երես
Հայերեն
- ՄՀԱ՝ [jɛˈɾɛs]
Դասական ուղղագրութեամբ՝ երես
վանկեր՝ ե•րես
Ստուգաբանություն
[խմբագրել]Բնիկ հնդեվրոպական՝ *prepsā-` *prep- «աչքի ընկնել, երևալ, երես, կերպարանք» արմատից. հմմտ. հունարեն πρέπω՝ «աչքի ընկնել», հին իռլանդերեն richt «ձև, կերպարանք», այլև հայերեն երևալ։
Գոյական
- մարդու գլխի առջևի կողմը (որտեղ գտնվում են աչքերը, քիթը, բերանը, այտերը) ◆ Սարսափից դեղնել էր երեսի կաշին։ Եղիշե Չարենց ◆ Վարդանն ընկնում է և ողջ երեսը հողին զարկում վիրավորում։ Դերենիկ Դեմիրճյան
- կերպարանք, դեմք, տեսք
- դեմքի երկու կողմերից յուրաքանչյուրը, այտ ◆ Դահիճը մոտեցավ Գեդեոնին և հանկարծ իր արհեստին վարժ ձեռքով սաստիկ-թափով շառաչող մի ապտակ հասցրեց նրա երեսին։ Դերենիկ Դեմիրճյան ◆ Բայց ապտակ կերած օրվանից դեսը խմորոտ է քիթն ու երեսը։ Հովհաննես Թումանյան
- ձեռքի, թաթի և այլն վերի, ափին հակառակ կոմը
- (փխբ․) արտաքին երևույթ ◆ Երեսով բարի է, իսկ հոգով՝ օձ։
- զգեստի` վերմակի, ծածկոցի և այլնի արտաքին կողմը ◆ Երիտասարդը վեր թռավ և սարափով տեսավ… որ յուր անկողնի երեսը թրջված էր բոլորովին։ (Մուրացան)
- էջ, թերթի ամեն մի կողմը, թղթի երկու կողմերից յուրաքանչյուրը (գրքի, տետրակի և այլն) ◆ Միքայելյանի հոդվածը երեք երես է… ասաց սառնությամբ Սահակյանը։ Վրթանես Փափազյան
- մեկ էջի տպագրված կամ ձեռագիր շարադրանք
- թերթ ◆ Եթե կուզեք տետրակին միջեն այդ երեսը պատռեմ վերցնեմ։ Երվանդ Օտյան
- (հրտ․) տեքստավոր շարվածքի և իլյուստրացիաների օտիսկ հրատարակության մեկ էջի համար
- գործածվում է կապական բառի նշանակությամբ, իր հետ դրված հատկացուցիչի նշանակությամբ ◆ Կյանքումդ մարդու, քաղաքի, գրքի երես չե՞ս տեսել։ ◆ Ու մի ամիս էլ կարող ես գրքի երեսը բաց չանել, չէ՞, - ասաց Հրայրը։ (Բոգդան Վերդյան) ◆ Վաղուց մարդու երես չեմ տեսնել։
- (ժղ․) մեկ անգամ հնձված, հավաքված բերք ◆ Մորեղբայրս գնել էր… բոլոր կալվածների երեսը երեք տարով։ Գուրգեն Մահարի
- որոշ առարկաների դեպի դուրս ուղղված մակերեսը ◆ Կրծքանշանի երեսի կողմը պատված է արծնապակով: (Մամուլ)
- կտորի, գործվածքի և այլն նուրբ և ընտիր կողմը, որ կարելիս արտաքին կողմ է դարձվում
- մակերևույթ, մակերես ◆ Կրծքանշանի երեսի կողմը պատված է: ◆ Տոպրակը կիսով չափ լիքն էր հացի կծմծած կտորտանքներով և երեսին պանրի դեղնած, չորացած փշրանք էր թափված: (Նար-Դոս) ◆ (Հայր Օհան) աղոթքը կիսատ դուրս եկավ վանքից իջավ Սևանա երեսը կապույտ / Ու քրթմնջալով, միամիտ անփույթ, էն վետվետ ծփուն ջրերի վրա / Ցամաք մտնելով գնում էր ահա: Հովհաննես Թումանյան ◆ Տղան զարմացավ... երբ շաքարից պղպջանկներ բարձրացան թեյի երեսը: (Ակսել Բակունց)
