C.S.R. Company ke ek officer, Thomas Hughes, ii batais ki agar Girmit ke khalaas kar dewa jaae tab Fiji me talab jorr se barr jaai jiske sugar industry nai sahe paai.
Hindustani logan ke khatir Government settlements Nacobi, Nadi aur Qeledradra, Tavua me suru karaa gais.
January – Modern Review ke ek article me, Manilal Doctor, Girmit ke khalaas kare ke maang karis.
29 May – Ganges Jahaaj, 848 Girmitya logan ke lae ke, paanchwa dafe Fiji aais.
13 August – Allahabad Leader, me Swami Manoharanand ke ek chitthi, “The Cry of an Indian Woman” ke heading ke niche, chapa gais, jon ki Girmitya aurat, Kunti, ke baare me rahaa.
September – Ek commission, jiske member me James McNeill aur Chimman Lal rahin, Fiji ke parstithi ke baare me pataa lagae ke khatir Fiji aaian.
14 October – Secretary of State, Fiji ke Governor ke Hindustani logan ke khatir paanch school banae ke batais, jisme se khaali dui ke 1917 aur 1930 me banawa gais.
1913 ke ant talak, paanch saal me, Fiji duusra colony ke milan me sab se jaada Girmitya logan ke liis.
1913 me 3222 Girmitya logan Fiji aain, jisme se 1,020 log Calcutta se aur 2,202 log Madras se aain, aur 802 log India India laut gain.
