Noel López
| Noel | |||
|---|---|---|---|
| Información persoal | |||
| Nome | Noel López de la Fuente | ||
| Nacemento | 17 de marzo de 2003 | ||
| Lugar de nacemento | Silleda | ||
| Posición | Dianteiro | ||
| Información de club | |||
| Club actual | Osasuna Promesas | ||
| Número | 23 | ||
| Carreira xuvenil | |||
| Silleda | |||
| 2012–2021 | Deportivo da Coruña | ||
| 2016–2017 | → San Tirso (cedido) | ||
| Carreira sénior | |||
| Anos | Equipos | Aprs | (Gls) |
| 2021–2022 | Deportivo da Coruña | 30 | (4) |
| 2022– | Real Madrid Castilla | 20 | (1) |
| 2024– | → Osasuna Promesas | 4 | (1) |
| Selección nacional | |||
| 2021–2022 | España sub-19 | 6 | (0) |
| Na rede | |||
  | |||
|
Partidos e goles só en liga doméstica. Club: actualizado a 3 de outubro de 2024. [ editar datos en Wikidata ] | |||
Noel López de la Fuente, nado en Silleda o 17 de marzo de 2003, é un futbolista galego, que xoga de dianteiro no Osasuna Promesas, da Primeira Federación, cedido polo Real Madrid Castilla.
Traxectoria
[editar | editar a fonte]Comezou a xogar ao fútbol en Silleda, chamando pronto a atención do Deportivo da Coruña, que o incorporou para a súa canteira. No club coruñés comezou no equipo benxamín B, pasando a continuación por todas as categorías do club, ademais de xogar cedido no San Tirso na tempada 2016/17.
Xa no equipo xuvenil, competiu na División de Honra nas tempadas 2019/20 e 2020/21. Na segunda delas anotou 13 goles en 22 partidos, contribuíndo a que o equipo acadase a primeira posición do Grupo 1. Deste xeito disputou a Copa de Campións en Marbella, onde anotou un gol nos cuartos de final contra o Las Palmas, forzando a prórroga, e dous dos tres goles do Deportivo na final contra o FC Barcelona (3-1), proclamándose así campión de España.[1]
No verán de 2021 realizou a pre-tempada co primeiro equipo do Deportivo, adestrado por Borja Jiménez, xogando varios partidos amigables e marcando o seu primeiro gol contra o Arenteiro. Este gol fíxoo entrar na historia do Deportivo como o primeiro xogador en anotar en todas as categorías do club.[2]
O 29 de agosto debutou co Deportivo en partido oficial, no primeiro encontro da tempada 2021/22 da Primeira División RFEF contra o Celta B en Riazor, que acabou con goleada coruñesa por 5-0.[3] Entrou nos minutos finais como substituto de Miku, participou no cuarto gol que culminou Doncel, e marcou el mesmo o quinto e derradeiro tanto.[4] Dúas semanas despois volveu disputar os últimos minutos do partido contra o Calahorra, facendo un novo gol. As súas boas actuacións no pouco tempo que dispoñía fixeron que gañase máis minutos e que disputase varios partidos como titular. Rematou a tempada cun total de 32 partidos, 12 deles como titular e 4 goles. Xogou os minutos finais dos dous partidos da promoción de ascenso, contra Linares e Albacete, na que o equipo non conseguiu o obxectivo de regresar a Segunda.
En xuño anunciouse a súa fichaxe polo Real Madrid Castilla, tamén da Primeira RFEF.[5] Comezou a tempada 2022/23 sen demasiada presenza no equipo de Raúl e pouco despois sufriu unha lesión muscular que o deixou sen xogar varios meses.[6] Recuperado dos seus problemas físicos comezou a entrar nas aliñacións do equipo, pechando a súa primeira campaña en Madrid cun total de 15 encontros, 7 deles como titular.[6] A súa participación reduciuse aínda máis na tempada 2023/24, na que disputou só 141 minutos.
Ante a falta de minutos, no verán de 2024 saíu cedido ao Osasuna Promesas, da mesma categoría.[7]
Selección española
[editar | editar a fonte]En setembro de 2021, uns días despois de debutar oficialmente co Deportivo da Coruña, fíxoo tamén coa selección española sub-19, xogando un partido amigable contra México.[8]
Notas
[editar | editar a fonte]- ↑ Antelo, Iván (28 de xuño de 2021). "Noel, el héroe silledense de toda una generación del Deportivo". La Voz de Galicia (en castelán). Consultado o 30 de agosto de 2021.
- ↑ "Noel López entra en la historia del Deportivo con su primer gol". La Voz de Galicia (en castelán). 22 de agosto de 2021. Consultado o 30 de agosto de 2021.
- ↑ "O Dépor arranca a liga en quinta (5-0)". Deportivo da Coruña. 29 de agosto de 2021. Consultado o 30 de agosto de 2021.
- ↑ "Aprobados y suspenso del Depor: Noel culmina la fiesta de Juergen" (en castelán). 29 de agosto de 2021. Consultado o 30 de agosto de 2021.
- ↑ "El Castilla ficha a Noel López, joya de la cantera del Deportivo". Mundo Deportivo (en castelán). 26 de xuño de 2022. Consultado o 29 de xuño de 2022.
- ↑ 6,0 6,1 "Noel coge carrerilla justo antes de su regreso a Riazor" (en castelán). 7 de marzo de 2023. Consultado o 6 de xaneiro de 2024.
- ↑ "Noel López, ex del Deportivo, se marcha al filial de Osasuna" (en castelán). 28 de agosto de 2024. Consultado o 3 de outubro de 2024.
- ↑ "Trilli se lesiona en el psoas con la selección sub-19". La Voz de Galicia (en castelán). 5 de setembro de 2021. Consultado o 6 de setembro de 2021.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en LaPreferente.com (en castelán).
- Datos do xogador en BDFutbol (en castelán).
| Control de autoridades |
|
|---|
