Վիրժինի Դեմոն-Բրետոն
Վիրժինի Դեմոն-Բրետոն | |
---|---|
![]() | |
Ծնվել է | հուլիսի 26, 1859[1][2][3][…] |
Ծննդավայր | Courrières |
Վախճանվել է | հունվարի 10, 1935[4][5] (75 տարեկան) |
Մահվան վայր | Փարիզ, Ֆրանսիա[6] |
Քաղաքացիություն | ![]() |
Մասնագիտություն | նկարչուհի և գրող |
Ոճ | նատուրալիզմ |
Թեմաներ | գեղանկարչություն |
Ուշագրավ աշխատանքներ | La Plage? և Q116277947? |
Ուսուցիչ | Ժյուլ Բրետոն |
Պարգևներ | |
Անդամակցություն | Union des femmes peintres et sculpteurs? |
Հայր | Ժյուլ Բրետոն |
Մայր | Élodie Breton? |
Ամուսին | Adrien Demont? |
Զավակներ | Louise Demont?, Adrienne Ball-Demont? և Éliane Demont? |
Ազգականներ | Edmond De Vigne? |
ստորագրություն![]() | |
![]() |
Վիրժինի Դեմոն-Բրետոն (ֆր.՝ Virginie Demont-Breton, հուլիսի 26, 1859[1][2][3][…], Courrières - հունվարի 10, 1935[4][5], Փարիզ, Ֆրանսիա[6]), ֆրանսիացի նկարչուհի, ակադեմիստ, ռեալիզմի ներկայացուցիչ։
Կենսագրություն
[խմբագրել | խմբագրել կոդը]![](https://upload.wikimedia.org/wikipedia/commons/thumb/2/2b/Into_the_water%2C_by_Virginie_Demont-Breton.jpg/200px-Into_the_water%2C_by_Virginie_Demont-Breton.jpg)
Ծնվել է նկարիչ Ժյուլ Բրետոնի ընտանիքում։ Նկարչուհի Էմիլյա Բրետոնի (1831-1902) զարմուհին է։ Նկարչության առաջին դասերը ստացել է հորից։
Նա ստեղծագործական գործունեությունը սկսել է դեռ վաղ տարիքից։ Նրա նկարները 1879 թվականին առաջին անգամ ցուցադրվել են Փարիզում։ 1883 թվականին Ամստերդամում Գաղութային էքսպորտային միջազգային ցուցահանդեսում (Dutch Internationale Koloniale en Uitvoerhandel Tentoonstelling) արժանացել է ոսկե մեդալի։ Նկարները ցուցադրվել է Փարիզյան սալոնում։
1880 թվականին ամուսնացել է նկարիչ Ադրիեն Դեմոնի հետ։
1890 թվականին նա ամուսնու հետ բնակություն է հաստատել Լա Մանշի և Հյուսիսային ծովի Côte d’Opale ափին գտնվող ֆրանսիական փոքրիկ Վիսան գյուղում, որտեղ էլ ըստ բելգիացի ճարտարապետ Էդմոն դե Վինեի նախագծի հաջորդ տարի կառուցվել է Typhonium վիլլան։ 1985 թվականին այս վիլլան ընդգրկվել է Ֆրանսիայում գտնվող պատմական հուշարձանների ցուցակում։
1895-1901 թվականներին Վիրժինի Դեմոն-Բրետոնը նախագահել է Նկարիչ և քանդակագործ կանանց միությունը (Union des femmes peintres et sculpteurs), որի անդամ է եղել 1883 թվականից։ Դեմոն-Բրետոնի նախագահությամբ և Միության հիմնադիր Էլեն Բերտոյի աջակցությամբ միությունը լուրջ հաջողությունների է հասել. 1897 թվականից ի վեր կանանց սկսել են ընդունել «Նրբագեղ արվեստների դպրոց»[7]։ Այդուհետ ուսանող կանանց հնարավորություն էր ընձեռվում ոչ միայն սովորել նկարչություն ակադեմիական միջավայրում, այլ նաև օգտվել նախկինում իրենց համար անհասանելի հնարավորություններից, ինչպիսիք են մերկ մոդելների հետ աշխատանքը։ Բացի այդ, նկարչուհիներն իրավունք են ստացել պայքարել հռոմեական հեղինակավոր մրցանակի համար։
