Tãingue'a
![](https://upload.wikimedia.org/wikipedia/commons/thumb/4/43/Weisheitsz%C3%A4hne-1.jpg/300px-Weisheitsz%C3%A4hne-1.jpg)
Umi tãingue'a ha'e hína yvypóra rãinguéra oñepyrũ osẽ ijurúre ombotývo 16 térã 20 ary,[1] hákatu sapy'apy'a nosẽi araka'eve, sapy'ánte ikatu oñepyrũramo jepe osẽ 16 ary mboyve térã amo 20 ary rire. Oĩ tapicha mokõi térã peteĩnte hãingue'a ijurúre .
Heta ñe'ẽme oje'e tãingue'áre ha'eha "tãi arandúgui", karaiñe'ẽme techapyrãme oje'e muela de juicio ha hyãsiañe'ẽme avei oje'e dent de sagesse, oñepyrũ osẽgui ndajeko tapichakuéra iñaranduve aja.[2]
Ymaguareite tãingue'a oipytyvõ yvypórape ho'u porãve hag̃ua umi kapi'i anambusu ha ka'avo ipire hatãva, ymaguareite yvypóra rañykã iguasuve ha ko'ãga imichĩve, yvypóra ndoho'uvéigui umi kapi'i ha ka'avo ymaguare, upévare yvypóra rañykã imbykyvéva ha tãingue'a oñemosẽ va'erã yvypóra ijurúgui, heta ombohasýgui ko'ãga ha tekotevẽ'ỹ yvypórape guarã ho'u porã hag̃ua.[3]
Mandu'apy
[jehaijey | emoambue kuatia reñoiha]- ↑ «Wisdom Teeth [Muelas del juicioArchive copy]» (en inglés). Archivado desde el original, el 28 de julio de 20102012-02-09. Ojehechákuri árape: 1 de mayo de 20082017-12-27.
- ↑ «What are wisdom teeth? [¿Qué son las muelas del juicio?]» (en inglés). Ojehechákuri árape: 13 de octubre de 2008.
- ↑ Johnson, Dr. George B.. «Evidence for Evolution [Evidencia de evolución]» (en inglés) pág. 12. Txtwriter Inc.. Archivado desde el original, el 10 de marzo de 2008. Ojehechákuri árape: 8 de junio de 2006.