Kosovo
Patrono:Infobox Country Kosovo [kó-so-vo] es un pais de Europa del sud-est cuje soveranitate es disputate. Le plus grande parte del territorio es controlate de facto per le Republica de Kosovo que declarava su independentia unilateralmente ex Serbia le 17 de februario 2008. Serbia ha nunca recognite iste independentia, considera Kosovo como un provincia autonome del stato serbe, e controla un parve section del provincia per le «Assemblea del Communitate de Municipalitates del Provincia Autonome de Kosovo e Metohija».
Le 22 de julio 2010, le Tribunal International de Justitia ha decise que le declaration unilateral de independentia per le Republica de Kosovo non violava le lege international. Un anno postea, 77 statos membros del Organisation del Nationes Unite e le Republica de China habeva recognite le independentia del Republica de Kosovo. 116 statos membros del ONU non lo habeva facte; un bon numero de istos ha expresse lor recognition continue del soveranitate serbian in Kosovo. Le Republica de Kosovo non es un membro del ONU.
Kosovo es un pais montaniose sin accesso al mar. Illo ha frontieras con le Republica de Macedonia, Albania e Montenegro. Iste tres statos recognosce le independentia del republica. Su capital es Pristina (Prishtina/Priština). Altere citates importante include Prizren, Uroševac/Ferizaj e Peć/Pejë.
Le population es primarimente composite de albanianos ethnic (88%), con minoritates significative de serbos (7%), goranis, romanis, turcos e alteres.
![](https://upload.wikimedia.org/wikipedia/commons/thumb/5/57/Gracanica1.jpg/220px-Gracanica1.jpg)
Il ha quatro edificios del Patrimonio Mundial de UNESCO situate in Kosovo. Omnes face parte del sito de «Monumentos Medieval in Kosovo». Le quatro son edificios ecclesiastic de tradition byzantin-romanesc, un ecclesia e tres monasterios.
Kosovo usa le euro como su numerario, ben que illo non appertine officialmente al zona euro.
|