- որոշ իրերի վրա մաքուր պահելու համար քաշվող կամ հագցվող շոր, տոպրակ և այլն, երեսքաշ, շապիկ ◆ Բարձի, վերմակի, ներքնարկի երես: ◆ Չորս հատ հնաձև աթոռների սպիտակ երեսները փայլում էին ձյունի մաքրությանբ: (Նար-Դոս)
- երեսացու, երեսի համար կտոր ◆ Սրանից լավ վերմակի երես կլինի: (Ակսել Բակունց)
- կաթի մակերեսին շերտ կազմած ճարպային նյութ, սեր, սերուցք
- (փխբ․) իրավունք, վստահություն, համարձակություն, հանդգնություն, երեսպնդություն ◆ Ի՞նչ երեսով ես գալիս ինձ մոտ։ {{Ինչ երեսով երևանի ես իմ աղջկան:|Մ}}
- (մկբ․) (նաև բացառական հոլովով) մակերեսորեն, ծանծաղ, երեսանց ◆ Երես հերկել: ◆ Հը՞, բուրդը հո երեսից չեն խուզում: (Ակսել Բակունց)
- կողմ, ափ, եզր ◆ Այս օթևանը––բոլորովին հակառակ երեսին էր: Դերենիկ Դեմիրճյան ◆ Կառքը գլորվում է սարի մյուս երեսը: (Ակսել Բակունց)
- ջրալի ճաշի վերին, յուղալի շերտը
- ոտնամանի վերին, թաթի վերևի մասը
- (արևմտհ․) բնագավառ, ճյուղ
- երաժշտական գործիքների գուշին կամ շրջանակին քաշվող բարակ կաշի կամ թաղանթ ◆ Դափի, թառի երես:
- (ած․) ծանծաղ, ոչ խոր
- (մկբ․) հիմքից մի փոքր բարձր, ոչ տակից, ոչ արմատահան ◆ Երես հնձել` խուզել:
- (ժղ․) անգամ ◆ Մի երես լվացի՜ր, բավական է։
- բացառական հոլովը գործածվում է որպես մակբայ և կապ, որ տե՛ս իր տեղում (երեսից)
Հոմանիշներ
[խմբագրել]- դեմք, դիմակ, կերպարանք, աչքունք, երես(ա)հարք (ժղ․), երես(ա)հատ, քիթ ու մռութ, քիթ ու պռունկ (մարդու գլխի առջևի կողմը) (գվռ.)
- տե՛ս այտ
- տե՛ս մակերես, մակերևույթ
- տե՛ս երեսացու
- տե՛ս երեսակողմ
- տե՛ս էջ
- տե՛ս սերուցք
- տե՛ս երեսքաշ
- տե՛ս հանդգնություն, համարձակություն
- տե՛ս ամոթ
- տե՛ս ծանծաղ
- տե՛ս անգամ
- տե՛ս երեսահարք
- տե՛ս բնագավառ, ճյուղ
- տե՛ս հնչերես
Արտահայտություններ
[խմբագրել]- երես անել
- հույս դնել, մի բանի համար, մի նպատակով դիմել մեկին ◆ Բայց ի՞նչ անեմ, ուր գնամ էլ, երեսս էլի ձեզ եմ արել: Հովհաննես Թումանյան
- բարձնրանալ մակերևույթի վրա, վերև դուրս գալ ◆ Գերանը ջրի երեսն արեց:
- երես առ երես - դեմ առ դեմ, դեմ հանդիման ◆ Երկու փողոցների հենց անկյանը հանկարծ երես առ երես հանդիպեց Եվային: (Նար-Դոս)
- երես առնել- պատշաճությունը մոռանալ, չափը կորցնել, շփանալ ◆ Այնտեղն հասցրին, որ երեխեքն երես առան: (Պերճ Պռոշյան) ◆ Մի քանիսն այնքան էին երես առել, որ իրենց վարքն ու բնավորությունը նմանեցնում էին տերերին: (Ակսել Բակունց)
- երես բռնել - սերուցքը կաթի երեսը բռնել, մակերեսին ճարպային, սառցային շերտ և այլն շերտ կազմել
- երես գցել
- թախանձել, շատ խդրել
- երեսը պնդել, պնդացնել
- երես դարձնել
