Computator
Computator |
---|
instantia de: Invention |
subclasse de: Machina, computing platform[*], IT system[*], computer file location[*], information processor[*], data terminal equipment[*], electronic musical instrument[*] |
![]() ![]() ![]() |
|
sito web official: http://www.bcs.org/ |
Commons: Computers |
Un computator (o computer[1] /komˈpjuter/, termino original ex anglese) es un machina que processa datos secundo un procedura formal, le algorithmo. Le majoritate del computatores son apparatos digital, sed existe de facto etiam computatores analogic.
Originalmente le parola anglese computer describeva personas qui faceva calculationes complexe, con o sin adjuta mechanic. Plus tarde le termino esseva usate pro denominar apparatos.
Computatores moderne son usate pro multo plus que solmente pro applicationes mathematic. Multe cargas administrative e financiari son delegate al computator, assi como le provision de information (internet) e de jocos. Computatores mesmo fabrica cosas material, per exemplo in le caso de robots a un banda transportator.
Un scientia qui se disveloppava insimul al computator es le informatica.
Un computator debe, pro poter functionar, esser providite de un programmas, le parte logic, o software. Le electronica del qual le computator consiste, le material physic, se appella hardware.
A causa del extense miniaturisation e augmentation de rapiditate, il ha un crescente possibilitate de implementar functionalitate in le software que previemente existeva in le hardware. Le avantage de un tal disveloppamento es que le functionalitate pote esser addite posteriormente. Tal programmas se appella sovente firmware.
Desde 1981 e sempre plus, le computator personal, le tablettas e le telephonos intelligente ha devenite gradualmente un parte essential del vita quotidian.
Como es applicate le computator
[modificar | modificar fonte]Computatores in le officio moderne es sovente interconnectite in un rete computatorial, in le qual usatores diverse utilisa con su proprie software e datos immagazinate in un servitor. Pro obtener informationes de Internet on usa sovente un modem o, in caso de un grande rete computatorial, un router, e optionalmente un servitor proxy pro filtrar datos de Internet.
Un application de computatores ancora multo in disveloppamento es le intelligentia artificial qui es applicate i.a. in le videojocos e in le robotica.
In casa computatores es sovente usate pro jocar jocos, consultar information via Internet, communicar via e-mail, conversar in linea (chat) o discuter cosas in foros. Le generation actual de computatores anque es ben usabile pro rediger files digital photographic e videographic. Etiam illos es sovente usate in obras artistic, como designo e arte (ambe in 2 o 3 dimensiones), musica, e scriptura, como narrativas fictional o prosa. Multe personas usa etiam le computator pro correspondentia o pro lor administration.
Referentias
[modificar fonte]- ↑ Derivation: Entitates: 1. (it) Computer || 2. (es) Computadora || (pt) Computador || 3. (fr) Ordinateur || 4. (en) Computer || Controlo: (de) Computer || (ru) Компьютер || - (Extra): (la) Computatrum