Río Gambia

Río Gambia
Tipo	río
Inicio
Continente	África
País da cunca	Guinea
Localización	Fouta Djalon
Final
División administrativa	mar a fóra
Localización	Océano Atlántico
	11°24′18″N 12°15′05″O / 11.40489, -12.25147; B 13°28′00″N 16°34′00″O / 13.4667, -16.5667
Afluentes	Niokolo Koba (en) , Q28948311 , Koulountou (en) , Prufu Bolon (en) , Q2458832 , Q2221348 , Pallan Bolon (en) , Q1411655 , Sofaniama Bolong (en) , Bao Bolon (en) , Bintang Bolong (en) , Q1889011
Conca hidrográfica	Gambia River basin (en)
Características
Dimensións	1.130 () km ;
Superficie da cunca hidrográfica	69.931 km²
Medicións
Caudal	2.000 m³/s

Para outras páxinas con títulos homónimos véxase: Gambia (homónimos).

O río Gambia é un dos máis importantes ríos de África Occidental, cun curso de 1.120 km, que atravesa tres países, Guinea, o Senegal e Gambia. Este último debe o seu nome ao río mesmo, pois báñao na metade da súa lonxitude.

Percorrido

O Gambia nace no planalto do Fouta Djalon, preto da cidade de Labé, no norte de Guinea), na mesma zona onde xorden os ríos Senegal e Nixer. Corre logo ao noroeste pola provincia de Tambacunda no Senegal e despois, máis amplo, atravesa o Parque Nacional Niokolo-Koba, nese mesmo país. Axúntanselle, máis adiante, os ríos Nieri Ko e o Koulountou, abandonando en Barrakunda o planalto, para entrar na ancha e chaira zona costeira.

Alcanza o territorio nacional de Gambia en Fatoto, percorrendo o país de leste a oeste. Desauga no océano Atlántico en Banjul, a capital de Gambia, onde forma un amplo esteiro de 22 km de ancho, entre o Cabo Saint Mary (Gambia) e Jinnak Creek (Senegal). Esta ampla foz fai que a influencia oceánica penetre profundamente no río, onde os derradeiros 200 km de curso son de auga salgada.

Illas

Hai varias illas no río, entre as que cómpre citar a de MacCarthy, que contén a cidade de Janjanbureh, e a de Baboon, onde habitan babuínos. Nesta illa atópanse aínda algúns hipopótamos e tamén crocodilos.

Navegabilidade

O río é navegábel desde a desembocadura até a poboación de Kuntaur, 248 km río arriba, para barcos grandes. Embarcación menores poden remontar as augas até 447 km, a contar desde o estuario, podendo alcanzar a localidade de Fatoto, xusto onde o río penetra no territorio de Gambia.

Afluentes

Pola esquerda: Bintang Bolong, 130 km de lonxitude.
Pola dereita: Bao Bolong, 100 km de lonxitude.

A ter en conta que bolongo en lingua mandinka ou mandinga, significa "río", na que o mesmo Gambia é denominado Kambya bolongo.

Véxase tamén