Triáquidos

A dos triáquidos (Triakidae) é unha familia de elasmobranquios pleurotremados da orde dos carcarriniformes (Carcharhiniformes), pequenos ou medianos tiburóns (de 37 cm a 220 cm de lonxitude os adultos) con dúas grandes aletas dorsais sen espiñas e unha aleta anal, e ollos ovais con membranas nictitantes, que viven en todo o mundo, en augas cálidas e temperadas, onde se alimentan de peixes e invertebrados no fondo do mar e en augas medias.

Segundo as especies, poden ser vivíparos ou ovovivíparos.

A familia inclúe, entre outras, os xéneros Galeorhinus (con Galeorhinus galeus, o cazón) e Mustelus (con Mustelus mustelus, o cazón liso e Mustelus asterias, o cazón branco), e —de considerarmos este xénero dentro da familia—, todos eles comúns nas augas galegas.

Clasificación

Taxonomía

A familia dos triáquidos inclúe 45 especies en nove xéneros, repartidos en dúas subfamilias, a dos triaquinos (Triakinae Gray, 1851), cos xéneros Mustelus, Scylliogaleus e Triakis, e a dos galeorrininos (Galeorhininae Gill, 1862), co resto dos xéneros.

Familia Triakidae

• Subfamilia Triakinae Gray, 1851
  • Xénero Mustelus
  • Xénero Scylliogaleus
  • Xénero Triakis
• Subfamilia Galeorhininae Gill, 1862
  • Xénero Furgaleus Whitley, 1951
  • Xénero Galeorhinus Blainville, 1816
  • Xénero Gogolia Compagno, 1973
  • Xénero Hemitriakis Herre, 1923
  • Xénero Hypogaleus J. L. B. Smith, 1957
  • Xénero Iago Compagno & Springer, 1971

Algúns autores elevan ao rango de familia estas subfamilias, polo que a dos triáquidos quedaría reducida aos tres xéneros anteditos, integrando os restantes a dos galeorrínidos (Galeorhinidae).

Cladograma

Cladograma da familia dos triáquidos ^{[Cómpre referencia]}

• Fanmilia Triakidae
  • Subfamilia Triakinae
    • Tribo Scylliogaleini
      • Xénero Scylliogaleus
    • Tribo Triakini
      • Xénero Mustelus
      • Xénero Triakis
        • Subxénero Triakis
        • Subxénero Cazon (pode ser un xénero)
  • Subfamilia Galeorhininae
    • Tribo Galeorhinini
      • Xénero Galeorhinus
      • Xénero Hypogaleus
    • Tribo Iagini
      • Xénero Gogolia
      • Xénero Hemitriakis
      • Xénero Iago

Galería de imaxes

• 
  Galeorhinus galeus
• 
  Mustelus antarcticus
• 
  Mustelus canis
• 
  Mustelus manazo
• 
  Triakis semifasciata

Véxase tamén

Bibliografía

• Compagno, Leonard; Marc Dando & Sarah Fowler (2005): Sharks of the World. New Jersey: Princeton University Press. ISBN 0-691-12072-2.
• Nelson, Joseph S. (2006): Fishes of the World. John Wiley & Sons. ISBN 0-471-25031-7.
• Rodríguez Villanueva, X. L. e Xavier Vázquez (1992): Peixes do mar de Galicia. (I) Lampreas raias e tiburóns. Vigo: Edicións Xerais de Galicia. ISBN 84-7507-654-8.

Outros artigos

• Tiburóns
• Carcarriniformes

Ligazóns externas

• Triakidae en SIIT. (en inglés) Consultada o 23/10/2018
• Triakidae en World Register of Marine Species. (en inglés) Consultada o 10/12/2012.
• Triakidae en NCBI (en inglés) Consultada o 10/12/2012.
• "Triakidae". ARKive (en inglés). Arquivado dende o orixinal o 03 de xullo de 2013. Consultado o 10 de decembro de 2012.