Oaza
Oaza (ze starogrjekskeho ὄασις óasis „wobsydlene městno“) je městno wosrjedź pusćiny, na kotrymž wustupuje woda, kotraž ratarstwo zmóžnja. Tuta „kupa“ wegetacije w hewak suchej kónčinje nadeńdźe so zwjetša při žórle abo na dnje pusćinoweje doliny (wadi). Wulkosć a charakter oazow wariěrujetej – wot małkeho, wot palmow wobdateho hata hač k wulkim oazowym městam.
Druhdy mjenuja so tež powodźene krajiny při rěkach w hewak suchej wokolinje, kaž na přikład podłu Nila abo Amudarje jako „oazy“. Tute kónčiny słušachu k wuchadźišćam prěnich wysokich kulturow.
Wotkaz
[wobdźěłać | žórłowy tekst wobdźěłać]
Commons: Oazy – Zběrka wobrazow, widejow a awdiodatajow