Spytecy
| |||||
| gmejna: | Hodźij | ||||
| zagmejnowanje: | 1974 | ||||
| wobydlerstwo: | 103 (31. decembra 2022)[1] | ||||
| přestrjeń: | 1,94 km² | ||||
| wysokosć: | 200–225 metrow n.m.hł. | ||||
51.16916666666714.281111111111200–225
| |||||
| póstowe čisło: | 02633 | ||||
| předwólba: | 035930 | ||||
| wotwodźene słowa: |
| ||||
 Stary Spytečan hród | |||||
wikidata: Spytecy (Q10776885)
| |||||
Spytecy (němsce Spittwitz) su wjes ze 103 wobydlerjemi[2] w srjedźišću hornjołužiskeho wokrjesa Budyšin, kotraž słuša wot lěta 1974 ke gmejnje Hodźij. Hač do lěta 1974 běchu Spytecy samostatna gmejna z wjesnymi dźělemi Nowe Spytecy, Skała a Lutyjecy (wot 1936).
Geografija
[wobdźěłać | žórłowy tekst wobdźěłać]Wjes leži w Hornjołužiskich honach, při statnej dróze S111 poł puća mjez Budyšinom a Biskopicami mjez 200 a 225 m nad mórskej hładźinu při wuliwje Slěborneje wody do Čornicy.
Susodne wjeski su Mała Praha na sewjerowuchodźe, Zemichow na wuchodźe, Nowe Spytecy na juhu, Čerwjene Noslicy (gmejna Zemicy-Tumicy) na juhozapadźe, Chanecy na zapadźe a Lutyjecy na sewjerozapadźe.
Ležownostne mjena
[wobdźěłać | žórłowy tekst wobdźěłać]Michał Rostok naliči 1887 slědowace serbske ležownostne mjena: Hulanska hora, Mordarski doł, Klonowy, Rokoćina, Brylec tunka, Hrodźiško, Skała, Chmjelnica, Delenca, tež Delency, Kmjeńčka (tež: na Kamjeńčcy), Lišče doły, Křinčki, Pod Lešawku, Bórc, Pola hrodźiška.[3]
Stawizny
[wobdźěłać | žórłowy tekst wobdźěłać]Prěnje historiske naspomnjenje jako Spetewicz je z lěta 1374 abo 1382[4], stare hrodźišćo mjez Spytecami a Chanecami pak je hišće starše. Znajmjeńša ze 16. lětstotka bě wjes tež z knježim sydłom.
Wobydlerstwo
[wobdźěłać | žórłowy tekst wobdźěłać]W lěće 1884 měješe wjes po Mukowej statistice hromadźe z Nowymi Spytecami 305 wobydlerjow, wot tych 277 Serbow (91 %).[5] Arnošt Černik ličeše 1956 hišće 9 % wobydlerstwa Spytečanskeje gmejny jako Serbow.
Křesćanscy Spytečenjo přewažnje su protestantojo a přisłušeja Hodźijskej wosadźe.
Žórła
[wobdźěłać | žórłowy tekst wobdźěłać]- ↑ staw: 31. decembra 2022; Podaća gmejnskeho zarjada Hodźij
- ↑ staw: 31. decembra 2022; Podaća gmejnskeho zarjada Hodźij
- ↑ Michał Rostok: Ležownostne mjena. W: ČMS 40 (1887), str. 3–50, tu str. 20 (digitalizat).
- ↑ Spytecy w Digitalnym stawizniskim zapisu městnow Sakskeje (němsce)
- ↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 60. → wšě wjeski
Wotkaz
[wobdźěłać | žórłowy tekst wobdźěłać]
Commons: Spytecy – Zběrka wobrazow, widejow a awdiodatajow.svg){kind=small}
| Hodźij: | Bóšericy | Brěza | Darin | Debiškow | Janecy | Zemichow |
| Koblicy: | Běčicy | Čěškecy | Dobranecy | Mała Praha | Njezdašecy |
| Mała Boršć: | Dźiwoćicy | Hornja Boršć | Nowe Błohašecy | Praskow | Tři Hwězdy |
| Prěčecy: |
Baćoń | Čornecy | Haslow | Liboń | Myšecy | Pozdecy | Sulšecy |
| Spytecy: | |
| Žičeń: | |