Տիրան Մարության

Տիրան Մարության;
Ծնվել է	նոյեմբերի 24 (դեկտեմբերի 7), 1911
Ծննդավայր	Ղարաքիլիսա, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն
Մահացել է	նոյեմբերի 8, 2007 (95 տարեկան)
Ազգություն	հայ
Կրթություն	Ճարտարապետության և շինարարարության Հայաստանի ազգային համալսարան (1937)
Պարգևներ	ՀԽՍՀ վաստակավոր շինարար
	Tiran Marutyan Վիքիպահեստում

Վիքիպեդիայում կան հոդվածներ Մարության ազգանունով այլ մարդկանց մասին։

Տիրան Հարությունի Մարության (նոյեմբերի 24 (դեկտեմբերի 7), 1911^[1], Ղարաքիլիսա, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն^[1] - նոյեմբերի 8, 2007(2007-11-08))), հայ խորհրդային ճարտարապետ, ՀԽՍՀ վաստակավոր շինարար (1961)։

Կենսագրություն

Ավարտել է Երևանի պոլիտեխնիկական ինստիտուտի ճարտարապետական բաժինը (1937)։ 1939 թվականից աշխատել է «Հայհիդրոնախագիծ» ինստիտուտում (1952 թվականից՝ գլխավոր ճարտարապետ)։

Հեղինակ է Սևանի (վերերկրյա մասի), Աթարբեկյանի, Գյումուշի, Արզնու, Երևանի, Տաթևի ու Բուի (Գանա, Աֆրիկա, վերջին երկուսը՝ Ռ․ Ա․ Յագուբովի և Ս․ Բ․ Պետրոսյանի հետ), Շամբի, Սպանդարյանի, Զարամագի I, II (Հյուսիսային Օսեթիա), նաև գյուղական շուրջ 10 ՀԷԿ-երի համալիրների ճարտարապետական մասի։

Մարությանի նախագծերով ստեղծվել են 250-ից ավելի կառույցներ, այդ թվում՝ մշակույթի տներ և ակումբներ, աղբյուր-հուշարձաններ, ուսումնական մանկական և առողջական հաստատություններ, բնակելի տներ (Երևանի Ազատության պողոտայի սկզբնամասը, Մոսկովյան և Դեմիրճյան փողոցներում), մեծ թվով գյուղական և ավանային բնակավայրեր՝ Լուսավան (այժմ՝ Չարենցավան), Լուսակերտ, Արզնի (այժմ՝ Առողջաբան N1), Գագարին, Գառնի և այլն։

Գրականություն

Հայ ճարտարապետության վարպետները. Տիրան Հարությունի Մարության, Երևան, 2002։

Պատկերասրահ

Երևանի Ազատության պողոտայի սկզբնամասը
Ճարտարապետ Տիրան Մարությանի նախագծով է կառուցվել 1-12 շենքերի համալիրը, 1955 թ.-1965 թ., Ազատության պողոտա, Երևան

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 Հայկական սովետական հանրագիտարան (հայ.) — Երևան: 1981. — հատոր 7. — էջ 354.

Արտաքին հղումներ

Ճարտարապետ Տիրան Մարության Արխիվացված 2014-12-02 Wayback Machine

Վիքիպահեստն ունի նյութեր, որոնք վերաբերում են «Տիրան Մարության» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 354)։

[_c6709f0913227299-1] 1,0 ^1,1 ^1,2 ^1,3 ^1,4 ^1,5 Հայկական սովետական հանրագիտարան (հայ.) — Երևան: 1981. — հատոր 7. — էջ 354.

[1]