(Translated by https://www.hiragana.jp/)
Samsung Galaxy Note 3 - Վիքիպեդիա Jump to content

Samsung Galaxy Note 3

Վիքիպեդիայից՝ ազատ հանրագիտարանից
The printable version is no longer supported and may have rendering errors. Please update your browser bookmarks and please use the default browser print function instead.
Samsung Galaxy Note 3
Արտադրող
Samsung Electronics
Օպերատիվ
հիշողություն		3 ԳԲ
Չափս151,2 x 79,2 x 8,3 մմ
Քաշ168 գ
ՍերիաSamsung Galaxy Note
ՆախորդSamsung Galaxy Note II
ՀաջորդSamsung Galaxy Note 4

Samsung Galaxy Note 3, «Samsung Electronics» ընկերության սմարթֆոնը, որը վաճառքի է հանվել 2013 թվականի սեպտեմբերի 25-ին։ Էկրանի չափսերի (5.7 դյույմ կամ 140 մմ) շնորհիվ այն միջանկյալ տեղ է զբաղեցնում հաղորդչի և պլանշետային համակարգչի («ֆաբլետ») միջև։ Աշխատում է Android օպերացիոն համակարգով։ Բացի չափից, այն տարբերվում է այլ սմարթֆոններից S Pen ստիլուսի առկայությամբ։ Այդ սարքավորումը Galaxy Note շարքից առաջին անգամ ներկայացվեց 2013 թվականի սեպտեմբերի 4-ին «Internationale Funkausstellung Berlin» կոնֆերանսում[1][2][3][4]։ Ի տարբերություն իր նախորդի՝ Galaxy Note 2-ի, Note 3-ի էկրանն ավելի մեծ է, սակայն սարքն ինքնին ավելի բարակ է և թեթև[5]։ Մարտկոցի հզորությունը ավելացել է մինչև 3200 մԱ/ժամ։ Մեծացել է նաև օպերատիվ հիշողությունը՝ դառնալով 3 ԳԲ (նախորդի 2 ԳԲ-ի համեմատ)։ Հեռախոսի հետևի հատվածը կարող է լինել սև, սպիտակ, վարդագույն կամ կարմիր[6][7]։

Ավանդաբար «Samsung»-ը հեռախոսն առաջարկում է սեփական ծրագրային ապահովմամբ, այդ թվում՝ նաև S Pen ստիլուսի համար։ Galaxy Note 3-ը մատակարարվում է նաև տեղադրված Samsung Knox համակարգով՝ ձեռնարկություններում սմարթֆոնն օգտագործելու համակարգային լուծմամբ[8]։

Տեխնիկական տվյալներ

Samsung Galaxy Note 3 Neo

Սարքավորումային ապահովում

GALAXY Note 3-ը թողարկվել է LTE և 3G տարբերակներով։ 3G տարբերակով Exynos 5 Octa-ն է, որը պարունակում է չորս միջուկանի ARM Cortex-A15 և չորս միջուկանի ARM Cortex-A7, որոնք գործում են «big.LITTLE» սկզբունքով, ինչը թույլ է տալիս համակարգին անցում կատարել երկու միջուկների խմբերին՝ կախված պահանջվող արտադրողականությունից, ինչպես նաև ARM Mali-T628 MP6 գրաֆիկային։ Որոշ շուկաների համար թողարկվում է LTE տարբերակը` հիմնված չորս միջուկանի Qualcomm Snapdragon 800 պրոցեսորի վրա՝ 2.3 ԳՀց հաճախականությամբ և Adreno 330 գրաֆիկայով[9][10]։

Galaxy Note 3-ն արտադրվում է 16, 32 կամ 64 ԳԲ ներքին հիշողությամբ, որը կարող է ընդլայվել մինչև 128 ԳԲ microSD քարտով (աշխատում է fat32 և exFat տարբերակներով)։

Էկրանը Super AMOLED է՝ 5.7 դյույմ չափով և 1080p թույլտվությամբ։ Հիմնական տեսախցիկը (13 ՄՊ) կարող է նկարահանել ոչ միայն 1080p ձևաչափով (մինչև 60 կադր/վայրկյան), այլև 4K որակի տեսահոլովակ (մինչև 30 կադր/վայրկյան)։ Տեսախցիկն ունի BSI-սենսոր, պատկերի ինտելեկտուալ կայունացում, լուսադիոդային LED լուսարձակ[11]։ Բացի այդ, Galaxy Note 3-ը նաև աշխատում է USB 3.0-ով[12]։

