Porta da India, Mumbai

A Porta da India ou Gateway of India é un arco de triunfo que se ergue na parte sur da cidade india de Mumbai (tamén coñecida como Bombai), nunha explanada fronte ao mar.

Características

Deseñado en estilo indo-mouro polo arquitecto escocés George Wittet (1878-1926), foi levantado para commemorar a visita do rei Xurxo V e da raíña Mary a Bombai, antes do darbâr (ou audiencia pública) de Delhi en decembro de 1911.^[1] Utilizouse para construíla basalto amarelo de Kharodi reforzado con formigón armado. A cúpula central ten 15 metros de diámetro e acada 26 metros de altura no seu punto máis alto.

Sita no porto da cidade, a Porta estaba pensada para formar parte dun conxunto máis amplo e que non foi nunca construído por falta de fondos. A mesma porta non foi en realidade rematada por completo até 1924 e inaugurada o 4 de decembro dese mesmo ano polo vicerrei Rufus Isaacs, conde de Reading. As derradeiras tropas británicas que saíron da India, xa independizada, pasaron baixo a Porta o 28 de febreiro de 1948.

Notas

↑ https://mumbaicity.gov.in/tourist-place/gateway-of-india/

Véxase tamén

Outros artigos

Porta da India, Delhi

[1] ttps://mumbaicity.gov.in/tourist-place/gateway-of-india/

[1]