Վիրժինի Դեմոն-Բրետոնը ֆրանսիացի նկարչուհիների պատվիրակության կազմում էր, որը ներկայացված էր Չիկագոյի 1893 թվականի Համաշխարհային ցուցահանդեսին[8]։
1894 թվականին պարգևատրվել է Պատվո լեգեոն շքանշանով։ 1913 թվականին դարձել է Գեղարվեստի թագավորական ակադեմիայի (Անտվերպեն) անդամ։
Նկարչուհու աշխատանքներն այժմ պահվում են Արրաս, Ամստերդամի, Դուեի, Լիլլի, Լուվրի արվեստի թանգարաններում։
«Ամուսինը ծովում», Վինսենթ վան Գոգ
[խմբագրել | խմբագրել կոդը]1889 թվականին սալոնում Վիրժինի Դեմոն-Բրետոնը ցուցադրել է իր L'Homme est en mer նկարը։ Մի քանի ամիս անց Վինսենթ վան Գոգը, գտնվելով Սեն Ռեմի դը Պրովանս քաղաքում գտնվող Սեն-Պոլի հոգեբուժարանում, կրկօրինակել է նկարը փորագրությունից։
-
Վիրժինի Դեմոն-Բրետոն. «Ամուսինը ծովում» (1889), գտնվելու վայրը անհայտ է։
-
Վինսենթ Վան Գոգ. «Ամուսինը ծովում» (1889), մասնավոր հավաքածու
Պատկերասրահ
[խմբագրել | խմբագրել կոդը]-
Մայրը երեխայի հետ նարնջի ծառի մոտ
-
Ձկնորսի կինը
-
Ծովի մարդիկ (1898)
-
Թափանցիկ ջրի մեջ (1898)
-
Առաջին ցայտեր, առաջին սարսուռ (1900)
-
Լողափին
Ծանոթագրություններ
[խմբագրել | խմբագրել կոդը]- ↑ 1,0 1,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Virginie Demont-Breton (նիդերլ.)
- ↑ 3,0 3,1 Virginie Elodie Marie Thérèse Demont-breton (ֆր.) — ministère de la Culture.
- ↑ 4,0 4,1 4,2 RKDartists (նիդերլ.)
- ↑ 5,0 5,1 5,2 GeneaStar
- ↑ 6,0 6,1 6,2 Deutsche Nationalbibliothek Record #1018624244 // Gemeinsame Normdatei (գերմ.) — 2012—2016.
- ↑ Linda Loeb Clark Women and Achievement in Nineteenth-Century Europe. — Cambridge University Press, 2008. — P. 87.
- ↑ ««French Women Painters: 1893 Chicago World's Fair and Exposition»» (անգլերեն).
Արտաքին հղումներ
[խմբագրել | խմբագրել կոդը]![]() | Վիքիպահեստն ունի նյութեր, որոնք վերաբերում են «Վիրժինի Դեմոն-Բրետոն» հոդվածին։ |
|
- Հուլիսի 26 ծնունդներ
- 1859 ծնունդներ
- Հունվարի 10 մահեր
- 1935 մահեր
- Փարիզ քաղաքում մահացածներ
- Պատվո լեգեոնի շքանշանի սպաներ
- Պատվո լեգեոնի շքանշանի ասպետներ
- Անձինք այբբենական կարգով
- Նկարիչներ այբբենական կարգով
- 20-րդ դարի ֆրանսիացի նկարիչներ
- 19-րդ դարի ֆրանսիացի նկարիչներ
- Կին արվեստագետներ
- Ֆրանսիացի արվեստագետներ
- Ֆրանսիացի դիմանկարիչներ
- Նկարիչների կանայք
- Ֆրանսիացի նկարիչներ