ECOWAS
![](https://upload.wikimedia.org/wikipedia/commons/thumb/a/a2/ECOWAS_members.svg/220px-ECOWAS_members.svg.png)
Economic Community of West African States (ECOWAS) he yé sọ nọ ylọ dọ CEDEAO to Flansegbe mẹ nọte na plipli Otogbo di fọtọn he tin to wheyihọ-waji Aflika tọn mẹ lẹ. To kọndopọmẹ Otò ehelẹ sinai do aigba he kilomẹtlu etọn yin 5,114,162km². To owhe 2015, gbẹtọ sọha he to Otò ehelẹ mẹ hugan livi 349. Yanwle ECOWAS tọn wẹ nadó kọngbedopọ nado mọ dọ tovi yetọn lẹ dó pekọ to àjọ liho, enẹwẹ zọn bọ yedo dó ogbẹ he yé nọ ylọ dọ (Trade Union) dote to azan gban ewhè Awetọ, Nuwhàsun, owhe 1975 to Ayimatẹn Awọnlin tọn mẹ. Yé vọ́ ọgbẹ lọ sìn vọjlado delẹ bayi to azan konukunẹnẹtọ Liyasun, owhe 1993 to Cotonou. ECOWAS sọ nọtena ogbẹ he nọ dó afọ na jijọho to otogbo he tin to wheyihọ Aflika tọn lẹ mẹ. To whedelẹnu yé nọ sẹ́ awhanfuntọ lẹ dó otogbo he to avun ho lẹ mẹ nado hẹn jijọho wa otogbo enẹlẹ mẹ.
Otogbo he tin to ECOWAS mẹ lẹ
[jlado | jla asisado]To osun awetọ owhe 2017 tọn, ECOWAS dó otogbo fọtọn, ṣinatọn yin Otò he nọ do Flansegbe, atọ́n nọ do Glẹnsigbe bọ awe nọ do Portugal sin ogbe. Otogbo ehelẹ po wẹ kọnawudopọ to whenue ye ze ogbẹ lọ dóte to owhe 1975 mẹ, adavo otogbo Cape Verde tọn he kọnawudopọ po ogbẹ lọ po to owhe 1977. To azan gban, osun atọntọ owhe 2021 tọn, Otogbo Málì yin didesẹ sọn ọgbẹ lọ mẹ na whẹho huhlọn dó yi gan awhanfuntọ lẹ tọn he jọ whlawe to osun ṣinẹnẹ ṣẹnṣẹn wutu. Mọdopolọ yé dè Otogbo Guinea tọn sọn ogbẹ lọ mẹ na whẹho dopolọ to azan ṣinatọntọ, Zósun, owhe 2021 tọn mẹ.