Tarjei Vesaas

Tarjei Vesaas
	;
Biografía
Nacemento	20 de agosto de 1897 ; Vinje, Noruega (pt)
Morte	15 de marzo de 1970 (72 anos); Rikshospitalet, Noruega (en)
Actividade
Ocupación	poeta, escritor, novelista, escritor de contos
Xénero artístico	Poesía e obra de teatro
Familia
Cónxuxe	Halldis Moren Vesaas (1934–)
Fillos	Olav Vesaas, Guri Vesaas
Premios
	(1967) Prémio Bokhandler (pt) ; (1964) Prémio Literário do Conselho Nórdico (pt) ; (1957) Doblougprisen; (1943) Legado de Gyldendal (pt) ;
Descrito pola fonte	Grande Enciclopedia Soviética 1969-1978, (sec:Весос Тарьей); Obálky knih,

Tarjei Vesaas, nado o 20 de agosto de 1897 e finado o 15 de marzo de 1970, foi un poeta e novelista noruegués. Está considerado un dos máis importantes escritores da Noruega do século XX.^[1]

Traxectoria

Vesaas naceu en Vinje (Telemark), fillo do granxeiro Olav Vesaas (1870-1951) e a profesora Signe Øygarden (1870-1953).^[2] Foi o máis vello de tres irmáns. O seu sentimento de culpa por non facerse cargo da granxa familiar influenciou a súa escrita. Vesaas pasou gran parte da súa mocidade en soidade, gozando do afastamento da natureza. Casou coa tamén escritora Halldis Moren Vesaas (filla de Sven Moren e irmá de Sigmund Moren), coa que se trasladou a Midtbø en 1934. Tiveron dous fillos: un neno, Olav Vesaas, e unha nena, Guri Vesaas.^[2]

Obra

Os seus libros foron compostos durante un período de cincuenta anos, entre 1923 e 1970. Vesaas escribiu en nynorsk, e a súa obra caracterízase por unha prosa sinxela, sobria e simbólica. As súas historias adoitan relatar a vida de persoas do rural que sofren de graves traumas psicolóxicos. Entre os seus temas predilectos, atópanse a morte, a culpa, a angustia, tratados sobre o fondo da paisaxe natural norueguesa. A súa ópera prima foi Menneskebonn ("Fillos dos humanos", 1923), mais o seu primeiro libro de transcendencia foi Det store spelet ("O gran ciclo", 1934). A súa mestría no emprego do nynorsk contribuíu á súa consolidación como medio literario.^[2]

As súas novelas máis coñecidas son Is-slottet ("O palacio de xeo", 1963), que xira arredor da relación entre dúas rapazas, e Fuglane ("Os paxaros", 1957), sobre un adulto coa mentalidade dun neno. Os seus libros foron traducidos a 28 linguas.^[3]

Premios

1943 – Premio Gyldendal
1946 – Premio Melsom
1957 – Premio Dobloug
1964 – Premio de literatura do Consello Nórdico
1967 – Premio dos libreiros de Noruega

Publicacións

Novelas

Dei svarte hestane ("Os cabalos negros", 1928)
Det store spelet ("O gran ciclo", 1934)
Kvinnor ropar heim ("As mulleres chaman á casa", 1935), secuela de Det store spelet
Kimen ("A semente", 1940)
Huset i mørkret ("A casa na escuridade", 1945)
Vårnatt ("A noite de verán", 1954)
Fuglane ("Os paxaros", 1957)
Is-slottet ("O palacio de xeo", 1963)
Bruene ("As pontes", 1966)
Båten om Kvelden ("O bote na noite", 1968)

Narrativa curta

Vindane ("Os ventos", 1952)

Poesía

Løynde eldars land ("Terra de lumes ocultos", 1953)

Notas

↑ "Nomination Database". www.nobelprize.org (en inglés). Consultado o 2024-06-10.
↑ ^2,0 ^2,1 ^2,2 Gimnes, Steinar (2020). "Tarjei Vesaas". Norsk biografisk leksikon (en noruegués).
↑ "Tarjei Vesaas". agency.gyldendal.no (en noruegués bokmål). Arquivado dende o orixinal o 10 de xuño de 2024. Consultado o 2024-06-10.

[1] "Nomination Database". www.nobelprize.org (en inglés). Consultado o 2024-06-10.

[:0-2] 2,0 ^2,1 ^2,2 Gimnes, Steinar (2020). "Tarjei Vesaas". Norsk biografisk leksikon (en noruegués).

[3] "Tarjei Vesaas". agency.gyldendal.no (en noruegués bokmål). Arquivado dende o orixinal o 10 de xuño de 2024. Consultado o 2024-06-10.

[1]

[2]

[3]