Մոդելը ներառում է մի շարք նոր տվիչներ, ներառյալ` մթնոլորտային ճնշումը, ջերմաստիճանը և խոնավությունը չափելու համար։ Տեղադրված է նաև գիրոսկոպ, էլեկտրոնային կողմնացույց, արագաչափ, մոտեցման և լուսավորության սենսոր, Հոլլի տվիչ[11]։ Կա նաև ինֆրակարմիր լուսադիոդ, որը թույլ է տալիս օգտագործել սմարթֆոնը որպես բազմակողմանի հեռակառավարման վահանակ։

Ծրագրային ապահովում

Galaxy Note 3-ը աշխատում է Android 4.3 «Jelly Bean» տարբերակի հետ, իսկ որպես ինտերֆեյս՝ օգտագործում է ֆիրմային Samsung TouchWiz պատյանը։ 2014 թվականին ընկերությունը թարմացրեց ծրագրային ապահովումը մինչև Android 4.4.2 KitKat, իսկ 2015-ի սկզբին Samsung Galaxy S4-ի հետ միասին՝ մինչև Android 5.0 Lollipop: Սմարթֆոնում տեղադրված է նաև թարմացված ծրագրային ապահովում ստիլուս S-Pen-ի օգտագործման համար[13][14]։

«Air Command» - ստիլուսի ղեկավարում առանց էկրանին հպվելու և 5 արագ գործառույթով օժանդակ մենյու։

«Action Memo» - ձեռագիր նշումներ, որոնք այնուհետև ճանաչվում են հեռախոսով։ Ապա դրանք հնարավոր է կապել տարբեր գործողությունների հետ, այդ թվում՝ համաժամանակացնել Evernote-ի հետ, տրվում է մեկ տարվա պրեմիում բաժանորդագրություն[15][16]։

«Screen Write» - թույլ է տալիս նկարել էկրանը և նշումներ անել դրա վրա։

«ScrapBook» - պահպանում է ստիլուսով ընդգծված պատկերները։

«S Finder» - որոնում հեռախոսի և հիշողության քարտի մեջ։

«Pen Window» - էկրանին քառակուսի նկարելով՝ օգտատերը կարող է տեսնել լրացուցիչ գործողություններ կատարելու համար նախատեսված լողացող պատուհան։ Այն հայտնվում է հիմնական պատուհանի վրա, և հնարավոր է փակել ցանկացած ժամանակ։

«Multi Window» գործառույթ - թույլ է տալիս միաժամանակ բացել երկու հավելված և պատուհանների միջև տեղեկատվություն փոխանակել։

«MultiVision» - մեկ նկարը փոխանցում է մի քանի սարքավորման, կարելի է ստեղծել մեկ մեծ էկրան։

Սմարթֆոնն ունի նաև «My Magazine» նորությունների ագրեգատոր և «S Note»-ի թարմացված տարբերակ։

Արտադրողականության կեղծման մեղադրանքներ

«Ars Technica» լրատվամիջոցների մասնագետները հայտնաբերել են, որ Snapdragon 800-ի հիմքի վրա սմարթֆոնի արտադրողականությունը ստուգող մի շարք հավելվածների, այդ թվում՝ Geekbench-ի, Quadrant-ի, Antutu-ի, Linpack-ի և GFXBench-ի թողարկման դեպքում ակտիվանում է պրոցեսորն արագացնող հատուկ ռեժիմ։ Արդյունքում այդ հավելվածների միջոցով Galaxy Note 3-ի արտադրողականությունը չափելիս այն արհեստականորեն գերազանցում է սմարթֆոնի սովորական աշխատանքային ռեժիմին։ Ավելի վաղ նմանատիպ մեղադրանքներ հնչել են նաև Samsung-ի մեկ այլ ֆլագմենի՝ Samsung Galaxy S4-ի դեմ[17][18]։

