Tina Turner
She arraneyder, daunseyr, ben-aghteyr, as ughtar va ruggit ayns ny Steatyn Unnaneysit as va jeant ny seyraanagh Elveeishagh[1] va Tina Turner (ruggit myr Anna Mae Bullock; 26 Sauin 1939 – 24 Boaldyn 2023). V'ee enmyssit dy mennick myr "Queen of Rock 'n' Roll" ("Benrein y Chiall Rock 'n' Roll"), erreish j'ee ar-ghoo y gheddyn myr yn ard-arraneyder ayns Ike & Tina Turner Revue roish my ren ee launshey coorse rahoil myr cloieder lioree hene.
Ghow Turner toshiaght rish e coorse bea marish Kings of Rhythm lesh Ike Turner ayns 1957. Fo'n ennym Little Ann, chloie ee er e chied recortys, "Boxtop", ayns 1958. Ayns 1960, chloie ee da'n chied cheayrt myr Tina Turner lesh y tingyl "A Fool in Love". Haink er y phiyr Ike & Tina Turner dy ve coontit myr "nane jeh ny cloiaghyn bio smoo trean er-dy-rieau".[2] Skeayll ad magh ard-arraneyn lheid as "It's Gonna Work Out Fine", "River Deep – Mountain High", "Proud Mary" as "Nutbush City Limits", roish my jagh ad er ny scarrey ayns 1976.
Ayns ny 1980yn, ren Turner launshey "foddee y çheet-neear share v'ayn rieau ayns shennaghys y chiaull".[3] Ghow e albym Private Dancer voish y vlein 1984 stiagh yn arrane mooar "What's Love Got to Do with It", chossyn Aundyr Grammy son Recortys y Vlein as haink dy ve yn ynrican arrane eck ren roshtyn earroo nane er y chaart Billboard Hot 100. As ee 44 bleeaney d'eash, she ish va'n ellyneyr bwoirrin lioree hene shinney roshtyn baare y Hot 100. Haink ny smoo rah marish "Better Be Good to Me", "Private Dancer", "We Don't Need Another Hero (Thunderdome)", "Typical Male", "The Best", "I Don't Wanna Fight" as "GoldenEye". Car e turrys Break Every Rule World Tour ayns 1988, chur ee sheese recortys 'sy Guinness World Record son y lught eaishtagh eeckagh smoo (180,000) da cloieder erbee ny lomarcan.
Chammah's e coorse 'sy chiaull, chloie Turner ayns ny filmyn Tommy (1975) as Mad Max Beyond Thunderdome (1985). Ayns 1993, va What's Love Got to Do with It, fillym beashnyssagh va doltit voish e hene-veashnys I, Tina: My Life Story, skeayllt magh. Ayns 2009, hie Turner magh erreish j'ee goaill jerrey rish e turrys Tina!: 50th Anniversary Tour. Ayns 2018, haink urree dy ve ny bun-chooish da'n obbyr chiaullee Tina.
Ren ee creck ny smoo na 100 millioonyn dy recortyssyn er feie ny Cruinney as, rere shen, t'ee coontit myr nane jeh ny h-ellyneyryn smoo creckit v'ayn rieau. Hooar ee 12 Aundyr Grammy, goaill stiagh hoght aundyryn cohirreydagh, tree aundyryn er y Grammy Hall of Fame, as aundyr y Grammy Lifetime Achievement Award. She ish va'n chied ellyneyr gorrym as y chied ven v'er coodagh Rolling Stone. Chur Rolling Stone ee mastey ny 100 Ellyneyryn Share Rieau as ny 100 Arraneyderyn Share Rieau. Va rollage ec Turner er y Hollywood Walk of Fame as y St. Louis Walk of Fame. Daa cheayrt v'ee indughtit 'sy Rock and Roll Hall of Fame, marish Ike Turner ayns 1991 as myr ellyneyr lioree hene ayns 2021.[4]
As ee 83 bleeaney d'eash, hooar Turner baase lurg çhingys foddey-emshyragh er 24 Boaldyn 2023.[5]
Imraaghyn
[reagh | edit source]- ↑ Kamen, Al. "Tina Turner formally 'relinquishes' U.S. citizenship" (ayns Baarle). Feddynit magh er 28 Mayrnt 2021. Er ny hashtey veih'n lhieggan bunneydagh er 16 Sauin 2017.
- ↑ "Ike and Tina Turner | Rock & Roll Hall of Fame". www.rockhall.com. Er ny hashtey veih’n lhieggan bunneydagh er 7 Mayrnt 2021. Feddynit magh er 27 Toshiaght Arree 2021.
- ↑ "Rewinding the Charts: In 1985, Tina Turner Kept Her Hot Streak With 'We Don't Need Another Hero'" (ayns Baarle), Billboard (6 Jerrey Souree 2015). Feddynit magh er 27 Toshiaght Arree 2021. Er ny hashtey veih'n lhieggan bunneydagh er 23 Toshiaght Arree 2021.
- ↑ "Tina Turner, Jay-Z, Foo Fighters Among Those Inducted Into Rock & Roll Hall Of Fame" (ayns Baarle). Feddynit magh er 12 Boaldyn 2021.
- ↑ Hillel, Italie. "Tina Turner, unstoppable superstar whose hits included 'What's Love Got to Do With It,' dead at 83" (ayns Baarle). Feddynit magh er 24 Boaldyn 2023.
Kianglaghyn magh
[reagh | edit source]![](https://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
- Ynnyd-eggey oikoil
- Tina Turner er Rock Hall
- Tina Turner: jysk-oaylleeaght ec Discogs
- Tina Turner ec IMDb
- Tina Turner
- Ruggyryn 'sy vlein 1939
- Baaseyn 'sy vlein 2023
- Aghteyryn ass Missouri
- Aghteyryn ass Tennessee
- Aghteyryn Affro-Americaanagh
- Cummeyderyn daunse bwoirrin Americaanagh
- Daunseyryn bwoirrin Americaanagh
- Arraneyderyn craa-chiaull bwoirrin Americaanagh
- Arraneyderyn kiaull ryddim as groamid Americaanagh
- Hene-veashneyderyn bwoirrin Americaanagh
- Screeudeyryn bwoirrin Americaanagh
- Screeudeyryn ass Missouri
- Screeudeyryn ass Tennessee
- Daunseyryn ass Missouri
- Daunsyeyrn ass Tennessee
- Contraltyn Americaanagh
- Arraneyderyn pop-chiaull bwoirrin Americaanagh
- Arraneyderyn pop-chiaull chraaee bwoirrin Americaanagh
- Aghteyryn scannane bwoirrin Americaanagh
- Aghteyryn çhellveeish bwoirrin Americaanagh
- Arraneyderyn kiaull anmey Americaanagh
- Deiney ass St. Louis
- Ellyneyryn Capitol Records
- Ellyneyryn EMI Records
- Aa-heyraanee Americaanagh
- Olteynyn Ike & Tina Turner
- Olteynyn Kings of Rhythm
- Ellyneyryn Parlophone
- Deiney ass Brownsville, Tennessee
- Deiney ass Haywood County, Tennessee
- Deiney ass Küsnacht
- Deiney ass View Park–Windsor Hills, California
- Deiney ass Zürich
- Ellyneyryn Pompeii Records
- Arraneyderyn ass Missouri
- Arraneyderyn ass Tennessee
- Ellyneyryn Sonja Records
- Aghteyryn çhellveeish bwoirrin Elveeishagh
- Ellyneyryn United Artists Records
- Ellyneyryn Virgin Records
- Hene-veashnyseyryn bwoirrin