Tekovekuaaty ñemohenda

Tekovekuaaty ñemohenda ha'e oñembyaty ha oñemohendaháicha opa mba'e oikovéva, ápe oike avei mba'e oikova'ekue ha ág̃a oñemboguete, opaite mymba, ka'avo, guyra, pira, urupe ha ambuéva juehegua, ijapytépe avei yvypóra.

Ko tembiapo ko'ágã jaikuaa heñói ary 1753 jave, karai Carlos Lineo rembiapokue rupive, ha'e omohendapa mba'e oikovéva juehegua. Upe guive, ojeikuaauka mba'e omohenda porãvéva ADN ñehesa'ỹijo rupive.

Ko ñemohenda rupive ojejapo heta aty oikehápe opa mba'e oikovéva, umi aty tuichavéva sapy'ánte oñemoĩ yvatevéva, ha umi michĩvéva oho iguýpe. Ndaipóri gueteri ko'ã aty héra guaraníme, jepémo oĩ oñembohasa va'ekue karaiñe'ẽgui, upéicha:

Jueheguapa (Superregnum térã Superreino, dominio)
Tavetã (Regnum térã Reino)
Pehẽ'a (Phylum térã Filo)/(Divisio térã División)
Jueheguasã (Classis térã clase)
Juehegua hekovety (Ordo térã orden)
Juehepehẽ (Familia)
Jueheguaty (Genus térã género)
Juehegua (Species térã especie)

Opa mba'e ojehaíva guaraníme tekovekuaaty rehegua oiporu umi atý héra karaiñe'ẽme.

Joajuha

Wikiespecies oguereko peteĩ kuatiarogue Tekovekuaaty ñemohenda rehegua. Wikispecies

Artículos descargables sobre la clasificación científica en biología: