Led Zeppelin IV

Led Zeppelin-ի
Թողարկված	1971 թվականի նոյեմբերի 8
Ձայնագրված	1970 թվականի դեկտեմբեր - 1971 թվականի մարտ
Ժանր	հարդ ռոք ; բլյուզ ռոք; ֆոլկ ռոք
Տևողություն	42:38
Լեզու	անգլերեն
Լեյբլ	Atlantic Records
Պրոդյուսեր	Ջիմի Փեյջ
Led Zeppelin-ի ալբոմների ժամանակագրություն

(Led Zeppelin IV), Led Zeppelin բրիտանական ռոք-խմբի չորրորդ ստուդիական ալբոմը` թողարկված 1971 թվականին Atlantic Records լեյբլի կողմից։

Շապիկի վրա չկա խմբի անվանումը, իսկ ալբոմի վերնագրի դաշտում խմբի անդամների անունների փոխարեն պատկերված են 4 նշաններ, որոնք համապատասխանում են խմբի յուրաքանչյուր անդամին։ Շատերը այս ալբոմն անվանում են «Led Zeppelin IV»` շարունակելով նախորդ ալբոմների տրամաբանությունը։ Այն անվանում են նաև «The Fourth Album», «Four Symbols», «ZoSo», «Runes», «The Hermit», «Sticks», «Man With Sticks»: Ալբոմը վաճառվել է 37 միլիոն օրինակով, ինչն այն դարձնում է ոչ միայն վաճառքի առումով հաջողված ալբոմ, այլ նաև երաժշտության պատմության մեջ ամենաշատը վաճառված ալբոմներից մեկը։

2003 թվականին Rolling Stone ամսագիրը ներառեց ալբոմը բոլոր ժամանակների 500 մեծագույն ալբոմների ցանկ` 66-րդ հորիզոնականում։ 2012 թվականին թարմացված ցանկում ալբոմն իջավ 69-րդ հորիզոնական։ Ալբոմն առաջին տեղն է զբաղեցրել 100 մեծագույն բրիտանական ռոք ալբոմների մեջ` ըստ Classic Rock ամսագրի։ «Stairway to Heaven» երգը զբաղեցնում է 31-րդ հորիզոնականը բոլոր ժամանակների 500 լավագույն երգերի ցանկում` ըստ Rolling Stone ամսագրի":

Ալբոմի մի քանի երգեր (Black Dog, When the Levee Breaks, Rock and Roll (երգ), Stairway to Heaven) թողարկվել են ԽՍՀՄ-ում 1988 թվականին Աստիճաններ դեպի երկինք սկավառակի վրա «Հայտնի երաժշտության արխիվ» սերիայից։

Ձայնագրություն

Ի սկզբանե ալբոմը ձայնագրվում էր Island Records լեյբլի Basing Street ստուդիայում` Լոնդոնում։ Միաժամանակ ձայնագրվում էր Jethro Tull և Aqualung ալբոմների հետ։ 1970 թվականի դեկտեմբերին^[1]։ Այնուհետև Fleetwood Mac-ի խորհրդով, հավելյալ ձայնագրություններ անելու նպատակով խումբը տեղափոխվեց Հեդլի Գրեյնջ (անգլ.՝ Headley Grange)^[2]: Այնտեղ խումբն օգտագործում էր The Rolling Stones-ի շարժական ստուդիան։

Մեզ անհապաղ անհրաժեշտ էր այնպիսի մի վայր, որտեղ կարող էին մի բաժակ թեյ խմել, շրջել այգում, իսկ հետո գնալ ու անել այն, ինչ մենք պետք է անեինք^[3]։ Դեյվ Լյուիսի խոսքերով` Հեդլի Գրեյնջի հանգիստ մթնոլորտը օգնում էր ստեղծել ստեղծագործական մթնոլորտ. երգերի մեծամասնությունը ձայնագրվել է հենց այնտեղ^[3]

