Yann Arthus-Bertrand
Yann Arthus-Bertrand, nado o 13 de marzo de 1946 en París, é un activista ambiental e social, divulgador científico, director de documentais e fotógrafo francés.[1][2]
A súa especialidade era a fotografía de animais, especialmente despois de estar en Kenya na reserva Masai Mara, rexión do Serengueti, pero máis tarde cambiou á fotografía aérea. Publicou máis de 60 libros coas súas fotografías tomadas desde helicópteros e globos aerostáticos en todas partes do mundo. A revista National Geographic publicou moitas veces as súas obras, que foron exhibidas en varios países.[3]
Arthus-Bertrand é membro da "Académie deas Beaux-Arts de l'Institut de France".[4]
Traballos
[editar | editar a fonte]![](https://upload.wikimedia.org/wikipedia/commons/thumb/5/51/Voh.jpg/300px-Voh.jpg)
![](https://upload.wikimedia.org/wikipedia/commons/thumb/4/4f/Exposition_%226_milliards_dAutres%22_%28Grand_Palais_%C3%A0_Paris%29_%283223070811%29.jpg/300px-Exposition_%226_milliards_dAutres%22_%28Grand_Palais_%C3%A0_Paris%29_%283223070811%29.jpg)
Unha das súas fotos máis coñecidas é a dun mangleiro con forma de corazón en Nova Caledonia, que foi utilizada como portada para os seus libros The Earth from the air e The Earth from above.
En 2003, xunto a Baptiste Rouget-Luchaire e Sibylle d'Orgeval, iniciou o proxecto «6 mil millóns de Outros», 6 milliards d'autres en francés. Trátase de entrevistas realizadas a persoas de calquera clase social en diferentes países, que logo se presentan organizadas por temas. As preguntas son puntuais e refírense a temas compartidos por toda a humanidade: que é o amor?, que significa a guerra? que é a felicidade? En total, fixeron cinco mil entrevistas en setenta e cinco países, en idiomas diferentes, pero as curtas aparecen mangleiroas.[5]
En 2008, presentou a exposición «Alive», na Praza da República de Praga, desde o 11 de xuño até o 30 de setembro. O tema foi claramente ecoloxista, apuntando cara ao desenvolvemento sustentable.[6]
O 5 de xuño de 2009 estreou unha película chamada Home, cunha colección de fotos totalmente impresionantes, a cal trata sobre concienciar á poboación mundial dos problemas ecolóxicos e a rápida escaseza dos recursos naturais. Para que esta película fose difundida o máis amplamente posible, tiña que ser gratuíta. Un mecenas, o grupo PPR, permitiu que o fose. Europacorp, que a distribúe, comprometeuse en non ter ningún beneficio, porque Home non ten ningún interese comercial. O seu propósito principal é evitar esgotar os recursos naturais e impedir unha evolución catastrófica do clima da Terra.[7] Tras "Home" lanzou "Planet Ocean", unha serie de documentais ao estilo de " 6000 Millóns de Outros" baixo o título de "Human", e recentemente lanzou "Terra" en colaboración con outro director.
Premios
[editar | editar a fonte]- Commandeur de la Légion d'honneur (2021, Lexión de Honra, Francia)
- Commandeur de l'ordre national du Mérite (2016, Orde nacional do Mérito, Francia)
Películas
[editar | editar a fonte]- 2004: A terra, vista do ceo
- 2009: Home[8]
- 2010: París, vista do ceo[9]
- 2012: Planeta Océano
- 2013: Metz e o seu país, vista do ceo[10]
- 2015: Human
- 2016: "Terra"
- 2019: “Woman”
Notas
[editar | editar a fonte]- ↑ EFE. "La tierra, fuente de inspiración" (en castelán). El Mundo.es. Consultado o 7 de marzo de 2010.
- ↑ "Home, le cri écolo de Yann Arthus-Bertrand" (en francés). France-Amérique.com. 4 de xuño de 2009. Arquivado dende o orixinal o 31 de xullo de 2010. Consultado o 7 de marzo de 2010. Arquivado 31 de xullo de 2010 en Wayback Machine.
- ↑ "Home by Yann Arthus-Bertrand" (en inglés). National Geographic Channel. Arquivado dende o orixinal o 9 de outubro de 2009. Consultado o 7 de marzo de 2010.
- ↑ Académie des Beaux Arts. "Miembros. Sección Fotografía." (en francés). Arquivado dende o orixinal o 01 de marzo de 2012. Consultado o 7 de marzo de 2010. Arquivado 01 de marzo de 2012 en Wayback Machine.
- ↑ "Arthus-Bertrand presenta las preocupaciones del ser humano actual (en castelán)". Informador.com.mex. Arquivado dende o orixinal o 01 de agosto de 2013. Consultado o 7 de marzo de 2010. Arquivado 01 de agosto de 2013 en Wayback Machine.
- ↑ "Exposition Yann Arthus Bertand - Alive" (en francés). A tout Prague. 5 de xuño de 2008. Arquivado dende o orixinal o 05 de xaneiro de 2009. Consultado o 7 de marzo de 2010. Arquivado 05 de xaneiro de 2009 en Wayback Machine.
- ↑ UNEP. Programa da ONU para o Ambiente. "Día Mundial do Ambiente, 2009" (en castelán/francés/inglés). Arquivado dende o orixinal o 03 de xaneiro de 2010. Consultado o 7 de marzo de 2010. Arquivado 03 de xaneiro de 2010 en Wayback Machine.
- ↑ "Home, película enteira, por Yann Arthus-Bertrand" (VIDEO). Consultado o 6 de xuño de 2013.
- ↑ "Paris, view from above, película enteira, por Yann Arthus-Bertrand" (VIDEO). Consultado o 6 de xuño de 2013.
- ↑ "Metz and the Messin pays, view from above, película enteira, por Yann Arthus-Bertrand" (VIDEO). Consultado o 6 de xuño de 2013.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Yann Arthus-Bertrand ![]() |