Orixe (filme)

Orixe
Ficha técnica
Título orixinal	Inception
Director	Christopher Nolan
Produtor	Christopher Nolan Emma Thomas
Guión	Christopher Nolan
Intérpretes	Leonardo DiCaprio Ken Watanabe Joseph Gordon-Levitt Marion Cotillard Ellen Page Tom Hardy Cillian Murphy Tom Berenger Michael Caine Dileep Rao Lukas Haas Pete Postlethwaite Talulah Riley Miranda Nolan
Música	Hans Zimmer
Fotografía	Wally Pfister
Montaxe	Lee Smith
Estudio	Legendary Pictures Syncopy Films
Distribuidora	Warner Bros.
Estrea	Odeon: 8 de xullo de 2010 e 16 de xullo de 2010 30 de decembro de 2015 (TVG)
Duración	148 minutos
Orixe	Estados Unidos Reino Unido
Xénero	Ficción científica, Drama
Orzamento	$160 000 000
Recadación	$825 500 000
Na rede
https://www.warnerbros.com/movies/inception

Orixe (en inglés: Inception) é un filme de ficción científica, escrito, co-producido e dirixido por Christopher Nolan. Nos Estados Unidos foi estreado o 16 de xullo de 2010. Está protagonizado por Leonardo DiCaprio, Ken Watanabe, Joseph Gordon-Levitt, Marion Cotillard, Ellen Page, Tom Hardy, Dileep Rao, Cillian Murphy, Tom Berenger e Michael Caine. DiCaprio interpreta Dom Cobb, un ladrón especializado na espionaxe corporativa que se infiltra no subconsciente dos seus obxectivos. Ofréceselle a oportunidade de recuperar a súa vella vida en troques de conseguir facer algo que se considera imposible: a "incepción", é dicir a implantación da idea doutra persoa no subconsciente do suxeito obxectivo.

Estrearase en galego na TVG o 30 de decembro de 2015.

Sinopse

Dom Cobb (Leonardo DiCaprio) é un experto na arte de apropiarse, durante o soño, dos segredos do subconsciente das persoas. Esta inusitada habilidade de Cobb converteuno nun home moi cotizado no mundo da espionaxe, pero tamén o obrigou a ser un fuxitivo e, por conseguinte, a renunciar a levar unha vida normal e estar coa súa familia. A única oportunidade de recuperar a súa vida será facer exactamente o contrario do que fixo sempre: a incepción, que consiste en implantar unha idea no subconsciente no canto de subtraela. Non obstante, o seu plan complícase debido á intervención de alguén que parece predicir cada un dos seus movementos, e a quen soamente Cobb poderá descubrir.

Personaxes

O elenco na estrea do filme en xullo de 2010. De esquerda a dereita: Cillian Murphy, Marion Cotillard, Joseph Gordon-Levitt, Ellen Page, Ken Watanabe, Michael Caine, e Leonardo DiCaprio.

• Leonardo DiCaprio como Dom Cobb
• Joseph Gordon-Levitt como Arthur
• Ellen Page como Ariadne
• Tom Hardy como Eames
• Ken Watanabe como Mr. Saito
• Dileep Rao como Yusuf
• Cillian Murphy como Robert Michael Fischer
• Tom Berenger como Peter Browning
• Marion Cotillard como Mallorie "Mal" Cobb
• Pete Postlethwaite como Maurice Fischer
• Michael Caine como Prof. Stephen Miles
• Lukas Haas como Nash
• Talulah Riley como Blonde

Galardóns e nomeamentos

• 2010: Oscar: 8 Nomeamentos, incluíndo película, guión orixinal e BSO.
• 2010: Globos de Ouro: 4 Nomeamentos: mellor película drama, director, guión, BSO.
• 2010: BAFTA: 9 Nomeamentos, incluíndo mellor película.
• 2010: Satellite Awards: Mellor fotografía, dirección artística, BSO. 11 Nomeamentos.

Véxase tamén

Ligazóns externas

• Web oficial (en inglés)
• Ficha na IMDb (en inglés)
• Ficha en AllMovie (en inglés)