Տես նաև

Ծանոթագրություններ

  1. ↑ «Galaxy Note 3 + Gear» (ռուսերեն). samsung.com — Промоакция на начало продаж. Վերցված է 2013 թ․ սեպտեմբերի 6-ին.
  2. ↑ «IFA 2013: Samsung представила планшетофон Galaxy Note 3» (ռուսերեն). ferra.ru. 2013 թ․ սեպտեմբերի 4. Արխիվացված է օրիգինալից 2013 թ․ սեպտեմբերի 7-ին. Վերցված է 2013 թ․ սեպտեմբերի 5-ին.
  3. ↑ «IFA 2013: Samsung представила планшетофон Galaxy Note 3» (ռուսերեն). 3dnews.ru. 2013 թ․ սեպտեմբերի 4. Վերցված է 2013 թ․ սեպտեմբերի 5-ին.
  4. ↑ «Samsung Galaxy Note 3 makes official debut with 5.7-inch 1080p screen and faux-leather back, available September 25th» (անգլերեն). engadget.com. 2013 թ․ սեպտեմբերի 4. Վերցված է 2013 թ․ սեպտեմբերի 5-ին.
  5. ↑ «Сравнение Note 3 и Note 2» (ռուսերեն). samsunggalaxytabblog.ru. Արխիվացված է օրիգինալից 2013 թ․ սեպտեմբերի 19-ին. Վերցված է 2019 թ․ մարտի 1-ին.
  6. ↑ «Samsung Galaxy Note 3 представлен официально» (ռուսերեն). overclockers.ru. 2013 թ․ սեպտեմբերի 5. Վերցված է 2013 թ․ սեպտեմբերի 5-ին.
  7. ↑ «Samsung's Galaxy Note 3 is bigger, faster, thinner, and lighter, but is it any better?» (անգլերեն). The Verge. 2013 թ․ սեպտեմբերի 4. Վերցված է 2013 թ․ սեպտեմբերի 5-ին.
  8. ↑ «Samsung KNOX» (ռուսերեն). samsung.com. Վերցված է 2013 թ․ սեպտեմբերի 5-ին.
  9. ↑ «Samsung Galaxy Note 3» (անգլերեն). gsmarena.com — технические данные и характеристики на английском. Վերցված է 2013 թ․ սեպտեմբերի 5-ին.
  10. ↑ «Samsung GALAXY Note 3 будет стоить в России 34 990 рублей» (ռուսերեն). hi-tech.mail.ru. 2013 թ․ սեպտեմբերի 5. Վերցված է 2013 թ․ սեպտեմբերի 6-ին.
  11. ↑ 11,0 11,1 «Ещё больше. Ещё мощнее» (ռուսերեն). androidjam.ru. Արխիվացված է օրիգինալից 2013 թ․ սեպտեմբերի 10-ին. Վերցված է 2013 թ․ սեպտեմբերի 6-ին.
  12. ↑ «Samsung Galaxy Note 3 sports USB 3.0 connector for faster transfers and charging» (անգլերեն). sammobile.com. 2013 թ․ սեպտեմբերի 5. Վերցված է 2013 թ․ սեպտեմբերի 6-ին.
  13. ↑ «Презентация Samsung Galaxy Note 3, Galaxy Note 10.1 2014 и часов Gear» (ռուսերեն). mobile-review.com. 2013 թ․ սեպտեմբերի 5. Վերցված է 2013 թ․ սեպտեմբերի 6-ին.
  14. ↑ «Samsung Galaxy Note 3: 5.7-дюймовый FullHD-дисплей, 13-МП камера и 3 гигабайта ОЗУ» (ռուսերեն). gagadget.com. 2013 թ․ սեպտեմբերի 4. Վերցված է 2013 թ․ սեպտեմբերի 6-ին.
  15. ↑ «Evernote теперь интегрирован в Samsung Galaxy Note 3» (ռուսերեն). evernote.com — новости с блога evernote. 2013 թ․ սեպտեմբերի 5. Արխիվացված է օրիգինալից 2013 թ․ սեպտեմբերի 9-ին. Վերցված է 2013 թ․ սեպտեմբերի 6-ին.
  16. ↑ «Первый взгляд на Samsung Galaxy Note 3» (ռուսերեն). itc.ua. 2013 թ․ սեպտեմբերի 5. Վերցված է 2013 թ․ սեպտեմբերի 5-ին.
  17. ↑ Ron Amadeo (1.10.2013). «Note 3's benchmarking "adjustments" inflate scores by up to 20%» (անգլերեն). Ars Technica. Վերցված է 2013 թ․ հոկտեմբերի 27-ին.
  18. ↑ «Samsung Again Caught Inflating Benchmarking Scores, Phil Schiller Calls 'Shenanigans'». MacRumors. 1.10.2013. Վերցված է 2013 թ․ հոկտեմբերի 27-ին.

Արտաքին հղումներ

Ստացված է «https://hy.wikipedia.org/w/index.php?title=Samsung_Galaxy_Note_3&oldid=9365168» էջից