Ջովաննի Բատիստա Տիեպոլո

Ջովաննի Բատիստա Տիեպոլո; իտալ.՝ Giovanni Battista Tiepolo
Ի ծնե	Giovanni Battista Tiepolo
Ծնվել է	մարտի 5, 1696[…]
Ծննդավայր	Վենետիկ, Վենետիկի հանրապետություն
Վախճանվել է	մարտի 27, 1770[…] (74 տարեկան)
Մահվան վայր	Մադրիդ, Իսպանիա
Քաղաքացիություն	Վենետիկի հանրապետություն
Մասնագիտություն	fresco painter, նկարիչ-փորագրող, գծագրող, նկարիչ, գծանկարիչ, տպագրիչ, օֆորտանկարիչ և վիզուալ արտիստ
Ոճ	ռոկոկկո և բարոկկո
Ժանր	ֆրեսկո, կրոնական նկարչություն, այլաբանություն, Անիմալիստիկա, կենցաղային ժանր, բնանկար, դիցաբանական գեղանկարչություն, capriccio?, դիմապատկեր և Ծաղրանկար
Թեմաներ	գեղանկարչություն
Ուշագրավ աշխատանքներ	Ceiling fresco in the staircase of the Würzburg Residence?
Ներշնչվել է	Gregorio Lazzarini? և Giovanni Battista Piazzetta?
Հայր	Domenico Tiepolo?
Մայր	Orsetta Tiepolo?
Ամուսին	Maria Cecilia Guardi?
Զավակներ	Ջովաննի Դոմենիկո Տիեպոլո և Lorenzo Baldissera Tiepolo?
	Giovanni Battista Tiepolo Վիքիպահեստում

Ջովաննի Բատիստա Տիեպոլո (իտալ.՝ Giovanni Battista Tiepolo, մարտի 5, 1696(1696-03-05)^[1]^[2]^[3]^[…], Վենետիկ, Վենետիկի հանրապետություն^[4]^[5]^[6] - մարտի 27, 1770(1770-03-27)^[1]^[2]^[3]^[…], Մադրիդ, Իսպանիա^[4]^[5]^[6]), իտալացի նկարիչ և փորագրիչ։ Վենետիկի դպրոցի 18-րդ դարի խոշորագույն ներկայացուցիչ։

Կենսագրություն

Սովորել է Վենետիկում՝ Գրեգորիո Լաձարինիի մոտ, կրել Պաոլո Վերոնեզեի և Ջովաննի Բատիստա Պյացետտիի ազդեցությունը։ Աշխատել է հիմնականում Վենետիկում, ինչպես նաև Միլանում (1731-1732, 1737, 1740), Վյուրցբուրգում (1750-1753), Մադրիդում (1762-1770)։

Տիեպոլոյի վաղ շրջանի (1716-1734) գործերում դրսևորվել եննկարչին բնորոշ հարուստ երևակայությունն ու դեկորատիվ թափը (Վենետիկի Դոլֆինո պալատի նկարաշարը, 1725-ից հետո, այժմ՝ Էրմիտաժում, Սանկտ Պետերբուրգ և այլ հավաքածուներ)։ 1735-1750 թվականներին Տիեպոլոյի գործերը դարձել են լայնաշունչ և արտահայտիչ, կոլորիտը պայծառացել է և հարստացել նուրբ երանգներով (Վենետիկի Ջեզուատի, 1737-1739, և Սկալցի, 1743-1744, եկեղեցիների առաստաղապատկերները)։

1750-1760-ականներին մեծ փառքի հասած Տիեպոլոն աշխատել է նաև օտարերկրյա արքունիքների համար, ընտրվել Վենետիկի Գեղարվեստի ակադեմիայի նախագահ (1756-1758)։ Այդ շրջանում են կատարվել նրա լավագույն որմնանկարաշարերը (Վյուրցբուրգի արքեպիսկոպոսական նստավայր, 1750-1753, Վենետիկի պալացցո Լաբիա, մոտ 1750 և այլն), որոնք առանձնանում են տոնական ճոխությամբ, տարբեր գույների նուրբ երանգներով հարուստ, պայծառ կոլորիտով։ 1740-1750-ականներին են պատկանում կերպարների զգացմունքայնությամբ և վիրտուոզ տեխնիկայով հատկանշվող Տիեպոլոյի հաստոցային կարևորագույն գործերը («Ամփիտրիտեի հաղթարշավը», մոտ 1740, Դրեզդենի պատկերասրահ, «Մոգերի երկրպագությունը», 1753, Հին պինոկոտեկա, Մյունխեն)։ 1762-1766 թվականներին Մադրիդում թագավորական պալատի համար գեղանկարել է մի շարք առաստաղապատկերներ։

