Odón IV de Borgoña

Odón IV de Borgoña

Biografía
Nacemento	1295 (Gregoriano)
Morte	3 de abril de 1350 (Gregoriano) (54/55 anos) Sens, Francia
Causa da morte	peste
Lugar de sepultura	Abadia de Cister (pt)
Príncipe de Acaia
Actividade
Ocupación	aristócrata
Outro
Título	Duque
Familia	Casa de Borgoña
Cónxuxe	Xoana III de Borgoña (1318 (Gregoriano)–)
Fillos	Filipe de Borgoña
Pais	Roberto II de Borgoña   e Inés de Francia, duquesa de Borgoña
Irmáns	Margarida de Borgoña Xoana de Borgoña Branca de Borgoña e de Francia Lois de Borgoña Hugo V de Borgoña Marie de Borgoña
Descrito pola fonte	Dicionario Enciclopédico Brockhaus e Efron

Escudo de Odón IV de Borgoña, usando as armas do seu tío Odón de Nevers.

Odón IV de Borgoña-ducado e Odón I de Borgoña-condado, nado en 1295 e finado en Sens en 1350, foi duque de Borgoña (1315 - 1349) por dereito propio e conde de Borgoña e Artois (1330 - 1347) por dereito da súa muller.

Traxectoria

Orixes familiares

Fillo do duque Roberto II de Borgoña e Inés de Francia, por liña paterna era neto de Hugo IV de Borgoña e Iolanda de Dreux, e por liña materna de Lois IX de Francia e Margarida da Provenza. Era irmán do duque Hugo V de Borgoña, ao que sucedeu.

Matrimonios e descendencia

Casou o 18 de xuño de 1318 en Nogent-sur-Seine coa condesa Xoana III de Borgoña, filla do rei Filipe V de Francia e da súa muller Xoana II de Borgoña. Desta unión naceron:

• un fillo morto (1322).
• o infante Filipe de Borgoña (1323 - 1346), pai do duque Filipe I de Borgoña.
• o infante Xoán de Borgoña (1325 - 1328).
• un fillo morto (1327).
• un fillo morto (1330).
• un fillo morto (1335).

Ducado de Borgoña

A morte do seu irmán máis vello en 1315 fíxoo herdeiro do Ducado de Borgoña.

Á morte do rei Lois X de Francia e do seu sucesor, Xoán I de Francia, apoiou as reivindicacións da filla do rei, Xoana de Francia, e sobriña do propio Odón IV, ao trono francés. Despois retirou o apoio á súa sobriña para poder casar coa filla do rei francés.

En xullo de 1346 puxo a Jean de Vienne e Enguerrand de Beaulo ao mando de Calais, ata que o 14 de agosto chegou Jean de Fosseux para asumir o mando da cidadela, que finalmente caeu en mans inglesas o 3 de agosto de 1347.

Morte

Odón IV de Borgoña faleceu en Sens o 3 de abril de 1350 e foi enterrado en Cîteaux. Debido á prematura morte do seu fillo, Filipe de Borgoña, sucedeuno o seu neto Filipe I de Borgoña.