Nuknica
| |||||
gmejna: | Chrósćicy | ||||
zagmejnowanje: | 1974 | ||||
wobydlerstwo: | 54 (31. decembra 2023)[1] | ||||
wysokosć: | 195 metrow n.m.hł. | ||||
51.22472222222214.265195
| |||||
póstowe čisło: | 01920 | ||||
předwólba: | 035796 | ||||
starše mjena: | Nuckewitz (1512), zur Nuck (1528), zum Forberge (1546), Forberg (1580), Farbrig (1614), Nuckniz (1768) | ||||
wotwodźene słowa: |
| ||||
![]() Swjaty křiž w Nuknicy | |||||
wikidata: Nuknica (Q162721)
|
Nuknica (němsce Nucknitz) je wjeska ze 54 wobydlerjemi[2] w srjedźišću Budyskeho wokrjesa w Hornjej Łužicy. Z 1974 słuša ke gmejnje Chrósćicy. Wjetšina wobydlerjow serbuje.
Njedaloko Nuknicy so kóžde lěćo rockowy festiwal Nukstock wotměje, organizowany wot młodźinskeho kluba Baraka.
Geografija
[wobdźěłać | žórłowy tekst wobdźěłać]Nuknica leži něhdźe dwaj kilometraj juhowuchodnje Chrósćic na prawym boku Satkule. Susodne wsy su Prawoćicy na sewjeru, Baćoń na wuchodźe, Pozdecy na juhowuchodźe, Lejno na juhozapadźe a Kopšin na zapadźe.
Stawizny
[wobdźěłać | žórłowy tekst wobdźěłać]Njedaloko stareho wikowanskeho puća Via regia ležaca wjeska naspomni so prěni raz w lěće 1512 jako Nuckewitz. W lětomaj 1546 a 1580 mjenowachu ju Forberg, potajkim „wudwór“ (Vorwerk). Ležownostne knjejstwo měješe 1548 hišće Nukničanske ryćerkubło, 1580 pak hižo zdalene kubło we Łuze pola Njeswačidła. W 17. a 18. lětstotku słušeše Nuknica k Worklečanskemu ryćerkubłu.[3]
Po statistice Arnošta Muki měješe Nuknica w lěće 1884 90 bjez wuwzaća serbskich wobydlerjow.[4] Arnošt Černik poda za lěto 1956 ličbu wobydlerstwa wot 220 w Nukničanskej gmejnje (z Kopšinom a Prawoćicami) a serbskorěčny podźěl wot 69,1 %.[5]
Swójby
[wobdźěłać | žórłowy tekst wobdźěłać]Adresowa kniha z lěta 1901 podawa za Nuknicu slědowace swójby: Donatec (Jakub, čo. 6 a Mikławš, čo. 5), Jaworkec (Jurij, čo. 2, kubler a gmejnski sudnik), Kralec (Michał, čo. 1), Lebzec (Jakub, čo. 3), Smolic (Pětr, čo. 7) a Wawrikec (Jakub, čo. 4). Gmejnski předstejićer bě w tutym lěće Mikławš Ješki z Kopšina.[6]
Wosobiny
[wobdźěłać | žórłowy tekst wobdźěłać]- Matej Jan Kućank (1776–1844) – duchowny, kulturny prócowar
- Jakub Kućank (1818–98) – duchowny, kulturny prócowar, spisaćel
Hlej tež
[wobdźěłać | žórłowy tekst wobdźěłać]![](https://upload.wikimedia.org/wikipedia/commons/thumb/c/c1/Crostwitz_Nucknitz_Aerial_Pan.jpg/370px-Crostwitz_Nucknitz_Aerial_Pan.jpg)
Žórła
[wobdźěłać | žórłowy tekst wobdźěłać]- ↑ staw: 31. decembra 2023; am-klosterwasser.de
- ↑ staw: 31. decembra 2023; am-klosterwasser.de
- ↑ Nuknica w Digitalnym stawizniskim zapisu městnow Sakskeje (němsce)
- ↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 99. → wšě wjeski
- ↑ Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 251. [220 wobydlerjow, z nich 110 dorosćenych z aktiwnymi znajomosćemi serbšćiny, 0 z pasiwnymi, 42 serbskich dźěći a młodostnych, 68 bjez znajomosćow] → wšě wjeski
- ↑ Adreß-Buch des Bezirks der königlichen Amtshauptmannschaft Kamenz..., 1901, S. 173
Wotkaz
[wobdźěłać | žórłowy tekst wobdźěłać]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)