Sacheen Littlefeather

Sacheen Littlefeather

Biografía
Nacemento	(en) Maria Louise Cruz 14 de novembro de 1946 Salinas (Estados Unidos de América)
Morte	2 de outubro de 2022 (75 anos) Novato (Estados Unidos de América)
Causa da morte	cancro de mama
Outros nomes	Sacheen Littlefeather
Grupo étnico	Mexicanos americanos (pt)
Relixión	Catolicismo
Educación	California State University, East Bay (en)
Actividade
Ocupación	actriz
Movemento	American Indian Movement
Cronoloxía
	disputed Native American heritage (en)
Descrito pola fonte	Sacheen Littlefeather, Activist Who Rejected Brando’s Oscar, Dies at 75 (en)
Páxina web	sacheenlittlefeather.net

Sacheen Littlefeather, nada como Marie Louise Cruz en Salinas, no condado de Monterey (California) o 14 de novembro de 1946 e finada en Novato o 2 de outubro de 2022, foi unha actriz e activista dos dereitos civís dos Nativos Americanos.

Littlefeather foi máis coñecida por dar un discurso en nome do actor Marlon Brando declinando o Premio da academia ó mellor actor que gañaba polo seu papel na película O Padriño na cerimonia dos 45.os Premios da Academia o 27 de marzo de 1973, o cal foi tamén boicoteado pola prensa en protesta do tratamento ós Nativos Americanos pola industria cinematográfica. Na gala, luciu un vestido Apache.

Traxectoria

Littlefeather naceu en Salinas, California. As súas raíces son Apache, Yaqui e Pueblo por parte de seu pai, polo lado de súa nai ten parte francesa, alemá e dinamarquesa. Na súa páxina web oficial, afirma que seu pai proviña dos apaches das Montañas Brancas e de tribos Yaqui de Arizona e que "Cruz" era o nome tribal recoñecido do mesmo.

Activismo

Como membro dos indios de Todas as Tribos, Littlefeather participou na ocupación da illa de Alcatraz por parte de activistas polos dereitos dos indios americanos en 1969.

Controversia nos Premios da Academia

Marlon Brando implicouse co movemento dos Indios Americanos (AIM) a principios da década dos 70. En 1973, decidiu posicionarse sobre o incidente ocorrido en Wounded Knee e contactou ó AIM para conseguir un membro que aceptase o Oscar no seu nome. Dennis Banks e Russell Means escolleron a Sacheen Littlefeather.

Littlefeather representou a Brando e o seu boicot ó premio Oscar de Mellor actor pola súa actuación de Don Vito Corleone no Padriño (1972) como protesta polos actos ocorridos en Wounded Knee e pola pouca representación por parte de Hollywood e da televisión dos Indios Americanos. Brando escribiu un discurso de 15 páxinas para que Littlefeather lese durante a cerimonia, pero cando o produtor a coñeceu no backstage, ameazouna con retirala fisicamente ou con ser arrestada se estaba en escena máis de 60 segundos. Os seus comentarios no escenario foron totalmente improvisados, máis tarde retirouse ó backstage e leu o comunicado enteiro á prensa. Na súa biografía "O meu mundo é a miña obriga", Roger Moore (o cal presentaba os premios e fora nomeado recentemente como o novo "James Bond, axente 007") dixo que el levou o Oscar á súa casa e que o mantivo na súa posesión ata que foi recollido por un garda armado mandado pola academia.

O incidente incitou a Academia das Artes e das Ciencias Cinematográficas a establecer regras para o procedemento de aceptación dos premios.

En 2022 a Academia pediulle desculpas pola resposta desproporcionada e inxustificada ao seu discurso.

Filmografía

• The Laughing Policeman (1973) (sen acreditación)
• Counselor at crime (1973)
• 45os premios anuais da academia (1973) (representando a Marlon Brando)
• Freebie and the bean (1974) (sen acreditación)
• AThe Trial of Billy Jack (1974)
• Winterhawk (1975)
• Johnny Firecloud (1975)
• Shoot the Sun Down (1981)
• Reel Injun (2009)