Salomé, discípula
 | |
| Biografía | |
|---|---|
| Nacemento | século I  |
| Morte | século I |
| Apóstolo | |
| | |
| Enaltecemento | |
| Día de festividade relixiosa | 24 de abril 3 de agosto |
| Familia | |
| Cónxuxe | Cebedeo |
| Fillos | Santiago o Maior, Xoán o Apóstolo |
| Irmáns | Santa María María de Cleofás |
| Descrito pola fonte | Enciclopedia Bíblica de Archimandrita Nicéforo Pequeno Dicionario Enciclopédico de Brockhaus e Efron Dicionario Enciclopédico Brockhaus e Efron |
Salomé, tamén chamada Santa Salomé ou Santa María Salomé, foi unha seguidora de Xesús de Nazaret, a quen acompañou na cruz.[1] Posteriormente visitou o seu sartego baleiro.[1] Segundo a interpretación tradicional cristiá, sería a nai dos apóstolos Santiago o Maior e San Xoán Evanxelista e, polo tanto, tamén a esposa do Cebedeo.[1]
É considerada santa pola Igrexa católica, que celebra a súa festa o 22 de outubro. En Santiago de Compostela existe talvez a única igrexa parroquial dedicada á súa persoa: a Igrexa de Santa Salomé, construída no século XII.
Salomé nos evanxeos canónicos
[editar | editar a fonte]Apenas se menciona nos evanxeos canónicos, pero aparece de forma máis detallada nalgúns evanxeos apócrifos.
No Evanxeo de Marcos é mencionada entre as testemuñas da crucifixión de Xesús (Marcos 15:40), xunto con María Madalena e "María, a nai de Santiago o Menor e de Xosé". Tras a morte de Xesús, as tres mulleres acoden á sepultura de Xesús, e un mozo vestido de branco anúncialles a resurrección (Marcos 16:1-8).
No Evanxeo de Mateu non é mencionada nunca polo seu nome; con todo, no relato da Crucifixión aparecen mencionadas tres mulleres: María Madalena; María, a nai de Santiago e Xosé, e "a nai dos fillos de Cebedeo" (Mateu 27:56). Salomé sería a nai de Santiago e Xoán, fillos de Cebedeo.[1] A nai dos fillos de Cebedeo intervén tamén noutra pasaxe do Evanxeo de Mateu (Mateu 20:20-28), cando pide a Xesús un lugar de honra para os seus fillos no seu futuro reino.
A interpretación católica tradicional considera que María de Cleofás non é Salomé a discípula.
Os evanxeos canónicos non cualifican a santa Salomé como unha apóstolo, polo que os principais escritores cristiáns danlle o título de "seguidora" de Xesús.
Dentro da tradición católica, tamén se lle chama a María Salomé (tres Marías), con todo, isto non se corrobora en ningunha pasaxe bíblica. Na Santa Biblia non se chega a aclarar que a Salomé tamén sexa chamada María.
Salomé nos apócrifos
[editar | editar a fonte]No Evanxeo de Tomás, atopado en Nag Hammadi, entre os discípulos de Xesús cítanse dúas mulleres: María Madalena e Salomé.
No antigo evanxeo dos exipcios, de comezos do século II, Salomé aparece tamén como discípula de Xesús.
Veneración de Salomé en Santiago de Compostela
[editar | editar a fonte]
Asumindo a tradición de que esta personaxe é a nai do apóstolo enterrado na catedral da capital galega, pódese ver a súa imaxe ben destacada neste templo, na torre dereita da fachada que dá á praza do Obradoiro, mentres que Cebedeo se atopa representado na torre esquerda.
Así mesmo, a cidade ten no seu haber a única igrexa parroquial de España (e probablemente do mundo) dedicada a esta santa: trátase dun templo románico situado en pleno centro histórico, moi próximo á catedral.
En Bonares (Huelva) tamén se venera nunha capela.
Galería de imaxes
[editar | editar a fonte]-
Salomé axudando a bañar o Neno Xesús. -
Igrexa de Santa María Salomé, en Santiago de Compostela.
.jpg)
Notas
[editar | editar a fonte]- ↑ 1,0 1,1 1,2 1,3 "Guía de nomes galegos". Real Academia Galega. Consultado o 2023-11-02.