Bjedrich II. (Pruska)
Erscheinungsbild
![](https://upload.wikimedia.org/wikipedia/commons/thumb/7/7c/Friedrich1763o.jpg/220px-Friedrich1763o.jpg)
Bjedrich II. (němsce Friedrich II.), mjenowany Bjedrich Wulki abo Stary Fryca, (* 24. januara 1712 w Berlinje, † 17. awgusta 1786 w Podstupimje) bě kral Pruskeje kaž tež kurwjerch Braniborskeje wot 1740 do 1786.
Šleske wójny, kotrež Bjedrich přećiwo Rakuskej wodźi, předstaja spočatk Němskeho dualizma. Wuspěch Bjedricha w poslednjej tutych wójnow, Sydomlětnej wot 1756 do 1763, dowjedźe k doskónčnemu připóznaću Pruskeje jako pjata wulkomóc w europskej Pentarchiji pódla Francoskeje, Wulkeje Britaniskeje, Rakuskeje a Ruskeje.
Bjedricha maja za reprezentanta rozswětleneho absolutizma. Wón sam so jako „prěni słužownik stata“ woznamjenješe.[1]
Bjedrichowe přimjeno Stary Fryca so w někotrych serbskich prajidmach wotbłyšćowa:
- Šnupować ze zaka kaž stary Fryca.[2]
- Šnupowa/r kaž stary Fryca.[2]
- Pobyć kaž stary Fryca pola Bukec.[2]
- To je za stareho Frycu.[3]
Žórła
[wobdźěłać | žórłowy tekst wobdźěłać]- ↑ Přirunaj Bjedrichowy Antimachiavel, w: Oeuvres de Frédéric le Grand, wudane přez Johanna Davida Erdmanna Preußa, zwjazk 8, strona 66, kaž tež Bjedrichowe Mémoires pour servir à l'histoire de la maison de Brandenbourg, w: Oeuvres, zwjazk 1, strona 123.
- ↑ 2,0 2,1 2,2 Jan Radyserb-Wjela: Metaforiske Hrona abo Přenoški a Přirunanki w rěči Hornjołužiskich Serbow. Budyšin 1905. Citowane po uni-leipzig.de: Wortschatz.de
- ↑ Pawoł Völkel, Timo Meškank: Prawopisny słownik hornjoserbskeje rěče. Hornjoserbsko-němski słownik/Obersorbisch-deutsches Wörterbuch. 5., wobdźěłany a sylnje rozšěrjeny nakład. Budyšin: Ludowne nakładnistwo Domowina, 2005. ISBN 3-7420-1920-1. Zapisk „Fryca“, strona 129.