Lampedusa
Při sewjernym pobrjoze Lampedusy | ||
połoženje | Srjedźozemske morjo | |
stat | ![]() | |
skupina kupow | Pelagiske kupy | |
35.50972222222212.6Albero Sole, 113 m
| ||
| ||
dołhosć | 8 km | |
přestrjeń | 20 km² | |
najwyše městno | Albero Sole, 113 m | |
wobydlerstwo | 4.500 (2005) | |
hłowne městno | Lampedusa | |
Lampedusa je italska kupa wosrjedź Srjedźozemskeho morja mjez Sicilskej a Tuneziskej a najwjetša z Pelagiskich kupow, kotrež słušeja geologisce do Afriki. Wona je něhdźe wósom kilometrow dołha a hač do třoch kilometrow šěroka a ma přestrjeń wot 20 km².
Wona nadeńdźe so něhdźe 205 kilometrow južnje Sicilskeje a 130 kilometrow wuchodnje tuneziskeho pobrjoha na wysokosći tamnišeho města Monastir. Mjeztym zo je sewjerny pobrjóh skalny a wysoki, su při južnym boku kupy wjacore zaliwy z pěskojtym přibrjohom. Hłowne město, kiž rěka tež Lampedusa, nadeńdźe so na wuchodźe kupy.
Lampedusa bě hižo w antice wobsydlena a słužeše grjekskim, romskim, byzantiniskim a arabskim namórnikam jako zepěranišćo. Wot 11. lětstotka hač do lěta 1843, hdyž zasydlachu so pod nawodu kapitana Bernardo Marina Sanvisente zaso ludźo na kupje, bě wona pak njewobydlena.
Dla jeje połoženja je Lampedusa jedne z ćežišćow migracije z Afriki do Europy a stejišćo dweju přijimanskeju lěhwow za ćěkancow. Přeco zaso podnurjeja so čołmy w morju wokoło Lampedusy, při čimž zemrěchu w zašłych lětach sta ludźi.
Wot lětanišća na kupje wobsteji zwisk do Palerma a Catanije.
Wobrazy
[wobdźěłać | žórłowy tekst wobdźěłać]-
Hłowne město a přistaw Lampedusy
-
Lětanišćo z hłownym městom w pozadku
-
Pěskojty přibrjóh
-
Powětrowy wobraz kupy
-
„Zaječa kupa“ před pobrjohom Lampedusy
Wotkaz
[wobdźěłać | žórłowy tekst wobdźěłać]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)