Տիեպոլոյի ստեղծագործությունն իր ավարտին է հասցրել 16-18-րդ դարերի իտալական մոնումենտալ-դեկորատիվ գեղանկարչության զարգացումը։ Նրա որմնանկարներն ու գեղանկարներն իրենց անհատակ տարածությամբ, անսանձ դինամիկայով և գեղանկարչական ազատությամբ, լուսաօդային էֆեկտների կատարելությամբ, գույների թեթևությամբ ու թափանցիկությամբ, ռակուրսների ու տեսանկյունների նորարարությամբ ու անսպասելիությամբ համաշխարհային մոնումենտալ-դեկորատիվ արվեստի բարձունքներից են։ Տիեպոլոն իր կոմպոզիցիաները հրաշալիորեն է կապել ինտերիերին, ստեղծելով ռեալ տարածության խորություն ու ընդարձակության պատրանք։ Հանդես է եկել նաև իբրև դիմանկարիչ, եղել հմուտ գծանկարիչ և օֆորտիստ։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Giovanni Battista Tiepolo (նիդերլ.)
↑ ^3,0 ^3,1 ^3,2 ^3,3 ^3,4 Benezit Dictionary of Artists — OUP, 2006. — ISBN 978-0-19-977378-7
↑ ^4,0 ^4,1 ^4,2 ^4,3 ^4,4 ^4,5 Тьеполо Джованни Баттиста // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
↑ ^5,0 ^5,1 ^5,2 ^5,3 ^5,4 ^5,5 http://www.getty.edu/vow/ULANFullDisplay?find=Giovanni+Battista+Tiepolo&role=&nation=&prev_page=1&subjectid=500018523
↑ ^6,00 ^6,01 ^6,02 ^6,03 ^6,04 ^6,05 ^6,06 ^6,07 ^6,08 ^6,09 ^6,10 ^6,11 ^6,12 ^6,13 ^6,14 RKDartists (նիդերլ.)
↑ ^7,0 ^7,1 National Gallery of Art - Collection
↑ Pallucchini R. Encyclopædia Britannica
↑ http://www.wga.hu/frames-e.html?/bio/t/tiepolo/gianbatt/biograph.html
↑ ^10,0 ^10,1 Union List of Artist Names — 2019.

Գրականություն

Ольшанская Н. И., Тьеполо, М., 1957.

Արտաքին հղումներ

Վիքիպահեստն ունի նյութեր, որոնք վերաբերում են «Ջովաննի Բատիստա Տիեպոլո» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 5)։

[_6bd9e9dfde9f27e9-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_873a52da3f80afac-2] 2,0 ^2,1 ^2,2 ^2,3 ^2,4 Giovanni Battista Tiepolo (նիդերլ.)

[_8c698bb18064a3fd-3] 3,0 ^3,1 ^3,2 ^3,3 ^3,4 Benezit Dictionary of Artists — OUP, 2006. — ISBN 978-0-19-977378-7

[_e68ff229530e22fb-4] 4,0 ^4,1 ^4,2 ^4,3 ^4,4 ^4,5 Тьеполо Джованни Баттиста // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[_472e1731b0f57f93-5] 5,0 ^5,1 ^5,2 ^5,3 ^5,4 ^5,5 http://www.getty.edu/vow/ULANFullDisplay?find=Giovanni+Battista+Tiepolo&role=&nation=&prev_page=1&subjectid=500018523

[_5facdcbc4fa25a16-6] 6,00 ^6,01 ^6,02 ^6,03 ^6,04 ^6,05 ^6,06 ^6,07 ^6,08 ^6,09 ^6,10 ^6,11 ^6,12 ^6,13 ^6,14 RKDartists (նիդերլ.)

[_0353944a42e97500-7] 7,0 ^7,1 National Gallery of Art - Collection

[_809baf96b29bca89-8] Pallucchini R. Encyclopædia Britannica

[_24dcca58500b000b-9] ttp://www.wga.hu/frames-e.html?/bio/t/tiepolo/gianbatt/biograph.html

[_9ae3d1f1bc2cc261-10] 10,0 ^10,1 Union List of Artist Names — 2019.

[1]

[2]

[3]

[4]

[5]

[6]

[7]

[8]

[9]

[10]