- Ջիմի Փեյջ

Ալբոմի համար հիմնական երգերի ձայնագրումից հետո խումբն ուղևորվեց Island Studios, այդ ժամանակ էլ Լոս Անջելեսի Sunset Sound ստուդիայում սկսվեց ստեղծագորությունների միքսեր անելը^[3] Dave Lewis (1994), The Complete Guide to the Music of Led Zeppelin, Omnibus Press, ISBN 0-7119-3528-9.</ref>: Սակայն երգերի ցածր որակի պատճառով որոշվեց կրկին մասթերինգ անցկացնել Լոնդոնում, ինչի հետ կապված մի քանի ամսով հետաձգվեց ալբոմի թողարկման ամսաթիվը։ Այդուհանդերձ ալբոմի վերջնական տարբերակում չներառվեցին երեք երգեր` «Down by the Seaside», «Night Flight» և «Boogie with Stu»: Չորս տարի հետո այդ երեգ ստեղծագործությունները ներառվեցին Physical Graffiti ալբոմի մեջ։

Ալբոմի անվանումը

Led Zeppelin III (1970)-ի հանդեպ քննադատների անտարբեր վերաբերմունքից հետո Փեյջը որոշեց անվանում չտալ իր ստուդիական ալբոմին` փոխարինելով այն 4 խորհրդանիշերով, որոնցից յուրաքանչյուրը ներկայացնում էր խմբի կոնկրետ մասնակցի։ Իսկ նրանք բոլորը միասին էլ հենց ձևավորում էին ալբոմի անվանումը^[2]։ Փեյջն ասել է. «Չորրորդ ալբոմի վրա մենք դիտմամբ որոշել ենք փոքրացնել ալբոմի անվանման նշանակությունը, ինչի շնորհիվ շապիկի վրա չի լինի ոչ մի տեղեկատվություն պարունակության մասին։ Անունները, անվանումները և նմանատիպ բաները նշանակություն չունեն^[4]»: Նա նաև հաղորդել է, որ խմբի համար աշխատողները, իմանալով իրենց մտադրության մասին, խորհուրդ են տվել հրաժարվել այդ մտքից` հիմնվելով այն բանի վրա, որ խմբի երկարաժամյա անգործությունից հետո նման քայլը կդառնա «պրոֆեսիոնալ ինքնասպանություն»^[5] : Հիշելով այդ ժամանակների մասին` Փեյջը ասել է. «Մեզ պետք էր բավականաչափ ինքնավստահություն և հավատ ինքներս մեր հանդեպ, որպեսզի այդպիսի քայլ անեինք»^[5]։ 2010 թվականին The Times-ի հետ հարցազրույցի ժամանակ նա հաղորդում է.

Այս ամենը հեշտ չէր։ Ձայնագրող կազմակերպությունը համոզում էր, որ ալբոմը պետք է ունենար <...> անվանումը։ Մեզ ակնարկում էին, որ այդպիսի քայլը կարող է պրոֆեսիոնալ ինքնասպանություն դառնալ։ Իրականում մենք այդպես էլ ունեինք բավականաչափ բացասական արձագանքներ մեր ալբոմների վերաբերյալ։ <...> ալբոմն առանց անվանման ինձ թվաց ամենալավ պատասխանը քննադատներին։ Չէ՞ որ մեր երաժշտությունը նշանակալի քանակով վաճառքներ և համերգի մասնակցություններ ունի^[6]։

Անանուն ալբոմի թողարկումը դժվարացրեց ալբոմն ինչ-որ կերպ անվանելը։ Չնայած նրան, որ ավելի հաճախ ալբոմն անվանում են Led Zeppelin IV` Atlantic Records-ում օգտագործվում է Four Symbols և The Fourth Album տարբերակները։ Ալբոմն անվանում են նաև ZoSo (Փեյջի նշանի համար), Անանուն և Runes^[3]: Ինքը Փեյջը իր հարցազրույցներում ալբոմն անվանում է «Չորրորդ թողարկում» և «Led Zeppelin IV»^[5]^[7]^[8]: Մեկնաբանելով անվանման հետ կախված իրավիճակը` Պլանտն ասել է. «Սա մեր չորրորդ ալբոմն է։ Ահա և վերջ»^[9]։

Չորս նշանները

1977 թվականին ունեցած հարցազրույցի ժամանակ Փեյջը նշում է.

