Իմ հայրը և իմ որդին
Իմ հայրը և իմ որդին թուրքերեն՝ Babam ve Oğlum | |
---|---|
Երկիր | Թուրքիա |
Ժանր | դրամա |
Թեմա | 1980 թվականի պետական հեղաշրջում Թուրքիայում |
Թվական | նոյեմբերի 18, 2005[1] և մարտի 2, 2006[2] |
Լեզու | թուրքերեն |
Ռեժիսոր | Չաղան Ըրմաք |
Սցենարի հեղինակ | Չաղան Ըրմաք |
Դերակատարներ | Չեթին Թեքինդոր, Ֆիքրեթ Քուշքան, Հյումեյրա Աքբայ, Տուբա Բույուկյուսթուն, Շերիֆ Սեզեր, Բիննուր Քայա, Եթքին Դիքինջիլեր, Էգե Թանման, Օզգե Օզբերք, Հալիտ Էրգենչ, Մահմուտ Գյոքգյոզ, Բիլգե Սեն, Էրդալ Թոսուն և Ներգիս Չորաքչը |
Երաժշտություն | Էվանթիա Ռեբուցիկա |
Պատմվածքի վայր | Եգեյան ծով |
Կինոընկերություն | Avşar Film |
Տևողություն | 108 րոպե |
Իմ հայրը և իմ որդին (թուրքերեն՝ Babam ve Oğlum), թուրք ռեժիսոր Չաղան Ըրմաքի ֆիլմը, որը նկարահանվել է 2005 թվականին։ Համարվում է թուրքական կինեմատոգրաֆիայի ամենավարձույթային ֆիլմերից մեկը։ 2017 թվականի հունվարի 1-ի տվյալներով՝ ֆիլմը զբաղեցրել է 86-րդ հորիզոնականը IMDB վարկածով լավագույն ֆիլմերի ցանկում։ Ֆիլմում նկարահանվել են Ֆիքրեթ Քուշքանը, Չեթին Թեքինդորը, Էգե Թանմանը, Հյումեյրա Աքբայը, Թուբա Բույուքյուսթունը, Հալիթ Էրգենչը և ուրիշներ[3]։
Ստամբուլի 25-րդ կինոփառատոնի ժամանակ «Իմ հայրը և իմ որդին» ֆիլմում իր մարմնավորած դերի համար Քուշքանն արժանացել է «Լավագույն դերասան» մրցանակի[4]։
Սյուժե
[խմբագրել | խմբագրել կոդը]Սադըք անունով երիտասարդ տղամարդը (Ֆիքրեթ Քուշքան) լքում է հայրենի Էգեյան ծովի ափերը, որպեսզի սովորի Ստամբուլի համալսարանի ժուռնալիստիկայի ֆակուլտետում։ Նրա հայրը՝ Հուսեյնը (Չեթին Թեքինդոր) դժգոհ է որդու ընտրությունից և ցանկանում է, որ նա դառնա ագրոտեխնիկ, որի արդյունքում կարող է կառավարել ընտանեկան ֆերման։ Համալսարանում Սադըքը համալրում է ձախ ծայրահեղականների շարքերը։ Իմանալով այդ մասին՝ Հուսեյնը կապերը խզում է որդու հետ։
1980 թվականի սեպտեմբերի 12-ին սկսում են Սադըքի հղի կնոջ երկունքի ցավերը։ Փնտրելով մարդկանց, ովքեր նրանց կարող են օգնել հասնելու հիվանդանոց՝ զույգը դուրս է գալիս փողոց, սակայն ոչ մեկին չի հանդիպում։ Պատճառը հեղափոխության փորձից հետո հայտարարված պարետային ժամն էր։ Քաղաքային զբոսայգում Սադըքի կինը տղա է ծննդաբերում և շուտով մահանում։ Երեխային կոչում են Դենիզ, հավանաբար թուրքական երիտասարդության կուռք Դենիզ Գեզմիշի անունով։
Զինվորականները ձերբակալում են Սադըքին՝ քաղաքական հայացքների համար։ Հարցաքննության ժամանակ նրան տանջում են և շուտով դատապարտում երեք տարվա ազատազրկման։ Բանտից դուրս գալուց հետո նա իմանում է, որ շուտով մահանալու է։ Բանտում անցկացրած տարիներին Սադըքի առողջությունը վատթարացել էր։ Որդու հետ միասին վերադառնում է հայրական տուն, սակայն հայրը հրաժարվում է նրա հետ խոսել, անգամ վերադարձից հետո։ Դենիզի համար, ով հետաքրքրված էր կոմիքսների աշխարհով, ֆերմա տեղափոխվելուց հետո փոխվում են կյանքի գույները։ Նա ծանոթանում է իր տատիկի (Հյումեյրա Աքբայ), տրակտորիստի, ռադիոսեր էլեկտրիկի, Հանիֆե մորաքրոջ, ում ձեռքերը, մինչև ուսեր պատված են ապարանջաններով, ինչպես նաև հորեղբայր Սալիմի հետ (Եթքին Դիքինջիլեր)։
Սադըքը և Հյուսեյնը հաշտվում են։ Սադըքը հանդիպում է իր հին ընկերներին և առաջին սիրուն, ով ամուսնացած էր ուրիշի հետ ու ուներ երեխաներ։ Ֆիլմի վերջում Սադըքը հիվանդությունից մահանում է, իսկ Հյուսեյնը և նրա կինը Դենիզին վերցնում են իրենց խնամակալության տակ։
Ծանոթագրություններ
[խմբագրել | խմբագրել կոդը]- ↑ Internet Movie Database — 1990.
- ↑ http://www.kinokalender.com/film5574_babam-ve-oglum-mein-vater-und-mein-sohn.html
- ↑ «Յանդեքս». www.kinopoisk.ru. Վերցված է 2024-08-28-ին.
- ↑ «Sinematurk.com: Awards for Fikret Kuşkan». sinematurk.com. Արխիվացված է օրիգինալից 19 February 2010-ին. Վերցված է 2010-07-03-ին.
|