Բեբետո

Բեբետո; Bebeto
Անձնական տվյալներ
Քաղաքացիությունը	Բրազիլիա
Մականուն	Սպիտակ ոսկի, Պլակսա
Ծննդյան ամսաթիվ	փետրվարի 16, 1964 (60 տարեկան)
Ծննդավայր	Սալվադոր, Բրազիլիա
Հասակ	178 սմ
Քաշ	68 կիլոգրամ
Դիրք	հարձակվող
Ակումբային տեղեկություններ
Ներկա ակումբ	ավարտել է կարիերան
Պատանեկան կարիերա
	Բայա
1981-1983	Վիտորիա (Սալվադոր)
Մասնագիտական կարիերա*
Ազգային հավաքական
Մարզչական կարիերա
2009-2010	Ամերիկա (Ռիո)
	* Մասնագիտական կարիերայում ընդգրկված են միայն առաջնության խաղերը և գոլերը:

Բեբետո (պորտ.՝ Bebeto, ամբողջական անունը՝ Ժոզե Ռոբերտու Գամա դե Օլիվեյրա (պորտ.՝ José Roberto Gama de Oliveira), փետրվարի 16, 1964(1964-02-16)^[1], Սալվադոր, Բրազիլիա), բրազիլացի ֆուտբոլիստ։

Կենսագրություն

Բեբետոն իր պրոֆեսիոնալ կարիերան սկսել է 1983 թվականին։ Հանդես է եկել բրազիլական Վիտորիա|«Վիտորիա», (Սալվադոր) «Ֆլամենգո», «Վասկո դա Գամա», «Բոտաֆոգո», իսպանական «Դեպորտիվո Լա Կորունյա», «Սևիլյա», մեկսիկական «Տորոս Նեսա», ճապոնական «Կասիմա Անտլերս» և Սաուդյան Արաբիայի «Ալ Իտտիհադ» ակումբներում։

Իր նորամուտը Բրազիլիայի հավաքականում կատարել է 1985 թվականին։ Մասնակցել է 1990, 1994 և 1998 թվականների աշխարհի առաջնություններին և 1994 թվականին դարձել է աշխարհի չեմպիոն։ 1988 թվականի Ամառային օլիմպիական խաղերի արծաթե մեդալակիր է և 1996 թվականի Օլիմպիական խաղերի բրոնզե մեդալակիր։ Ընդհանուր առմամբ ազգային հավաքականում անցկացրել է 76 խաղ և խփել 42 գոլ։

1989 թվականին Բեբետոն ճանաչվել է Հարավային Ամերիկայի լավագույն ֆուտբոլիստ։

1994 թվականի աշխարհի առաջնությունից հետո հայտնի է դարձել Բեբետոյի ժեստը, որով նա քառորդ եզրափակչում նշել է Հոլանդիայի հավաքականի դարպասը խփած գոլը։ Նրա կինը խաղից 3 օր առաջ ծննդաբերել էր, և դարպասի գրավումից հետո Բեբետոն վազել է դեպի եզրագիծը, ծալել ձեռքերը և ձևացրել երեխային օրորելու շարժում։ Անմիջապես նրան են միացել Ռոմարիոն և Մազինիոն։

2010 թվականին Բեբետոն ընտրվել է Ռիո դե Ժանեյրոյի կոնգրեսի անդամ^[2]։

Ձեռքբերումներ

Թիմային

Ֆլամենգո

Ռիո դե Ժանեյրո նահանգի չեմպիոն – 1986
Բրազիլիայի չեմպիոն – 1987, 1989

Դեպորտիվո Լա Կորունյա

Իսպանիայի գավաթի դափնեկիր – 1995
Իսպանիայի Սուպերգավաթի դափնեկիր – 1995

Վիտորիա

Բայա նահանգի չեմպիոն – 1997

Բոտաֆոգո

Ռիո-Սան-Պաուլո մրցաշարի չեմպիոն – 1998

Բրազիլիայի հավաքական

Աշխարհի չեմպիոն (մինչև 20) – 1983
Նախաօլիմպիական մրցաշարի հաղթող – 1987
Պանամերիկյան խաղերի չեմպիոն – 1987
Օլիմպիական խաղերի փոխչեմպիոն – 1988
Ամերիկայի գավաթի դափնեկիր – 1989
Աշխարհի չեմպիոն – 1994
ՖԻՖԱ Կոնֆեդերացիաների գավաթի հաղթող – 1997
Աշխարհի փոխչեմպիոն – 1998

Անձնական

Ռիո դե Ժանեյրո նահանգի լավագույն ռմբարկու – 1988, 1989
Հարավային Ամերիկայի լավագույն ֆուտբոլիստ – 1989 («El Pais»-ի վարկածով)
Ամերիկայի գավաթի խաղարկության լավագույն ֆուտբոլիստ – 1989
«Արծաթե գնդակի» դափնեկիր («Պլակար» ամսագրի վարկածով) – 1992
Իսպանիայի առաջնության լավագույն ռմբարկու – 1993
«Դեպորտիվո Լա Կորունյայի» պատմության լավագույն ռմբարկու – 101 գոլ

Ծանոթագրություններ

↑ ^1,0 ^1,1 https://www.transfermarkt.com/bebeto/profil/spieler/26541
↑ «Ромарио и Бебето начали политическую карьеру». Спорт-Экспресс. 4 октября 2010. Արխիվացված է օրիգինալից 2012 թ․ մարտի 2-ին. Վերցված է 2011 թ․ դեկտեմբերի 23-ին.

Արտաքին հղումներ

Վիճակագրությունը National Football Teams կայքում(անգլ.)

Բեբետոյի կենսագրությունը (չաշխատող հղում — պատմություն, կրկնօրինակ)
Белое золото Бразилии Արխիվացված 2018-08-17 Wayback Machine

Վիքիպահեստն ունի նյութեր, որոնք վերաբերում են «Բեբետո» հոդվածին։

[_3225f0db05520c07-1] 1,0 ^1,1 https://www.transfermarkt.com/bebeto/profil/spieler/26541

[2] «Ромарио и Бебето начали политическую карьеру». Спорт-Экспресс. 4 октября 2010. Արխիվացված է օրիգինալից 2012 թ․ մարտի 2-ին. Վերցված է 2011 թ․ դեկտեմբերի 23-ին.

[1]

[2]