- հրաժարվել, մոռացության մատնել, լքել ◆ Ես օրինակ եմ գալոց սերունդին / Իբրև չարագործ, որից գթառատ / Երկինքն էլ արդեն դարծրել է երես: Հովհաննես Հովհաննիսյան ◆ Իշխանական ընտանիքները երես են դարձրել մեզանից: (Մուրացան)
- բարեկամությունը, մտերմությունը խզել, հեռանալ
- երես դնել
- պնդերես լինել, պնդերեսություն անել (մի բան խնդրելիս` պնդել` համառել)
- վստահել, հուսալ
- երես երեսի բերել - դեմ առ դեմ հանել, բերել
- երես թափել - նույնն է՝ երես դնել
- երես թեքել - նույնն է՝ երես դարձնել ◆ Այնտեղ կարող էին երես թեքել նրանից: Ստեփան Զորյան
- երես թռնել - (փոքրը մեծի նկատմամբ) խոսքին կոսքով պատասխանել` չենթարկվել, մեսի հարգանքը` պատիվը չպահել
- երես թռչել - նույնն է՝ երես թռնել
- երես լինել
- երաշխավոր լինել
- թեթևանալ, իրեն ծանր չպահել
- երես ծռել - աղերսելով խնդրել, երես գցել, թախանձել
- երես կտրող շատ ցուրտ, սառը ◆ Ցուրտ է, ձմեռային մի երես կտրող քամի է բարձրացել: Վրթանես Փափազյան
- երես հանել - հայտնի դարձնել, հայտնաբերել, մեջտեղ հանել
- երես մրել - սաստիկ ամոթահար լինելով մի բան խնդրել
- երես շուռ տալ - նույնն է՝ երես դարձնել
- երես պնդել - նույնն է՝ երես դնել
- երես սևացնել - նույնն է՝ երես մրել
- երես տալ - մեկին շատ սիրելով` փայփայելով պատշանության սահմաններից դուրս բերել, համարձակ դարձնել, շփացնել, շատ համարձակություն տալ, չափազանց վստահություն ներշնչել ◆ Ավոն աղջկան աչքի լուսի պես սիրել է, մոր մահից հետո էդ մի աղջիկն է մնացել, երես է տվել: (Պերճ Պռոշյան)
- երես տվինք` աստառ ուզեց - տե՜ս երես առնել
- երես ունենալ - (գործածվում է ժխտական կամ հարցական ձևով) մեկին վատություն արած լինելու պատճառով վստահություն չունենալ ◆ Տակավին երես ունի՞ս դիմացս ելնելու: Հակոբ Պարոնյան
- երեսն առնել - դեմքին մոտեցնելով նշան բռնել ◆ Երեսն առավ, նշան դրեց մին էլ տրաք ու կրակեց: Հովհաննես Թումանյան
- երեսը բաց
- դեմքը չծածկած, բաց
- շատ համարձակ, վստահ
- երեսը բացվել
- թարմանալ ◆ Լվացվիր, թող երեսդ բացվի:
- համարձակ դառնալ
- երեսը բոշի երես շինել` դարձնել նույնն է՝ երեսը շան կաշի շինել
- երեսը բռնել - համարձակություն, վստահություն ունենալ
- երեսը բրդի ջրով լվացած - անպատկառ, աներես
- երեսը գոմշի կաշի անել` շինել` դարձնել նույնն է՝ երեսը շան կաշի շինել
- երեսը դեմ անել - համառությամբ` առանց ամաչելու պահանջել, ապնդերեսությամբ ուզել, խնդրել
- երեսը դեմ տալ - նույնն է՝ երեսը դեմ անել
- երես(ը) երես(ն) առնել - պատահել, հանդիպել (ասվում է սովորաբար վատություն անողին հասկացնելով, թե կհանդիպենք, և դու կամաչես)
- երեսը զրույց գալ - (որևէ պատճառով) մեկից վիրավորանք ստանալ, անարգանք ստանալ
