Սերգեյ Շաթիրյան

Սերգեյ Շաթիրյան
Ծնվել է	մարտի 20, 1907; Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն
Երկիր	Ռուսական կայսրություն և ԽՍՀՄ
Մահացել է	հոկտեմբերի 18, 1959 (52 տարեկան)
Մասնագիտություն	կոմպոզիտոր, դիրիժոր և երաժշտության ուսուցիչ
Աշխատավայր	Կ. Ստանիսլավսկու անվան ռուսական պետական դրամատիկական թատրոն, Ալեքսանդր Սպենդիարյանի անվան օպերայի և բալետի ազգային ակադեմիական թատրոն, The Governor's Symphony Orchestra of St. Petersburg?, Philharmony Concert Hall, Chișinău?, Երևանի Կոմիտասի անվան պետական կոնսերվատորիա և Սանկտ Պետերբուրգի կոնսերվատորիա
Կրթություն	Երևանի Կոմիտասի անվան պետական կոնսերվատորիա (1928) և Սանկտ Պետերբուրգի կոնսերվատորիա (1934)

Վիքիպեդիայում կան հոդվածներ Շաթիրյան ազգանունով այլ մարդկանց մասին։

Սերգեյ Ալեքսանդրի Շաթիրյան (մարտի 20, 1907(1907-03-20)^[1], Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն^[1] - հոկտեմբերի 18, 1959(1959-10-18)^[1]), հայ խորհրդային կոմպոզիտոր և դիրիժոր։

Կենսագրություն

1928 թվականին ավարտել է Երևանի կոնսերվատորիայի վալտոռնի դասարանը, միաժամանակ դասեր վերցրել Ալեքսանդր Սպենդիարյանից (գործիքավորում և ձևի վերլուծություն)։ Սովորել է Լենինգրադի կոնսերվատորիայում որպես վալտոռնահար 1928-1931 թթ., Վ․ Բույանովսկու դասարան) և դիրիժոր (1931-1934, Ալեքաանդր Գաուկի և Ս. Ելցինի դասարան)։ Դիպլոմը պաշտպանել է 1937 թվականին։ Երևանի դրամատիկական (1924-1928 թթ.) և օպերային (1934-1936 թթ.) թատրոնների, Լենինգրադի ռադիոյի (1937-1941 թթ.) դիրիժոր, Քիշնևի (1946-1947 թթ.) և Երևանի (1947-1948 թթ.) ֆիլհարմոնիկ նվագախմբերի գլխավոր դիրիժոր։ Լենինգրադի գիտահանրամատչելի ֆիլմերի ստուդիայի երաժշտական խմբագիր (1937-1941 և 1948-1959 թթ.)։ Դասավանդել է Երևանի (տեսական դասընթաց, վալտոռն, 1934-1936 թվականներ) և Լենինգրադի (դիրիժորություն, 1950-1959 թթ.) կոնսերվատորիաներում։

Գրել է «Բուլղարական սյուիտ» (մեներգիչների, երգչախմբի և նվագախմբի համար, 1950 թ.), սիմֆոնիկ 4 սյուիտ (1931 թ., հայկական թեմաներով, 1936, 1949, 1958 թթ.), ջութակի և նվագախմբի ֆանտազիա (1953 թ.), լարային կվարտետ (1928 թ.), Կոմիտասի թեմաներով կվարտետային վարիացիաներ (1933 թ.), ռոմանսներ, 2 սյուիտ էստրադային նվագախմբի, երաժշտություն դրամատիկական ներկայացումների և կինոնկարների համար, կատարել հայկական երգերի մշակումներ ձայնի և քառյակի համար (1937 թ.)։ Շաթիրյանը եղել է Արմեն Տիգրանյանի «Անուշ» օպերայի առաջին լիարժեք բեմադրության (1935, Երևանի օպերայի և բալետի թատրոն) երաժշտական ղեկավարը։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 Հայկական սովետական հանրագիտարան, հատոր 8 (հայ.) — հատոր 8. — էջ 412.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 412)։

[_ab50fc1c04a33e40-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 ^1,11 ^1,12 ^1,13 ^1,14 ^1,15 Հայկական սովետական հանրագիտարան, հատոր 8 (հայ.) — հատոր 8. — էջ 412.

[1]