Եղէգնաձոր

Մարզի կեդրոն
Եղէգնաձոր
Երկիր	Հայաստան
Մարզ	Վայոց ձորի մարզՎայոց ձորի մարզ
Քաղաքապետ	Դաւիթ Յարութիւնեան
Հիմնադրուած է՝	5-րդ դար
Առաջին յիշատակում	V դար
Այլ անուանումներ	Միկոյեան, Քեշիշքենդ, Սխտորալեզ, Փոնձաթաղ, Եղէգիք, Եղէգեաց
Տարածութիւն	27 քմ²
ԲԾՄ	1240 մ
Պաշտօնական լեզու	հայերէն
Բնակչութիւն	7 800 մարդ (2015)
Ազգային կազմ	հայեր
Կրօնական կազմ	Հայ Առաքելական եկեղեցի
Տեղաբնականուն	եղէգնաձորցի
Ժամային գօտի	UTC+4։00
Պաշտօնական կայքէջ	yeghegnadzor.am

Եղեգնաձոր, քաղաք՝ Հայաստանի Վայոց Ձորի մարզի մէջ գտնուող մարզկեդրոն, Արփա գետի աջ ափին, Երեւանէն մօտ 120 քմ հարաւ-արեւելք։ Կը գրաւէ Վայքի արեւմտեան մասը։

Մինչեւ 1935 թ. բնակավայրը Քեշիշքենդ կը կոչուէր, ապա Միկոյեան, վերանուանուեցաւ Խորհրդային Միութեան ականաւոր քաղաքական գործիչ Անաստաս Միկոյեանի պատուին։

Տնտեսութիւն

Քաղաքի տնտեսութեան զարգացումը նկատելի եղած է 1931-էն ետք, երբ քաղաքը վարչական կեդրոն դարձաւ։ Մինչեւ ԽՍՀՄ-ի փլուզումը այս քաղաքը զարգացած տնտեսութիւն ունեցող բնակավայր կը հանդիսանար։ Այստեղ կը գործէին Երեւանի «Էլեկտրասարք» ճարտարարուեստական միաւորման եւ «Հայգորգ» առեւտրական հաստատութեան մասնաճիւղը։ Այստեղ բալբաս ցեղատեսակի ոչխարներ կը բուծանէին, որուն բուրդը լաւագոյն հումք կը հանդիսանար գորգագործութեան համար։ Լայն ճանաչում ունեցած է ոչխարի կաթով արտադրուող «Բրինզա» պանիրը։

Ներկայիս քաղաքին մէջ կը զարգանայ վերամշակուող արդիւնաբերութիւնը, կը գործեն կահոյքի, քարերու եւ շինանիւթերու, գինիի տակառներու արտադրամասեր, հիւսուած գորգի եւ կարի արտադրութիւն։ Այստեղ կը գործէ սարքերու գործարան, ուր կ'արտադրուին չափիչներ։ Արագ կը զարգանայ ճարտարարուեստը, ուր գինի, կաթնամթերք եւ պահածոներ կ'արտադրուին։ Քաղաքին մէջ կը գործէ ալրաղաց։

Համայնքին մէջ մշակուող հողահանդակները 598 հա կը կազմեն, որմէ 427 հա վարելահողերն են, ուր հացահատիկ, բանջարեղէնի պարտէզներ եւ այլ ուտելիք բոյսեր կը մշակուին։ Լայն տարածում ունին խաղողի եւ պտղատու այգիները՝ 105 հա, որոնց բերքի հիմնական մասը տեղի պահածոներու եւ գինիի գործարաններուն մէջ կը վերամշակուի։ Կը զբաղին նաեւ անասնապահութեամբ։ Վերջին տարիներուն ստեղծուած են այծաբուծական ագարակներ, այծերու գլխաքանակը կը շատնայ, քանի որ այստեղ արտադրաուող այծի պանիրը աւելի շատ կը պահանջուի, ինչպէս նաեւ մարզի սահմաններէն դուրս կ'արտահանուի։

Օգտակար Հանքանիւթեր

Համայնքի տարածքին գտնուող հանքային հանածոներէն կան շինարարական քարը (ֆելզիթ, Կրանիթ) եւ ապակիի հումքը։

Պատմամշակութային Կառոյցներ

Եղէգնաձորի մօտ կը գտնուին Արփայի հին կամուրջներէն մէկը՝ Ագարակաձորիկ կամուրջը (8-րդ դար), 12-էն 16-րդ դարերու խաչքարեր, 4-րդ դարու ամրոց, 17-րդ դարու եկեղեցի (վերակառուցուած 19-րդ դար)։

Պատկերասրահ

• 
  Եղէգնաձորի Սուրբ Սարգիս եկեղեցի
• 
  Եսայի Նշեցիի յուշարձան
• 
  Երկրորդ աշխարհամարտի ընթացքին զոհուածներուն նուիրուած յուշարձան, Եղէգնաձոր

• 
  Արցախեան ազատամարտի ընթացքին զոհուածներուն նուիրուած յուշարձան, Եղէգնաձոր
• 
  Անաստաս Միկոյեանի յուշարձան (Եղէգնաձոր)

Արտաքին յղումներ

• yeghegnadzor.luys.am Archived 2018-01-30 at the Wayback Machine.