editar a fonte]- ↑ Science, London School of Economics and Political. "Baroness Minouche Shafik". London School of Economics and Political Science (en inglés). Consultado o 2022-02-07.
- ↑ "Minouche Shafik". Bill & Melinda Gates Foundation (en inglés). Consultado o 2022-02-07.
- ↑ correspondent, Rhys Blakely, science. "Can algae help in the fight against climate change?" (en inglés). ISSN 0140-0460. Consultado o 2022-02-07.
Véxase tamén
[editar | editar a fonte] |
Wikimedia Commons ten máis contidos multimedia na categoría: Nemat Shafik  |
Outros artigos
[editar | editar a fonte]Ligazóns externas
[editar | editar a fonte]- Auga e saneamento - Desenvolvemento Sustentábel (un.org; en castelán)
- infoDev | Innovation and Entrepreneurship (Banco Mundial; en inglés)
- Infraestructuras e alianzas público-privadas (bancomundial.org; en castelán)
- ESMAP . Energy Sector Management Assistance Program (en inglés)
- Grupo consultivo de axuda á poboación máis pobre. (Banco Mundial; en inglés / castelán)
- Civil Service Accelerated Development Schemes - GOV.UK (www.gov.uk; en inglés)