Քննադատների հետ կապված այս ամբողջ անմտությունից հետո ինձ թված, որ նոր ալբոմի վատ չէր լինի լրիվ անանուն թողարկել։ Ի սկզբանե ես ցանկանում էր ընդհանուր մի նշան պատկերել, սակայն հետո քննարկելով, որ մենք չորսն ենք, ալբոմը նույնպես չորրորդն է, մենք որոշեցինք օգտագործել 4 նշաններ^[5]։

Փեյջը հայտարարեց, որ մտածել է իր սեփական խորհրդանիշը^[2]^[3], սակայն հանրային կերպով երբեք չի մեկնաբանել դրա նշանակությունը։ Կան կարծիքներ, որ այս նշանը համարվում է Սատուրն մոլորակի աստղագիտական նշանակումը^[10]^[11]։

Նշանը երբեմն անվանում են «ZoSo»` չնայած Փեյջը պնդել է, որ նշանը չունի անվանում կամ բառային համարժեք^[2]։ Ինչպես հայտնի է, Փեյջը հետաքրքրվել է Ալիստեր Կրոուլիի աշխատանքներով, դրա համար էլ ենթադրվում է, որ նրա նշան է հանդիսանում է մոգական խորհրդանշան։ Առաջին երեք մասերը հիշեցնում են «Zos» բառը, որը հնարավոր է, որ կապ ունի Օստին Սպեյրի «Զոս Կիա»-ի պաշտամունքի հետ։

Ջոն Փոլ Ջոնսն իր նշանը վերցրել է Ռուդոլֆ Կոխի «Book of Signs» գրքից^[2]։ Նշանն իրենից ներկայացնում է շրջան երեքնուկով և սովորաբար խորհրդանշում է ինքնավստահություն և կարողություն^[3]։
Որպես իր խորհրդանիշ` հարվածային գործիքներ նվագող Ջոն Բոնեմը ընտրել է Բորեմեոյի շրջանները` նույն գրքից^[2]։ Շրջանները խորհրդանշում են ընտանիքին` հորը, մորը և երեխային^[3]։
Ռոբերտ Պլանտը մտածել է իր սեփական նշանը` փետուր շրջանի ներսում, ինչը հղվում է Պացիֆիդա կորած մայրցամաքին^[2]^[3]։

Հինգերորդ խորհրդանիշը, որ պատկանում է Սենդի Դենիին, իրենից ներկայացնում է երեք հավասարակողմ եռանկյուններ։

Led Zeppelin-ի շրջագայությունների ժամանակ` 1971 թվականին, խմբի անդամները կրել են նշաններն իրենց գործիքների վրա։

Երգացանկ

A կողմ
#	Անվանում	Հեղինակ(ներ)	Տևողություն
1.	«Black Dog»	Ջիմի Փեյջ Պլանտ Ջոնս	4:54
2.	«Rock and Roll»	Փեյջ Պլանտ Ջոնս Բոնեմ	3:40
3.	«The Battle of Evermore»	Փեյջ Պլանտ	5:51
4.	«Stairway to Heaven»	Փեյջ Պլանտ	8:02

Բ կողմ
#	Անվանում	Հեղինակ(ներ)	Տևողություն
1.	«Misty Mountain Hop»	Փեյջ Պլանտ Ջոնս	4:38
2.	«Four Sticks»	Փեյջ Պլանտ	4:44
3.	«Going to California»	Փեյջ Պլանտ	3:31
4.	«When the Levee Breaks»	Փեյջ Պլանտ Ջոնս Бонэм Մեմֆիս Մինի	7:07

Բոնուս-սկավառակ
#	Անվանում	Հեղինակ(ներ)	Տևողություն
1.	«Black Dog» (Basic track with guitar overdubs)	Փեյջ Պլանտ Ջոնս	4:34
2.	«Rock and Roll» (Alternate mix)	Փեյջ Պլանտ Ջոնս Бонэм	3:39
3.	«The Battle of Evermore» (Mandolin/Guitar mix from Headley Grange)	Փեյջ Պլանտ	4:13
4.	«Stairway to Heaven» (Sunset Sound mix)	Փեյջ Պլանտ	8:03
5.	«Misty Mountain Hop» (Alternate mix)	Փեյջ Պլանտ Ջոնս	4:45
6.	«Four Sticks» (Alternate mix)	Փեյջ Պլանտ	4:33
7.	«Going to California» (Mandolin/Guitar mix)	Փեյջ Պլանտ	3:34
8.	«When the Levee Breaks» (Alternate UK mix)	Փեյջ Պլանտ Ջոնս Бонэм Минни	7:08
40:32

