Steamboat Willie
| Steamboat Willie | |
|---|---|
| Ficha técnica | |
| Título orixinal | Steamboat Willie |
| Director | Walt Disney Ub Iwerks |
| Produtor | Roy O. Disney Walt Disney |
| Guión | Walt Disney Ub Iwerks |
| Intérpretes | Walt Disney |
| Música | Wilfred Jackson Bert Lewis |
| Estudio | Walt Disney Studios |
| Distribuidora | Celebrity Productions Cinephone |
| Estrea | 18 de novembro de 1928 |
| Duración | 7 minutos 42 segundos |
| Orixe |  Estados Unidos |
| Xénero | Animación |
| Na rede | |
       | |
Steamboat Willie é unha curtametraxe clásica de animación de 1928 dirixida por Walt Disney e Ub Iwerks. Foi creada en branco e negro por Walt Disney Studios e foi estreada por Celebrity Productions. O debuxo animado está considerado como a primeira aparición de Mickey Mouse[1] e a súa moza Minnie, malia que ámbalas dúas personaxes apareceron meses antes no test de pantalla Plane Crazy. Steamboat Willie foi o terceiro dos filmes de Mickey en ser producido, pero o primeiro en ser distribuído por mor de que Walt Disney, despois de ver The Jazz Singer, propuxérase a si mesmo crear a primeira animación con son completamente sincronizado.[2]
Steamboat Willie é especialmente salientable por ser o primeiro filme de Disney co son sincronizado, incluíndo os sons das personaxes e a banda sonora. Disney entendeu moi axiña que o cine sonoro era o futuro dos filmes. Foi o primeiro debuxo animado cunha banda sonora completamente post-producida, o que o distinguiu doutras producións anteriores como as de Inkwell Studios' Song Car-Tunes (1924–1927) e Van Beuren Studios' Dinner Time (1928). Steamboat Willie convertérase nos debuxos máis populares do seu tempo.[3]
En 1998, Steamboat Willie foi escollido para a súa conservación na Biblioteca do Congreso dos Estados Unidos de América por ser "significativo cultural, histórica ou esteticamente".[2]
Notas
[editar | editar a fonte]- ↑ Walt Disney Treasures - Mickey Mouse in Black and White (1932) en Amazon.com
- ↑ 2,0 2,1
- Steamboat Willie na IMDb (en inglés).
- ↑ Steamboat Willie (1929) Arquivado 21 de novembro de 2011 en Wayback Machine. at Screen Savour
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Steamboat Willie na IMDb (en inglés).
