Ֆիրմինոն սկսել է ֆուտբոլ խաղալ Տոմբենսեյում, որտեղից 2010 թվականին տեղափոխվել է Ֆիգերենսե։ 2010 թվականին խաղացել է 36 խաղ և խփել 8 գնդակ։ Իր լավ խաղի շնորհիվ նա կարողացավ գրավել Հոֆֆենհայմի ուշադրությունը։
2011 թվականի հունվարին Ֆիրմինոն պայմանագիր կնքեց Հոֆֆենհայմի հետ մինչև 2015 թվական, տրանսֆերը կազմեց 4 մլն եվրո[3]։ Գերմանական թիմում Ֆիրմինոյի դեբյուտը տեղի ունեցավ 2011 թվականի փետրվարի 26-ին՝ Մայնցի դեմ 24-րդ տուրի հանդիպման ժամանակ։ Այդ խաղն ավարտվեց 2-1 օգուտ Մայնցի, իսկ Ֆիրմինոն խաղադաշտ դուրս եկավ փոխարինման 75-րդ րոպեին, Սեբաստիան Ռուդի փոխարեն[4]։ Իսկ իր առաջին գնդակը նա խփել է 30 տուրում՝ Այնտրախտի դարպասին։ Այդ գոլը միակն էր, ինչպես նաև հաղթական էր Հոֆֆենհայմի համար։ 2010/2011 մրցաշրջանում Ֆիրմինոն խաղաց 11 խաղ, որոնցում աչքի ընկավ 3 անգամ։ 2011/2012 մրցաշրջանը Ֆիրմինոյի համար հաջող էր։ սեպտեմբերի 17-ին Բունդեսլիգայի 6-րդ տուրի խաղում Ֆիրմինոն ձևակերպեց դուբլ Վոլֆսբուրգի դեմ։ Հետաքրքիրն այն է որ վերջին 4 խաղում նա խփեց 3 գնդակ։
2015 թվականի հունիսին Լիվերպուլը հայտարարեց Ֆիրմինոյի տեղափոխության մասին։ Բրիտանական լրատվամիջոց BBC-ն իր թերթերում գրեց, որ տրանսֆերը կազմել է 28 մլն ֆունտ։