- երեսը ընկնել - տե՛ս երեսից ընկնել
- երեսը թան` թանջուր դառնալ - տե՛ս գունատվել, վախենալ
- երեսը թափվել - տե՛ս մեռնել
- երեսը թթվացնել` թթվեցնել
- դեմքին դժգոհության արտահայտություն տալ
- խոժոռ, մռայլ տեսք ընդունել
- երեսը թուք բերել, երեսը թուք ու մուր բերել - որևէ պատճառով անպատվության ենթարկել` ենթարկվել, անպատվություն բերել, պատճառել
- երեսն ի վեր - տե՜ս երեսնիվեր ◆ Վահանը քնեց հենց այնպես, ինչպես որ պառկած էր, երեսն ի վեր, և քնելուն պես սկսեց խռմփացնել: (Նար-Դոս)
- երեսը խոսք գալ - նույնն է՝ երեսը զրույց գալ
- երեսը ծեփել, ծեփով ներկել - երեսին շպար քսել
- երեսը կախ - տխուր, դառնացած դեմքով
- երեսը կախել
- տխուր տեսք ստանալ, դեմքին տխուր արտահայտություն տալ
- տե՛ս երեսը թթվացնել
- երեսը կակուղ - նույնն է՝ երեսը փափուկ
- երեսը կալնել
- նույնն է՝ երեսն առնել ◆ Ծառի տակ մտա հրացանը երեսս կալա: Հովհաննես Թումանյան
- երեսը շորով ծածկել ◆ Տան հարսներից մեկը երեսը կալած, եկավ անկողինները պատրաստեց: (Րաֆֆի)
- երեսը կտրել - նույնն է՝ երեսը բռնել
- երեսը հատիկի ջրով ջրով լվացած - տե՛ս անամոթ
- երեսը շան կաշի - անամոթ, պնդերես
- երեսը շան կաշի շինել - շատ աներես լինել, անպատկառ լինել ◆ Շատ անգամ ուղղակի դուրս եմ անում, բայց նա, երեսը շան կաշի շինած, էլի շարունակում է թրև գալ հերևիցս: (Նար-Դոս)
- երեսը շրջել - դեմքի ուրիշ կողմը թեքել` դարձնել ◆ Մարիամը երեսը շրջեց նրանից և ոչինչ չպատասխանեց: (Բոգդան Վերդյան)
- երեսը շուռ տալ - նույնն է՝ երեսը շրջել
- երեսը չնայել - արհամարհել, ուշադրություն չդարձնել
- երեսը պահել - ակնկալել, հույսը մեկի, մի բանի վրա դնել ◆ Մեր ապրուստն ինչ է.––մի կտոր չոր հաց, էն էլ հրեն հա՜ երկնքից կախված, / Մի, մարդ որ նրա երեսը պահի նրա ապրուստը ինչ պետք է լինի: Հովհաննես Թումանյան
- երեսը պատռած - անամոթ, լիրբ
- երեսը պատռել - համեստության շրջանակներից դուրս գալ, չպատկառել
- երեսը պարզ անել ` երեսը պարզեցնել - պարզերես դարձնել, ամոթով չթողնել ◆ Բայց որսոդության մեջ մի փոքր երեսս պարզեցրի: (Րաֆֆի)
- երեսը (երեսդ) պարզ լինի - (հեգն․) կեցցէ, ապրես, արածդ հավանեցի՞ր
- երեսը պարզել` պարզվել
- հեղուկ նյութի երեսի շերտը մաքրվել` նստվածքը ցած իջնել
- տրամադրությունը բացվել, զվարթանալ ◆ Լեռնային զով հովը ալիք էր տալիս...––գգվում նրա դեմքին, խաղում գլխարկի տակից դուրս թափված սև մազերի հետ, բայց նրա երեսը չեր պարզում: Ստեփան Զորյան
- երեսը պինդ - պնդերես, անամոթ, չքաշվող
- երեսը պնդացնել - առանց ամաչելու պահանջել` մտնել և այլն, համառությամբ ուզել, պնդերես դառնալ
