Anne Heche
She ben-aghteyr Americaanagh va Anne Celeste Heche (25 Boaldyn 1969 – 12 Luanistyn 2022). Haink enney mie urree tra ren ee cloie yn lannoon Vicky Hudson as Marley Love er y çheabin çhellveeish Another World (1987–1991), raad ren ee cossyn e chied Aundyr Daytime Emmy as daa Aundyr y Soap Opera Digest. Haink enney ny share urree ayns ny 1990yn s'anmey marish paartyn 'sy scannane drama kimmeeys Donnie Brasco (1997), 'sy scannane cragh Volcano (1997), y scannane giarrey I Know What You Did Last Summer (1997), 'sy scannane aittys jantys Six Days, Seven Nights (1998), as 'sy scannane creauagh drama Return to Paradise (1998).
Lurg e paart myr Marion Crane 'sy scannane aa-yeant Psycho (1998) liorish Gus Van Sant, hie Heche er oaie cloie paartyn ayns scannaneyn seyrey lheid as y scannane drama Birth (2004), y scannane aittys keintys Spread (2009), Cedar Rapids (2011), y scannane drama Rampart (2011), as y scannane doo-aittys Catfight (2016). Hooar ee ard-voylley son e paart 'sy scannane çhellveeish Gracie's Choice, chossyn j'ee enmyssaght son Aundyr Primetime Emmy, as son yn obbyr eck er Broadway, goaill stiagh Twentieth Century er lheh.
Gollrish e paartyn scannaneaght as ardan, ren Heche cloie ;sy straih hellveeish drama aittys Men in Trees (2006–08), Hung (2009–11), Save Me (2013), Aftermath (2016), as y straih hellveeish drama chaggee The Brave (2017).[1] Chur ee e goo rish y straih hellveeish vioghit The Legend of Korra (2014), raad ren ee cloie Suyin Beifong, as hie ee magh myr co-streeuder er y 29oo straih jeh Dancing with the Stars (2020).
Imraaghyn
[reagh | edit source]- ↑ Andreeva, Nellie (11 Boaldyn 2018). "'The Brave' Canceled By NBC After One Season" (ayns Baarle), Deadline. Feddynit magh er 17 Mean Fouyir 2018.
Kianglaghyn magh
[reagh | edit source]![](https://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- Ruggyryn 'sy vlein 1969
- Baaseyn 'sy vlein 2022
- Deiney ass Aurora, Ohio
- Deiney ass Ocean City, New Jersey
- Aghteyryn ass Ohio
- Aghteyryn ass New Jersey
- Aghteyryn scannane bwoirrin Americaanagh
- Aghteyryn çhellveeish bwoirrin Americaanagh
- Aghteyryn ardan bwoirrin Americaanagh
- Stiureyderyn çhellveeish bwoirrin Americaanagh
- Stiureyderyn çhellveeish ass Ohio
- Stiureyderyn çhellveeish ass New Jersey