Rebaque

**Rebaque**

Nome completo	Team Rebaque
Bandeira	México
Baseada en	Leamington Spa, Reino Unido
Tempadas en activo	2 (1977-1978)
Número de pilotos	Héctor Rebaque
Debut	Gran Premio da Arxentina de 1978
Carreiras	30
Campionatos de Construtores	0
Campionatos de Pilotos	0
Vitorias	0
Pole positions	0
Voltas Rápidas	0
Puntos totais	0
Derradeiro GP	Gran Premio dos Estados Unidos de 1979

O Team Rebaque foi un equipo e construtor mexicano de Fórmula 1, con sede en Leamington Spa, Reino Unido. Participaron en 30 Grandes Premios, inicialmente con coches comprados a Team Lotus, antes de que finalmente construíra un coche propio. O Rebaque HR100 foi presentado para as tres últimas carreiras do equipo antes do peche do mesmo.

Historia

O equipo foi fundado e centrado ao redor de Héctor Rebaque, o piloto mexicano que conduciu por primeira vez na Fórmula Un en 1977 para Hesketh. Logo da súa tempada de debut foi descartado por Hesketh, e sen outro equipo disposto a contratalo, Rebaque como piloto decidiu crear o seu propio equipo.

Ao comezo da tempada 1978 Rebaque chegou a un acordo con Team Lotus para comprar o seu modelo Tipo 78 de 1977. Tiña moi pouca experiencia, só lograra cualificar para unha carreira con Hesketh, e tivo un ano difícil. Malia que logrou anotar un punto no Gran Premio de Alemaña, tamén sufriu a ignominia de verse forzado a retirarse do Gran Premio do Brasil, debido a fatíga do condutor.

Rebaque HR100

Continuou o acordo con Lotus para a tempada 1979 esta vez comprando o Lotus Tipo 79 campión do ano anterior. Durante o ano encargou a Penske construír un chasis, o Rebaque HR100.^[1] O deseño do coche, de Geoff Ferris coa achega de John Barnard, estaba fortemente influenciado polo deseño do Lotus 79, e tamén incorporaba algúns elementos dos pontóns do Williams FW07. Rematouse a tempo para o Gran Premio de Italia dese ano, malia que non puido cualificarse. Para o Gran Premio do Canadá cualificou pero tivo que retirarse por problemas no chasis na volta 26, finalmente no GP dos Estados Unidos non logrou cualificar. O equipo pechouse a finais de ano. A metade da tempada de 1980 Rebaque fichou por Brabham substituíndo a Ricardo Zunino. Ata a data Rebaque segue sendo o único equipo mexicano que participou nun Gran Premio do Campionato do Mundo.^[2]

Resultados Completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Chasis	Motor	Pneu.	Pilotos	1	2	3	4	5	6	7	8	9	10	11	12	13	14	15	16	Puntos	Pos.
1978	Lotus 78	Ford	G		ARX	BRA	RSA	USW	MON	BEL	ESP	SWE	FRA	RU	ALE	AUT	NED	ITA	USA	CAN	1	n/a
1978	Lotus 78	Ford	G	Héctor Rebaque	NSC	Ret	10	NSCP	NSCP	NSCP	Ret	12	NSC	Ret	6	Ret	11	NSC	Ret	NSC	1	n/a
1979	Lotus 79	Ford	G		ARX	BRA	RSA	USW	ESP	BEL	MON	FRA	RU	ALE	AUT	NED	ITA	CAN	USA		0	NC
	Lotus 79			Héctor Rebaque	Ret	NSC	Ret	Ret	Ret	Ret		12	9	Ret	NSC	7
	Rebaque HR100			Héctor Rebaque													NSC	Ret	NSC

Notas

↑ http://www.racingsportscars.com/chassis/HR100-001.html
↑ Diepraam, Mattijs (febreiro de 2000). "Not so speedy Gonzales". 8W. Consultado o 27-1-2007.

Véxase tamén

Bibliografía

Héctor Alonso Rebaque - El último amateur de la F1 , Carlos Eduardo Jalife Villalon, Scuderia Hermanos Rodriguez, 2010.

[1] ttp://www.racingsportscars.com/chassis/HR100-001.html

[2] Diepraam, Mattijs (febreiro de 2000). "Not so speedy Gonzales". 8W. Consultado o 27-1-2007.

[1]

[2]