- երեսը պոկել - իրենից մեծի հետ կռվել` անզգամաբար վարվել
- երեսը սև տե՜ս սևերես
- երեսը չնայել - արհամարել, չսիրել
- երեսը սրտի համար դիմակ դարձնել - տե՛ս կեղծել
- երեսը սևացնել
- նույնն է՝ երեսը պնդացնել
- ամոթահար անել, սևերես դարձնել ◆ Երեսս դուք այսօր պետք է սևացնեք: (Պերճ Պռոշյան)
- երեսը սպիտակ լինել - պարզերես լինել (գործ է ածվում հաճախ հեգնաբար), տե՜ս երեսը (երեսդ) պարզ լինի ◆ Երեսդ թող սպիտակ լինի, շատ ապրես, իմ աշխատասեր Մխիթար: (Րաֆֆի)
- երեսը սպիտակացնել` [[սպիտակ անել] - պարզերես դարձնել ◆ Աստծո աչքը թող քո վրա լինի, որդի, դու իմ երեսը սպիտակացրիր: (Րաֆֆի)
- երեսը վեր բերել - նույնն է՝ երեսը պոկել
- երես(ը) տանել - մի բան շատ խդրելով` զզվեցնել ◆ Կես ժամից աղայի երեսը կտանի, թուղթդ էլ իր ձեռովը կառնի, կճղի: (Պերճ Պռոշյան)
- երեսն ուտել - տե՛ս գժտվել
- երեսը փափուկ
- քաշվող բնավորություն ունեցող, ամոթխած, անհամարձակ
- զիջող, մերժել չկարողացող, փափկերես, թուլակամ ◆ Երեսը փափուկ մարդ է:
- երեսը քորել - հանդիմանել ◆ Իմ թուլությունի համար... երեսս քորել են: (Պերճ Պռոշյան)
- երեսի աբուռ - տե՛ս ամոթ, պատկառանք
- երեսի աբուռը գնալ` վեր գալ - տե՛ս անամոթանալ, լրբանալ
- երեսի ամոթը գնալ - նույնն է՝ երեսի աբուռը գնալ` վեր գալ
- երեսի գույնը գնալ` թռչել
- գունատվել, գունաթափ լինել
- վախենալ
- երեսի զոռով - տե՛ս աներեսաբար, աներեսորեն
- երեսի կաշին հաստ - ինքնասիրությունից զուրկ, պնդերես
- երեսի մեռոնը գնալ - անամոթանալ, անպատկառ դառնալ` լինել ◆ Դե ասա՜, մի խոսքով, նրա երեսի մեռոնը գնացե՜լ է.––պատասխանեց տիկին Սկուհին: (Րաֆֆի)
- երեսի ջուր - պատվի զգացում, ամոթ, պատկառանք ◆ Ինչպե՞ս, աղջիկն յուր երեսի ջուրը ճակատի մեռոնն այնպես կորցնի, որ վստահանա պսակ չգնացած` յուր սկեսրայրենց շեմքը տրորել: (Պերճ Պռոշյան)
- երեսի վրա գալ - բերանքսիվայր ընկնել
- երեսի վրա թողնել - լքվել, անուշադրության մատնել, անխնամ թողնել ◆ Ու՞ր գացեր է թշվառականը բոլոր գործերս երեսի վրա թողուցի: Հակոբ Պարոնյան
- երեսի վրա ձգել նույնն է՝ երեսի վրա թողնել ◆ Գյուղացին ձգված է երեսի վրա, նա թողված է, որ ինքն իր ուժերին ապավինե: (Նար-Դոս)
- երեսի վրա մատնել նույնն է՝ երեսի վրա թողնել
- երեսի փարդան պատռել - տե՜ս երեսը պատռել
- երեսին ասել - դեմ առ դեմ, ճակատ առ ճակատ ասել, չքաշվել, համարձակորեն մեկին ուղղակի ասել նրան վերաբերող քննադատական, նախատական խոսքեր ◆ Պապին թվում էր դարձյալ, թե ծերունի վանականին, անշուշտ, հոգևորականներն են թելադրել այդ խոսքերը իր երեսին ասելու: Ստեփան Զորյան ◆ Մկրտումը հիշեց այն, որ գյուղում իրեն ու իրենց տունը չեն սիրում, թեկուզ երեսին չեն ասում: (Ակսել Բակունց)