Ծանոթագրություններ

↑ «Their Time is Gonna Come». Classic Rock Magazine. December 2007.
↑ ^2,0 ^2,1 ^2,2 ^2,3 ^2,4 ^2,5 ^2,6 Michael Leonard, "Heaven Sent", Q Led Zeppelin Special Edition, 2003.
↑ ^3,0 ^3,1 ^3,2 ^3,3 ^3,4 ^3,5 ^3,6 ^3,7 Dave Lewis (1994), The Complete Guide to the Music of Led Zeppelin, Omnibus Press, ISBN 0-7119-3528-9.
↑ Adams, Cecil. «What Do the Four Symbols on Led Zeppelin's 4th Album Mean?». straightdope.com. Վերցված է 2008 թ․ օգոստոսի 11-ին.
↑ ^5,0 ^5,1 ^5,2 ^5,3 Dave Schulps, Interview with Jimmy Page Արխիվացված 2011-08-20 Wayback Machine, Trouser Press, October 1977.
↑ James Jackson, "Jimmy Page on Led Zeppelin IV, the band's peak and their reunion Արխիվացված 2011-08-09 Wayback Machine, The Times, January 8, 2010 .
↑ Interview with Jimmy Page Արխիվացված 2011-08-07 Wayback Machine, Guitar World magazine, 1993
↑ Led-Zeppelin.org. «Led Zeppelin Assorted Info». Արխիվացված է օրիգինալից 2012 թ․ մայիսի 14-ին. Վերցված է 2011 թ․ մարտի 15-ին.
↑ Austin Scaggs (2005 թ․ մայիսի 5). «Q&A: Robert Plant». Rolling Stone. Արխիվացված է օրիգինալից 07.08.2016-ին.
↑ «Zoso Jimmy Page's symbol». Արխիվացված է օրիգինալից 2012 թ․ փետրվարի 22-ին. Վերցված է 2013 թ․ մարտի 5-ին.
↑ «Jimmy Page's Led Zeppelin symbol».

Արտաքին հղումներ

[theirtime-1] «Their Time is Gonna Come». Classic Rock Magazine. December 2007.

[leonard-2] 2,0 ^2,1 ^2,2 ^2,3 ^2,4 ^2,5 ^2,6 Michael Leonard, "Heaven Sent", Q Led Zeppelin Special Edition, 2003.

[Complete-3] 3,0 ^3,1 ^3,2 ^3,3 ^3,4 ^3,5 ^3,6 ^3,7 Dave Lewis (1994), The Complete Guide to the Music of Led Zeppelin, Omnibus Press, ISBN 0-7119-3528-9.

[straightdope-4] Adams, Cecil. «What Do the Four Symbols on Led Zeppelin's 4th Album Mean?». straightdope.com. Վերցված է 2008 թ․ օգոստոսի 11-ին.

[Schulps-5] 5,0 ^5,1 ^5,2 ^5,3 Dave Schulps, Interview with Jimmy Page Արխիվացված 2011-08-20 Wayback Machine, Trouser Press, October 1977.

[jackson2-6] James Jackson, "Jimmy Page on Led Zeppelin IV, the band's peak and their reunion Արխիվացված 2011-08-09 Wayback Machine, The Times, January 8, 2010 .

[JP93-7] Interview with Jimmy Page Արխիվացված 2011-08-07 Wayback Machine, Guitar World magazine, 1993

[8] Led-Zeppelin.org. «Led Zeppelin Assorted Info». Արխիվացված է օրիգինալից 2012 թ․ մայիսի 14-ին. Վերցված է 2011 թ․ մարտի 15-ին.

[Q&A-9] Austin Scaggs (2005 թ․ մայիսի 5). «Q&A: Robert Plant». Rolling Stone. Արխիվացված է օրիգինալից 07.08.2016-ին.

[10] «Zoso Jimmy Page's symbol». Արխիվացված է օրիգինալից 2012 թ․ փետրվարի 22-ին. Վերցված է 2013 թ․ մարտի 5-ին.

[11] «Jimmy Page's Led Zeppelin symbol».

[1]

[2]

[3]

[4]

[5]

[6]

[7]

[8]

[9]

[10]

[11]