Reflexión (física)
![](https://upload.wikimedia.org/wikipedia/commons/thumb/d/dc/Reflexao.png/220px-Reflexao.png)
En física o fenómeno da reflexión consiste na mudanza da dirección de propagación da enerxía . Consiste no retorno da enerxía incidente en dirección á rexión de onde procede, despois de entrar en contacto cunha superficie reflectora.
A enerxía pode tanto estar manifestada na forma de ondas como transmitida a través de partículas. Por iso, a reflexión é un fenómeno que se pode dar por un carácter electromagnético, óptico ou sonoro.
A reflexión difire da refracción porque nesta segunda hai desvío da enerxía para un medio distinto do medio de onde se orixinou.
Leis da reflexión
[editar | editar a fonte]A reflexión pode explicarse totalmente con base a dúas leis, de cuño xeral.
Para enuncialas, é preciso antes definir algúns conceptos.
- A normal é a semi-recta que se orixina a partir da superficie reflectora, situándose perpendicularmente a esta
- Ángulo de incidencia é o ángulo que a dirección de movemento da enerxía fai coa normal
- Ángulo de reflexión é o ángulo que a dirección que a enerxía que é reflectida fai coa normal
Así, as dúas leis da reflexión poden ser expresas da seguinte maneira:
- A dirección da enerxía incidente, a normal e a dirección da enerxía emerxente pertencen a un único plano.
- O ángulo de incidencia ten valor igual ao valor do ángulo de reflexión.
Explicación teórica
[editar | editar a fonte]Sendo un fenómeno que atopa exemplos tanto en física ondulatoria como na física de corpos materiais, é natural desconfiar que teña unha explicación común aos dous tipos de comportamento.
Historicamente, o primeiro en formular unha explicación para a reflexión (especificamente, a da luz) foi Herón de Alexandría. Utilizándo o principio aristotélico que di que a natureza nada fai de modo máis difícil, argumentou que a luz percorre o menor camiño entre dous puntos calquera. Ora, se se obrigase á luz a desviarse durante o percorrido, aínda así percorre o menor camiño entre a fonte e o branco. A ese principio de óptica xeométrica damos o nome de principio de Heron.
Moito máis tarde Fermat enunciou outro principio semellante. Porén asinalaba que o tempo era mínimo e non a distancia percorrida. Ese principio coñécese como principio de Fermat.
Aínda máis tarde, Maupertuis formulou pola primeira vez o principio da menor acción, onde entón xorde a noción de acción. Entre tanto, dentro do punto de vista do cálculo das variacións, mellor sería chamar ese principio de principio da acción estacionaria, xa que na verdade a condición é de se achar un extremante para a funcional acción.
Máis tarde, sir Hamilton enunciou a forma moderna do principio variacional.
Utilización
[editar | editar a fonte]A reflexión luminosa é a base da construción e utilización dos espellos.
Os espellos, tanto planos canto os esféricos, son a base dos telescopios reflectores, que sofren de menos restricións que os telescopios refratores.
![]() |
Este artigo sobre física é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |