Չառլզ Հարելսոն
Charles Voyde Harrelson անգլ.՝ Charles Harrelson | |
---|---|
![]() վարձու մարդասպան | |
Ծնվել է | 1938 հուլիսի 23 |
Ծննդավայր | Հանստվիլ, Տեխաս, ԱՄՆ |
Մահացել է | մարտի 15, 2007 | (տարիքը 68)
Մահվան վայր | ADX Florence բանտ, Կոլորադո, ԱՄՆ |
Քաղաքացիություն | ![]() |
Ազգություն | ամերիկացի |
Կրթություն | Lovelady High School? |
Մասնագիտություն | վարձու մարդասպան |
Ամուսին | Նենսի Հիլման Հարելսոն |
Ծնողներ | Վոյդ Հարելսոն Ալմա Հարելսոն |
Երեխաներ | Վուդի Հարելսոն, դերասան |
![]() |
Չառլզ Վոյդ Հարելսոն (անգլ.՝ Charles Voyde Harrelson; հուլիսի 23, 1938, Հանստվիլ, Տեխաս, ԱՄՆ - մարտի 15, 2007, ADX Florence բանտ, Կոլորադո), ամերիկացի վարձու մարդասպան, դատապարտվել է ցմահ ազատազրկման դաշնային դատավոր Ջոնաթան Վուդի սպանության համար, հոլիվուդյան դերասան Վուդի Հարելսոնի հայրը[1]։
1979 թ. մայիսի 29-ին Չառլզ Հարելսոնը սպանել էր դատավոր Ջոնաթան Վուդին նրա տան մոտ՝ կրակելով նրա թիկունքին։ Ավելի ուշ պարզվել է, որ նրան վարձել էր թմրաբարոն Ջամիլ Չագրան։ Դատավոր Վուդը, ով ստացել էր «մաքսիմալ Ջոն» մականունը, նշանավոր էր նրանով, որ թմրանյութերի հետ կապված հանցագործությունների դեպքում ամբաստանյալներին դատապարտում էր երկարաժամկետ բանտարկության։
![](https://upload.wikimedia.org/wikipedia/commons/thumb/7/78/Florence_ADMAX.jpg/140px-Florence_ADMAX.jpg)
Հենց այդ օրը Վուդը պետք է լսեր Ջամիլ Չագրայի գործը։ Այդ սպանության համար նրան դատապարտեցին երկու ցմահ ժամկետով ազատազրկման (ԱՄՆ-ի օրենքով նախատեսված է նման պատիժ) և նա պատիժը պետք է կրեր Ատլանտայի դաշնային բանտում։
Հարելսոնը մեկ անգամ արդեն կանգնել էր դատարանի առաջ սպանության մեղադրանքով, սակայն նրան անմեղ էին ճանաչել։
1996 թվականին Հարելսոնը Ատլանտայի բանտից փախուստի փորձ էր կատարվել և տեղափոխվել էր Կոլորադոյում գտնվող ADX Florence խիստ ռեժիմի գաղութ։ 2007 թ. մարտի 15-ին նրան մահացած էին գտել իր խցում, ամենայն հավանականությամբ նա մահացել էր բնական մահով[2]։
Վուդի Հարելսոնը հոր մահից հետո փորձել է վիճարկել դատարանի որոշումը և հոր վրայից հանել մեղադրանքը, սակայն դա նրան չի հաջողվել[3]։
Ծանոթագրություններ
[խմբագրել | խմբագրել կոդը]- ↑ «Woody Harrelson's Father Dies in Prison». CBC News. DENVER March 21, 2007. Արխիվացված օրիգինալից 2012 թ․ ապրիլի 24-ին. Վերցված է 2008 թ․ հուլիսի 16-ին.
- ↑ «Woody Harrelson's dad dies in prison». Associated Press. 2007 թ․ մարտի 21. Արխիվացված է օրիգինալից 2007 թ․ մարտի 24-ին. Վերցված է 2007 թ․ մարտի 21-ին.
- ↑ «Loves the Beach, the Planet and Movies». The New York Times. 2007 թ․ նոյեմբերի 25. Արխիվացված օրիգինալից 2012 թ․ ապրիլի 24-ին. Վերցված է 2007 թ․ նոյեմբերի 25-ին.