- երեսին գալ
- երեսին խփել, հարվածել
- երեսին` ներկայությամբ ի վնաս դիմացինի խոսք ասել
- երեսին թքես կասի անձրև է գալիս - (առած) պատվի զգացումից զուրկ, անամոթ ◆ Դեռ ծիծաղում էլ է,––հարձակվեցին նրա վրա գորշ հագնված, հիվանդոտ տեսքով տեղացի մի քանի կանայք, երեսին թքում ես, իմանուն է թե վերևից անձրև է գալիս: (Անահիտ Սահինյան)
- երեսին ժպտալ
- մեկին տեսնելիս` ժպտալ ◆ Գործի համար հարկավոր մարդ է, տեսնելիս տասը քաղցր խոսք ես ասում, երեսին ժպտում, դեռ գլխարկդ էլ հանում, խոնարհվում, ճանապարհ տալիս: (Գարեգին Սևունց)
- առերես ժպտալ
- երեսին ինկած - տե՛ս լքյալ
- երեսին խաչ հանել` քաշել - տե՛ս խաչակնքել
- երեսին հասնել - հեռվից ժամանել` մահամերձին, դեռևս կենդանի տեսնել, մահամերձի վերջին շնչում հասնել (հարազատի մասին)
- երեսին ձվաձեղ եփես` անես չի ուտվի - (ասացված) ասվում է խիստ տգեղի մասին
- երեսին ճաշ կուտվի - տե՛ս գեղեցիկ
- երեսին մեռոն չլինել - նույնն է՝ երեսի մեռոնը գնալ
- երեսին մի բուռ հող գցել - տե՛ս թաղել
- երեսին մտիկ անել (մեկի), երեսին մտի տալ, երեսին նայել
- ակնկալել
- ապավինել
- երեսին որ ատրճանակ բռնեմ՝ երեսը չի թեքվի - տե՛ս անվախ
- երեսին որ թուր բռնեմ՝ երեսը չի թեքի - նույնն է՝ երեսին որ ատրճանակ բռնեմ՝ երեսը չի թեքվի
- երեսին որ հրացան բռնեմ՝ երեսը չի թեքի - նույնն է՝ երեսին որ ատրճանակ բռնեմ՝ երեսը չի թեքվի
- երեսին փարդա շինել - տե՛ս միջնորդել
- երեսից ընկնել
- անուշադրության մատնվել, աչքաթող արվել
- արհամարհելի դառնալ, ատելի դառնալ, աչքից ընկնել
- երեսից թույն է թափվում` կաթում - տե՛ս չար, նախանձ
- երեսից ժանգ իջնել` թափվել` կաթել - մռայլ, խոժոռ լինել ◆ Մեր հարուսնտենի երեսից ժանգ է իջնում: (Պերճ Պռոշյան)
- երեսից լույս ծորել` կաթել
- շատ սպիտակ լինել, դեմքի գույնը, մաշկը բաց լինել
- շատ գեղեցիկ լինել
- երեսից կախ ընկնել` լինել - զզվեցնել, խնդրել, նախանձել
- երեսից կախվել` կպչել - նույնն է՝ երեսից կախ ընկնել` լինել
- երեսից հայելի, տակից ածելի - առերես հեզ, խոնարհ` բարի, փաստորեն` խարդախ, չար, նենգ
- երեսից ձգել
- անուշադրության մատնել, աչքաթող անել
- արհամարհել, աչքից գցել
- երեսից որ ճանճ ընկնի՝ հազար կտոր կդառնա - տե՛ս դաժան, խստաշունչ
- երեսից քահանա, տակից սատանա - նույնն է՝ երեսից հայելի, տակից ածելի ◆ Երեսից քահանա, տակից սատանա, իսկը Մուշեղի ու Վարդանի մասին է ասված: (Քրիստափոր Թափալցյան)
- երեսից քացախ թափել- նույնն է՝ երեսից ժանգ իջնել` թափվել` կաթել
- երեսից քացախ թափվել - խոժոռվել
- երեսով(ը) տալ
- երեսին խփել, երեսին շպրտել, հարվածել
