Գրիգորի Կարագուլյան
Գրիգորի Կարագուլյան | |
---|---|
Ծնվել է | հունվարի 17, 1962[1] (62 տարեկան) Վալե, Վրաստան |
Քաղաքացիություն | ![]() |
Մասնագիտություն | մաթեմատիկոս |
Հաստատություն(ներ) | Հայաստանի ԳԱԱ մաթեմատիկայի ինստիտուտ և Երևանի պետական համալսարան |
Ալմա մատեր | Երևանի պետական համալսարան (1984) |
Գիտական աստիճան | ֆիզիկամաթեմատիկական գիտությունների դոկտոր (2002) |
Պարգևներ |
Գրիգորի Արտաշեսի Կարագուլյան (հունվարի 17, 1962[1], Վալե, Վրաստան), հայ մաթեմատիկոս, ֆիզմաթ գիտությունների դոկտոր (2002):
Կենսագրություն
[խմբագրել | խմբագրել կոդը]Գրիգորի Կարագուլյանը ծնվել է 1962 թվականին Վրաստանի Վալե քաղաքում։ 1984 թվականին ավարտել է Երևանի պետական համալսարանը[2]։ 1989-2004 թվականներին աշխատել է ՀՀ ԳԱԱ մաթեմատիկայի ինստիտուտում, եղել է կրտսեր, ավագ գիտաշխատող։ 2002 թվականին ստացել է ֆիզիկամաթեմատիկական գիտությունների դոկտորի կոչում («Եռանկյունաչափական և ընդհանուր օրթոգոնալ շարքերի զուգամիտության և հանրագումարելիության մասին», Վ. Ա. Ստեկլովի անվան մաթեմատիկական ինստիտուտ, Մոսկվա, 2002)։ Միաժամանակ դասավանդել է Երևանի պետական համալսարանում, 2000-2006 թվականներին եղել է Երևանի պետական համալսարանի կիրառական մաթեմատիկայի և ինֆորմատիկայի ֆակուլտետի դոցենտ, 2006 թվականից՝ Երևանի պետական համալսարանի մաթեմատիկայի և մեխանիկայի ֆակուլտետի դոցենտ[3], 2014 թվականից՝ ՀՀ ԳԱԱ մաթեմատիկայի ինստիտուտի իրական անալիզի բաժնի վարիչ[4]։
Աշխատանքները վերաբերում են օրթոգոնալ շարքերի զուգամիտությանը, եռանկյունաչափական և օրթոգոնալ Ֆուրյեի շարքերի զուգամիտությանն ու հանրագումարելիությանը։
Պարգևներ, մրցանակներ
[խմբագրել | խմբագրել կոդը]- ՀՀ ԳԱԱ երիտասարդ գիտնականների մրցանակ, 1989
- Սորոսի մրցանակ, 1994
- Հայաստանի Հանրապետության Նախագահի մրցանակ, 2016 («Օրթոգոնալ շարքերի զուգամիտության որոշ հարցեր» գիտական հոդվածների շարքի համար)[5]
Ծանոթագրություններ
[խմբագրել | խմբագրել կոդը]- ↑ 1,0 1,1 http://am.hayazg.info/index.php?curid=9216
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Գրիգորի Արտաշեսի Կարագուլյան». ysu.am. Արխիվացված է օրիգինալից 2016 թ․ հոկտեմբերի 27-ին. Վերցված է 2017 թ․ հունվարի 17-ին.
- ↑ «Grigori Karagulyan | Institute of Mathematics». math.sci.am. Վերցված է 2018 թ․ հուլիսի 6-ին.
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2017 թ․ հունվարի 17-ին.
Արտաքին հղումներ
[խմբագրել | խմբագրել կոդը]
|