- հանդիմանելու համար շարունակ հիշեցնել, շարունակ առաջ բերել (մեկին արած լավությունը կամ կատարած հանցանքը) ◆ Ուրեմն իմ շորերի վրա մխսվածը երեսովս ես տալի՞ս: Լևոն Միրիջանյան ◆ Ուղղակի կամ անուղղակի երեսովս էր տալիս իմ անպետքությունը: (Նար-Դոս)
- իրար երես կրծել - իրար նախատել
- իրար երեսի նայել
- իրար նայել ◆ Թորոսը, Օսանը և մյուսները մի տեսակ հարցական հայացքով, կարծես խոսքը մեկ արած, լուռ նայեցին իրար երեսի: (Նար-Դոս)
- փոխադարձաբար իրար օգնել
- մեկի երեսին մտիկ տալ - ապրուստը մեկից սպասել, մեկի աշխատանքով ապրել
Թարգմանություններ | |
|
Աղբյուրներ
[խմբագրել]- Էդուարդ Բագրատի Աղայան, Արդի հայերենի բացատրական բառարան, Երևան, «Հայաստան», 1976։
- Հրաչյա Աճառյանի անվան Լեզվի Ինստիտուտ, Ժամանակակից հայոց լեզվի բացատրական բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1969։
- Աշոտ Մուրադի Սուքիասյան, Հայոց լեզվի հոմանիշների բառարան, Երևան, «Հայկական ՍՍՀ Գիտությունների Ակադեմիայի Հրատարակչություն», 1967։
- Աշոտ Մուրադի Սուքիասյան, Հայոց լեզվի հոմանիշների բացատրական բառարան, Երևան, «Երևանի Պետական Համալսարան», 2009։
- Սերգեյ Աշոտի Գալստյան, Դպրոցական բառակազմական բառարան (Դպրոցական մատենաշար) (խմբ. Հովհաննես Զաքարյան), Երևան, ««Զանգակ-97» հրատարակչություն», 2011 — 230 էջ, ISBN 978-99941-1-933-2։
- Գ. Պարիս, Պոլիգրաֆիական և հրատարակչական տերմինների ռուս-հայերեն համառոտ բառարան, Երևան, «Հայպետհրատ», 1953 — 136 էջ։
- Կ․Ե․ Մելիք-Վրթանեսյան, Մ․ Ա․ Տոնյան, Երաժշտական բացատրական բառարան, Երևան, «Խորհրդային գրող», 1989 — 270 էջ։
Կատեգորիաներ:
- Ձայնային ֆայլերով հայերեն բառահոդվածներ
- Հայերեն բառեր
- Հայերեն գոյականներ
- Քաղվածք/Եղիշե Չարենց
- Քաղվածք/Դերենիկ Դեմիրճյան
- Քաղվածք/Հովհաննես Թումանյան
- Հայերեն բառեր փոխաբերական իմաստով
- Քաղվածք/Մուրացան
- Քաղվածք/Վրթանես Փափազյան
- Քաղվածք/Երվանդ Օտյան
- Հայերեն բառեր հրատարակչական իմաստով
- Քաղվածք/Բոգդան Վերդյան
- Հայերեն բառեր ժողովրդական իմաստով
- Քաղվածք/Գուրգեն Մահարի
- Քաղվածք/Մամուլ
- Քաղվածք/Նար-Դոս
- Քաղվածք/Ակսել Բակունց
- Քաղվածք/Պերճ Պռոշյան
- Քաղվածք/Հովհաննես Հովհաննիսյան
- Քաղվածք/Ստեփան Զորյան
- Քաղվածք/Հակոբ Պարոնյան
- Քաղվածք/Րաֆֆի
- Հայերեն բառեր հեգնական իմաստով
- Քաղվածք/Անահիտ Սահինյան
- Քաղվածք/Գարեգին Սևունց
- Քաղվածք/Քրիստափոր Թափալցյան
- Քաղվածք/Լևոն Միրիջանյան
- Բառեր «Արդի հայերենի բացատրական բառարան» գրքից
- Բառեր «Պոլիգրաֆիական և հրատարակչական տերմինների ռուս-հայերեն համառոտ բառարան» գրքից
- Բառեր «Երաժշտական բացատրական բառարան» գրքից